သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးမှ ဦးဝင်းထွန်းဦး(ဦးစီးမှူး)နှင့်ဝန်ထမ်းများ သည် (၁၅-၇-၂၀၂၅)ရက်နေ့၊နံနက်(၀၈:၃၀)နာရီအချိန်တွင် မြင်းခြံမြို့၊အမှတ်(၇)ရပ်ကွက်ရှိ မော်မော် ဆီအရောင်းဆိုင်သို့ ဈေးနှုန်းမြှင့်တင်ရောင်းချမှုရှိ/မရှိ ရှောင်တခင်ကွင်းဆင်းစစ်ဆေးခဲ့ပါသည်။
     ကွင်းဆင်းစစ်ဆေးရာတွင် စားအုန်းဆီလက်လီ/လက်ကားရောင်းချနေသော လုပ်ငန်းရှင်များ အနေဖြင့် စားအုန်းဆီများဖြန့်ဖြူးရောင်းချရာတွင် ဈေးနှုန်းများကို Vinylများ ချိတ်ဆွဲရောင်းချစေရေး၊ ရောင်းချသည့်ဈေးနှုန်းများကိုလည်း (၂%)အမြတ်ထက်ကျော်လွန်၍ ရောင်းချခြင်းမပြုရန်၊ အလေးချိန် အချင်အတွယ်မှန်ကန်စေရေး၊ အရေအတွက်မှန်ကန်စေရေး၊ ပြည်သူများလက်ဝယ်သို့ သက်သာသော နှုန်းထားဖြင့် အမှန်တကယ်ရောင်းချစေရေး၊ ဈေးနှုန်းများ အဆမတန် မြှင့်တင်ရောင်းချမှုမရှိစေရေးနှင့် ဈေးကစားရန်ရည်ရွယ်ချက်ဖြင့် သိုလှောင်ထားမှုမရှိစေရေး၊ စားသုံးသူလက်ဝယ်သို့ အမှန်တကယ် တိုက်ရိုက်ရောက်ရှိစေရေး၊ ဌာနမှသတ်မှတ်ထုတ်ပြန် ထားသည့် အမိန့်နှင့်ညွှန်ကြားချက်များနှင့်အညီ လိုက်နာရောင်းချစေရေးတို့အတွက် မြေပြင်အခြေအနေကွင်းဆင်းကြပ်မတ်စစ်ဆေးမှုများဆောင်ရွက်ခဲ့ ကြောင်းနှင့် လက်လီအရောင်းဆိုင်များအနေဖြင့် လိုက်နာဆောင်ရွက်လျက်ရှိကြောင်းသိရှိရသည်။

DOCA(မန္တလေး)

    ၂၀၂၅ ခုနှစ်၊ ဇူလိုင်လ(၁၁)ရက်နေ့(၁၃:၂၅)နာရီချိန်၌ညောင်ဦးခရိုင်၊ ကျောက်ပန်းတောင်းမြို့ နယ်အတွင်၊ ညောင်ဦးခရိုင်မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများအန္တရာယ်တား ဆီးကာကွယ်ရေးအဖွဲ့သို့ လျှောက်ထားလာသည့် ထိန်းချုပ်ဓာတုပစ္စည်းများ သိုလှောင်ဖြန့်ဖြူးခြင်း နှင့် လက်ဝယ်အသုံးပြုခြင်း ၊ ဘက်ထရီနှင့်အက်စစ်ကွန်ပေါင်းရောင်းဝယ်ရေး လုပ်ငန်းလိုင်စင် (သက်တမ်းတိုး) လျှောက်ထားမှုများနှင့်ပတ်သက်၍ ခရိုင်မူး/စိတ်/တားအဖွဲ့အတွင်းရေးမှူး ခရိုင်ရဲ တပ်ဖွဲ့မှူး၊ဒုတိယရဲမှူးကြီးအေးမင်းစိုး (အဖွဲ့ခေါင်းဆောင်) ဦးဆောင်၍ သက်ဆိုင်ရာဌာနများပါဝင် သော ကွင်းဆင်းစစ်ဆေးရေးအဖွဲ့နှင့် မြို့နယ်မူး/စိတ်/ တားအဖွဲ့တို့ပူးပေါင်း၍ မြေပြင်ကွင်းဆင်းစစ် ဆေးဆောင်ရွက်ခဲ့ကြသည်။  

    အဆိုပါမူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများအန္တရာယ် တားဆီးကာ ကွယ်ရေးပူးပေါင်းအဖွဲ့များသည် ထိန်းချုပ်ဓာတုပစ္စည်းများ သိုလှောင်ဖြန့်ဖြူးခြင်းနှင့် လက်ဝယ် အသုံးပြုခြင်း ၊ ဘက်ထရီနှင့်အက်စစ်ကွန်ပေါင်း ရောင်းဝယ်ရေးလုပ်ငန်းလိုင်စင်(သက်တမ်းတိုး) လျှောက်ထားသည့်  လုပ်ငန်းများအနေဖြင့် သတ်မှတ်စည်းကမ်းချက်များနှင့်အညီ ဆောင်ရွက်မှုရှိ/ မရှိ၊ ရောင်းချမှုမှတ်တမ်းအား သတ်မှတ်ချက်နှင့်အညီ အစီရင်ခံတင်ပြမှုရှိ/မရှိ၊ တရားမဝင်လုပ်ငန်း များသို့ ဖြန့်ဖြူးရောင်းချမှုရှိ/မရှိ ကွင်းဆင်းစစ်ဆေးပြီး လိုအပ်သည်များကို အကြံပြုမှာကြားဆောင် ရွက်ခဲ့ရာ ( ၁၅  : ၂၅ ) ချိန်တွင် ပြီးစီးခဲ့ကြောင်းသိရသည်။

DOCA(မန္တလေး)

         စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံ ဦးမျိုးဝင်း သန်းသည် ၂၀၂၅ ခုနှစ်၊ ဇူလိုင်လ ၄ ရက် မွန်းလွဲ(၁၅:၀၀)နာရီအချိန်တွင် ကန့်ဘလူမြို့နယ် ဆီကိုယ် စားလှယ်၏ မန္တလေးမြို့ရှိ စားအုန်းဆီကုမ္ပဏီမှ ခွဲတမ်းရစားသုံးဆီ(၁၅)ပေပါ(သို့) (၁၆၅၀)ပိဿာ ရောက်ရှိမှုအား ကွင်းဆင်းစစ်ဆေးခဲ့ကြောင်း သိရသည်။

          ထိုသို့ကွင်းဆင်းစစ်ဆေးခဲ့ရာတွင် ကန့်ဘလူမြို့နယ် ဆီကိုယ်စားလှယ်ှ ခွဲတမ်းရရှိလာ သောစားအုန်းဆီများကို ရည်ညွှန်းဈေး၊ သယ်ယူပို့ဆောင်ခ ကုန်ကျစရိတ်နှင့် ၂%အမြတ်တို့ဖြင့် စားအုန်းဆီလက်လီ/လက္ကားဆိုင်များသို့ ဖြန့်ခွဲရောင်းချပေးသွားမည်ဖြစ်ကြောင်း၊ လက်လီဆိုင်များမှ စားသုံးသူပြည်သူများသို့ ၂%အမြတ်ဖြင့် ပြန်လည်ရောင်းချပေးသွားမည်ဖြစ်ကြောင်း ခွဲတမ်းရရှိသော စားအုန်းဆီ လက်လီ/လက္ကားကိုယ်စားလှယ်ထံမှ သတင်းရရှိပါသည်။

DOCA(စစ်ကိုင်း)       

              ( ၂.၇.၂၀၂၅ ) ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်အတွင်းရှိ ကလေးဝမြို့၊ အမှတ် ( ၂ ) ရပ်ကွက်အတွင်းရှိ ဆန်နှင့် ဆန်ထွက်ပစ္စည်းရောင်းချသည့် ဒေါ်စန်းစန်းထွေးဆိုင်သို့ သွားရောက်၍ ဦးကျော်ကျော်မိုး ( မြို့နယ်တာဝန်ခံ ) မှ ဦးဆောင်၍ ကွင်းဆင်းစစ်ဆေးခြင်းများ ဆောင်ရွက်ခဲ့သည်ဟု သိရှိရပါသည်။

              စားသုံးသူရေးရာဦးစီးဌာနမှ ဦးကျော်ကျော်မိုး ( မြို့နယ်တာဝန်ခံ ) အနေဖြင့် မိမိတိုဆိုင်တွင် ဆန်များရောင်းချရာ၌ ဈေးကစားရန် ရည်ရွယ်ချက်ဖြင့် ဆန်များသိုလှောင်ထားခြင်း မပြုလုပ်ရန်နှင့် ဆန်များချင်တွယ်ရောင်းချရာတွင်လည်း အချင်အတွယ်များအား ပြည့်မှီစွာ ရောင်းချရန် ပြောကြားခဲ့‌ကြောင်း သိရှိရပါသည်။

DOCA(စစ်ကိုင်း)

    စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူးရုံး၏ ကြီးကြပ်မှုဖြင့် မုံရွာမြို့ရှိ ဆန်/ဆီကုန်သည်များက ငလျင်ဘေးဒဏ်သင့် စစ်ကိုင်းမြို့ရှိ ပြည်သူများသို့ ဆန်၊ ဆီ၊ ကြက်သွန်နီ၊ အသားတု၊ ဟင်းသီးဟင်းရွက်နှင့် ကုန်မျိုးစုံအားသက်သာသောဈေးနှုန်းဖြင့်(၇၇)ရက်မြောက်နေ့ အဖြစ် ရောင်းချပေးလျက်ရှိပါသည်။

    ၂၀၂၅ ခုနှစ်၊ မတ်လ ၃၁ ရက်နေ့မှ ဇူလိုင်လ ၁၀ ရက်နေ့အထိ 6S / 3038၊ 8A/ 8484၊ 4S/ 2246၊ 7N/ 9803 ဈေးကား(၄) စီးဖြင့် နံနက်ပိုင်း တွင်(၁) ကြိမ်၊ မွန်းလွဲပိုင်းတွင် (၁)ကြိမ် ရောင်းချပေးခဲ့ရာ ယနေ့ ၁၀.၇.၂၀၂၅ ရက်နေ့တွင် ဆန် (၂၄) ပြည်၊ ဆီ (၇၅)ပိဿာ၊ ဆား(၃)ပိဿာ၊ ကုလားပဲ(၁၁)ဘူး၊ ငါးပိ(၂)ပိဿာ၊ ငါးခြောက် (၁)ပိဿာ၊ ပုဇွန်ခြောက်(၃၀) ကျပ်သား၊ ကြက်ဥ (၇၅)လုံး၊ ဘဲဥ(၂၅)လုံး၊ ကြက်သွန်နီ (၅) ပိဿာနှင့် အသားတု(၁)ပိဿာတို့ကို ရောင်းချပေးခဲ့ပြီး  ယနေ့အထိ ရောင်းချမှုများမှာ ဆန်(၁၀၄၇၃)ပြည်၊ ဆီ (၈၄၄၃) ပိဿာ ၊ ဆား(၂၅၁) ပိဿာ၊ ကုလားပဲ(၈၆၇)ဘူး၊ ငါးပိ(၁၁၃)ပိဿာ၊ ငါးခြောက် (၇၀)ပိဿာ၊ ပုဇွန်ခြောက်(၂၁)ပိဿာ (၉၀) ကျပ်သား၊ ကြက်သွန်နီ (၈၅၈) ပိဿာ၊ အသားတု( ၉၃) ပိဿာ၊ ကြက်ဥ (၉၅၃၆) လုံး၊ ဘဲဥ (၁၃၈၉)လုံး တို့နှင့် ရေသန့် ၁ လီတာဘူး (၂၀၀) ကဒ်တို့ကို ဖြစ်ကြောင်း သိရသည်။

    ယနေ့ရောင်းချရာတွင်ငလျင်ဘေးဒဏ်သင့် ပြည်သူများရှိသည့်စစ်ကိုင်းမြို့ရှိ ‌ရွှေမင်းဝံရပ်ကွက်၊ ၁၅လမ်းတွင်  သက်သာသောဈေးနှုန်းဖြင့် ရောင်းချပေးခဲ့ကြောင်း သိရှိရပါသည်။

DOCA ( စစ်ကိုင်း )