သတင်းနှင့် လှုပ်ရှားမှုများ

   မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်စားသုံးသူရေးရာဦးစီးဌာနနှင့် မုဒုံမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ ၂၀၂၃ခုနှစ် ဖေဖော်ဝါရီလ ၂၃ ရက်နေ့၊ နေ့လယ် (၁၄:၀၀)နာရီတွင် “စားသုံးသူကာကွယ်ရေးအသိပညာပေး” (Talk Show) ဆွေးနွေးပွဲအား ကျင်းပပြုလုပ်ခဲ့ပါသည်။

  အဆိုပါ Talk Show တွင် မုဒုံမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်မိုးမိုးစန္ဒာက Talk show အစီအစဉ်ဖြင့် အသိပညာပေးဆောင်ရွက်ရခြင်း၏ ရည်ရွယ်ချက်အားလည်းကောင်း၊ ပြည်သူများသိရှိစေရန်အတွက် စားသုံးသူအသိပညာပေးရေး အကြောင်းအရာတို့အားလည်းကောင်း၊စားသုံးသူရေးရာဦးစီးဌာန၊ မုဒုံမြို့နယ်ရုံးတာဝန်ခံ ဦးစည်သူက  ဆွေးနွေးခဲ့ရာတွင် စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ကုန်စည်နှင့်ဝန်ဆောင်မှုအကြောင်းအရာများ၊ စားသုံးသူတို့၏အခွင့်အရေးနှင့် လိုက်နာရမည့် တာဝန်များကိုလည်းကောင်း၊ စားသုံးသူကာကွယ်ရေးဥပဒေ(၂၀၁၉)မှ စီးပွားရေးလုပ်ငန်းရှင်၏တာဝန်များနှင့် စီးပွားရေးလုပ်ငန်းရှင်သည် စားသုံးသူကာကွယ်ရေးဥပဒေအခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ဖော်ပြရမည့် အချက်အလက်များကိုလည်းကောင်း ဆွေးနွေးခဲ့ကြောင်း သတင်းရရှိပါသည်။

DOCA(မွန်)

   ဧရာဝတီတိုင်းဒေသကြီး၊ ကျိုက်လတ်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းသည် ကျိုက်လတ်မြို့နယ် အမှတ်(၆)ရပ်ကွက်ရှိ ထွန်းဇမ္ဗူဆန်စက်မှ လုပ်သားပြည်သူများကို   (၁၇-၂-၂၀၂၃)ရက်နေ့၊ နံနက်(၁၁:၀၀)နာရီအချိန်တွင် စားသုံးသူအသိပညာပေးဟောပြောပွဲ ပြုလုပ် ဆောင်ရွက်ခဲ့ပါသည်။

   ထိုဟောပြောပွဲတွင် မြို့နယ်တာဝန်ခံက လုပ်သားပြည်သူများအား ကုန်ပစ္စည်းနှင့်အစားအစာများ ဝယ်ယူရာတွင် ကုန်အညွှန်းအမှတ်အသားများပြည့်စုံစွာပါဝင်သော အစားအသောက်များကို ဝယ်ယူအသုံးပြုကြရန်နှင့် ပါဝင်ပစ္စည်း၊ အလေးချိန်နှင့် ထုတ်လုပ်သည့်ရက်စွဲပြည့်စုံစွာဖော်ပြထားခြင်း မရှိသော ပစ္စည်းများ၊ ကုန်အညွှန်းအမှတ်အသားမပြည့်စုံသော ပစ္စည်းများဝယ်ယူခြင်းမပြုရန်နှင့် တရားမဝင် ကုန်သွယ်မှုတိုက်ဖျက်ရေးအဖွဲ့ ဦးဆောင်ကော်မတီ၏ (၁/၂၀၂၃)ကြိမ်မြောက် လုပ်ငန်းညှိနှိုင်းအစည်းအဝေး ဆုံးဖြတ်ချက်အရ Coffee Shop နှင့် Happy Water Coffe Mix အထုပ်များထဲတွင် မူးယစ်ဆေးဝါးများ ပါဝင်သည့်အတွက် ဝယ်ယူသုံးစွဲခြင်းမပြုရန် ထည့်သွင်းဆွေးနွေးဟောပြောခဲ့ပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတခရိုင်၊ ဟင်္သာတမြို့၊ မြို့နယ်တာဝန်ခံ ဦးမိုးကျော်သည် စည်ပင်သာယာရေးဦးစီးဌာနနှင့် ပူးပေါင်း၍ ၂၀၂၃ ခုနှစ် ဖေဖော်ဝါရီလ(၁၆) ရက်နေ့ နံနက် (၁၀:၀၀)နာရီအချိန်တွင် ပဒေသာဈေးအတွင်းရှိ ဆေးမျိုးစုံအရောင်းဆိုင်များအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းခဲ့ရာတွင်မြို့နယ်တာဝန်ခံက စားသုံးသူမိဘပြည်သူများဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ဆေးဝါးများသည် ကုန်အညွှန်းအမှတ်အသားပြည့်စုံမှုရှိ/မရှိနှင့်၏မှတ်ပုံတင်ထားခြင်းမရှိသော ဆေးဝါးများရောင်းချခြင်းရှိ/မရှိ တို့ကိုစစ်ဆေးခဲ့ပြီးနောက် အစားအသောက်နှင့်ဆေးဝါးကွပ်ကဲရေးဦးစီးဌာနက တားမြစ်ကုန်စည်များမရောင်းချရန်နှင့်တရားမဝင်ဆေးဝါးများ တင်သွင်းရောင်းချခြင်းမပြုရန်၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်းလိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေး ဆောင်ရွက်ရန်နှင့်သတ်မှတ်အရည် အသွေးပြည့်မီသော ကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များနှင့်ပြစ်မှုပြစ်ဒဏ်များအကြောင်း စသည်တို့ကိုအသိပညာပေးဆွေးနွေးခဲ့ကာ၊ဆေးဆိုင်(၄) ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြကြောင်း သတင်းရရှိပါသည်။

DOCA(ဧရာဝတီ)

  မကွေးတိုင်းဒေသကြီး၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးဆိုင်ရာ အသိပညာပေးဆွေးနွေးဟောပြောခြင်းများကို စဉ်ဆက်မပြတ်ဆောင်ရွက်လျက်ရှိရာ (၂၂-၂-၂၀၂၃) ရက်နေ့ နေ့လယ်(၁၄:၀၀)နာရီအချိန်တွင်  မကွေးမြို့အစိုးရစက်မှုလက်မှုသိပ္ပံကျောင်း၌ စားသုံးသူကာကွယ်ရေးဆိုင်ရာ အသိပညာပေးဆွေးနွေးမှုလုပ်ငန်းများကိုး ဆောင်ရွက်ခဲ့ပါသည်။

       အဆိုပါအခမ်းအနားတွင် မကွေးမြို့ အစိုးရစက်မှုလက်မှုသိပ္ပံကျောင်း Civil ဌာနမှူး ဒေါ်မာမာက အဖွင့်အမှာစကားပြောကြားပြီးနောက် မကွေးတိုင်းဒေသကြီး၊ စားသုံးသူရေးရာဦးစီးဌာန၊ ဒုတိယတိုင်းဒေသကြီး ဦးစီးမှူး ဒေါ်အေးအေးမိုးက ဌာန၏သမိုင်းအကြောင်းကိုလည်းကောင်း၊ စားသုံးသူရေးရာဌာနခွဲတာဝန်ခံ ဒေါ်စန္ဒာစိုးလွင်က စားသုံးသူအခွင့်အရေးနှင့် CICCတိုင်ကြားနိုင်သည့်နည်းလမ်းများ၊ ဖြေရှင်းဆောင်ရွက်မှုအခြေအနေများအားလည်းကောင်း၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ ဒေါ်အေးအေးခိုင်က စားသုံးသူလိုက်နာရမည့် တာဝန်များနှင့် ကုန်အညွှန်းအမှတ်အသားဖော်ပြခြင်းဆိုင်ရာ အကြောင်းအရာများအားလည်းကောင်း ရှင်းလင်းဆွေးနွေးခဲ့ကြပါသည်။ ဆက်လက်၍ ဆွေးနွေးဟောပြောခဲ့မှုများအပေါ် ခြုံငုံ၍ စားသုံး/ထုတ်လုံတာဝန်ခံအရာရှိ ဒေါ်အေးမဉ္ဇူခိုင်က အနှစ်ချုပ်ဆွေးနွေးခဲ့ပြီး တက်ရောက်လာသည့် ကျောင်းသား/ကျောင်းသူများ၏ သိလိုသည်များမေးမြန်းခဲ့မှုအပေါ် ပြန်လည်ရှင်းလင်းဖြေကြားခြင်းများ ဆောင်ရွက်ခဲ့ပါသည်။

       ထို့နောက် မကွေးမြို့အစိုးရစက်မှုလက်မှုသိပ္ပံကျောင်း Civil ဌာနမှူးက နိဂုံးချုပ်အမှာစကားပြောကြားကာ အခမ်းအနားကို ရုပ်သိမ်းခဲ့ပါသည်။ အခမ်းအနားသို့ ဆရာ/ဆရာမ(၁၅)ဦး၊ ကျောင်းသား/ ကျောင်းသူ(၄၃၀)ဦးတို့ တက်ရောက်ခဲ့ကြကာ၊ တက်ရောက်လာသူများအား လက်ကမ်းစာစောင်များဝေငှပြီး ကျောင်းစာကြည့်တိုက်တွင်ထားရှိနိုင်ရန်အတွက် ဥပဒေစာအုပ်များ ပေးအပ်ခဲ့ပါသည်။

    စားသုံးသူပြည်သူများ စားသုံးသူအခွင့်အရေးများရရှိလာစေရေးနှင့် မိမိတို့လိုက်နာရမည့်တာဝန်များကို သိရှိလိုက်နာစေရေး၊   မိမိတို့နစ်နာဆုံးရှံးမှုများအပါ် တိုင်ကြားနိုင်သည့် အခွင့်အလမ်းများရရှိစေရေး အသိပညာပေးဆွေးနွေးဟောပြောပွဲများကို စဉ်ဆက်မပြတ်ဆောင်ရွက်လျက်ရှိရာ  မကွေးတက္ကသိုလ်၌ (၇-၂-၂၀၂၃)ရက်နေ့တွင်လည်းကောင်း၊ ပွင့်ဖြူမြို့ရှိ စိုက်ပျိုးရေးသိပ္ပံကျောင်း၌ (၁၄-၂-၂၀၂၃)ရက်နေ့တွင်လည်းကောင်း တိုင်းဒေသကြီးဦးစီးမှူးရုံးမှ အရာထမ်း၊ အမှုထမ်းများက စားသုံးသူအသိပညာပေးဆွေးနွေးပွဲများ ဆောင်ရွက်ခဲ့ပါကြောင်း သတင်းရရှိပါသည်။

DOCA(မကွေး)

          စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့်ဝန်ထမ်းတို့သည် ကျန်းမာရေးဦစီးဌာန၊ မြို့နယ်စည်ပင်အဖွဲ့တို့နှင့်ပူးပေါင်း၍  ၂၀၂၃ခုနှစ်၊ ဖေဖော်ဝါရီလ(၂၀)ရက်နေ့၊ နံနက်(၁၀:၃၀)  နာရီအချိန်တွင် မြို့မဈေးရှိဆေးပစ္စည်းအရောင်းဆိုင်များ၌ DICLON.Mဆေးများတွင် Register မှတ်ပုံတင်ထားခြင်းရှိ/မရှိနှင့် ဈေးကွက်အတွင်းရောင်းချမှုရှိ/မရှိ တို့အားကွင်းဆင်းစစ်ဆေးခဲ့ပါသည်။

          ထို့သို့ကွင်းဆင်းစစ်ဆေးရာတွင် ရောင်းချနေသော ဆေးဝါးပစ္စည်းဆိုင်များ၌ DICLON.M ဆေးများတွင် Register (မှတ်ပုံတင်ထားကြောင်း)နှင့်ဈေးကွက်အတွင်း၌ လည်း‌ရောင်းချလျက်ရှိကြောင်း ကိုစစ်ဆေးတွေ့ရှိခဲ့ရ၍ ဈေးကွက်အတွင်း၌ အတုအပပစ္စည်းများခွဲခြား၍မရအောင်ဝင်ရောက်လျက်ရှိသဖြင့် သတိပြုရောင်းချသွားကြပါရမည်ဖြစ်ပါကြောင်းတွေ့ဆုံပြောကြားခဲ့ပြီးနောက် ဈေးနှုန်းတည်ငြိမ်မှုနှင့်စျေးနှုန်းဈေးကွက်အခြေအနေများကိုလည်း မေးမြန်းကာကွင်းဆင်းစစ်ဆေးခဲ့ပါကြောင်းသတင်းရရှိပါသည်။

DOCA(ဧရာဝတီ)