HighLight News

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဒု-ဦးစီးမှူး ဒေါ်ဌေးဌေးဝင်းသည် အသေးစား၊ အငယ်စား၊ အလတ်စားစီးပွားရေးလုပ်ငန်းရှင်များဖွံ့ဖြိုးတိုးတက်စေရန်အတွက် (၂၄-၅-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် အလယ်ပိုင်းရပ်ကွက်၊ ဥယျာဉ်လမ်းနေ “မဟေသီ”ငှက်ပျောကြော်လုပ်ငန်းလုပ်ကိုင်သူ ဒေါ်ဥမ္မာနှင့်တွေ့ဆုံ၍ ကွင်းဆင်းလေ့လာဆွေးနွေးခဲ့ပါသည်။

          “မဟေသီ”ငှက်ပျောကြော်လုပ်ငန်းလုပ်ကိုင်သူ ဒေါ်ဥမ္မာသည် ယခုလုပ်ငန်းအား လုပ်ကိုင်ခဲ့သည်မှာ (၅)နှစ်နီးပါးရှိပြီဖြစ်ပါကြောင်း၊ ယခုလိုလုပ်ကိုင်ရာတွင် ကုန်ကြမ်းအဖြစ် ငှက်ပျောသီးအစိမ်းများအား ကျေးရွားများရှိ ငှက်ပျော်ခြံများအထိဆင်း၍ ဝယ်ယူရပါကြောင်း၊ နွေရာသီဖြစ်သဖြင့် ငှက်ပျောသီးများဝယ်ယူရာတွင် ခက်ခဲပါကြောင်း၊ မင်းဘူး၊ မကွေးမှ ငှက်ပျောကုန်သည်များကလည်း သုံးဘီးများဖြင့် လာရောက်ဝယ်ယူကြသဖြင့် ၎င်းတို့နှင့်ယှဉ်၍ ဝယ်ရပါကြောင်း၊ ယခင်နှစ်က ငှက်ပျောသီးတစ်ဖီးအလုံးလှလှလေးများတစ်ဖီးလျှင် ကျပ်(၇၀၀-၈၀၀)ပေးရသော်လည်း ယခုအခါတွင် ငှက်ပျောသီးတစ်ဖီးလျှင် ကျပ်(၁၂၀၀-၁၃၀၀)ထိပေး၍ ဝယ်ယူရပါကြောင်း၊ လုပ်သားများအနေဖြင့် ယခုရာသီတွင် ကျောင်းများပိတ်နေ၍ အရောင်းအဝယ်နည်းပါနေသဖြင့် မိမိတို့မိသားစု(၅)ဦးဖြင့်သာ လုပ်ကိုင်နေရပါကြောင်း၊ ကျောင်းများဖွင့်ချိန်တွင် ပြင်ပလုပ်သား(၇)ဦးဖြင့် တစ်ဦးလျှင် ကျပ်(၄၀၀၀)နှုန်းဖြင့် ခေါ်ယူရပါကြောင်း၊ ကုန်ချောအဖြစ် ရရှိလာသောငှက်ပျောကြော်များအား ကျပ်(၁၀၀)တန်နှင့် ကျပ်(၂၀၀)တန်များထုပ်ပိုး၍ ပွင့်ဖြူမြို့နယ်အတွင်းရှိ ကုန်စုံဆိုင်ရောင်းချနေသော ရှောက်တော၊ လယ်ကိုင်း၊ ကျောင်းတော်ရာမှ ကုန်စုံဆိုင်များအရောက် မိမိတို့အနေဖြင့် ဆိုင်ကယ်ဖြင့် သွားရောက်ပို့ပေးရပါကြောင်း၊ ကျပ်(၂၀၀)တန်မှာ အနည်းငယ်သာရောင်းရပါကြောင်း၊ ကျပ်(၁၀၀)တန်သာပိုမိုရောင်းရပါကြောင်း၊ ကျပ်(၁၀၀)တန်တစ်ထုပ်လျှင် (၈၄)ကျပ်နှုန်း ဖြင့် အရောက်ပေးပို့ရပါကြောင်း၊ စလင်းမြို့နယ်မှ ဈေးဆိုင်များမှလည်း ကျောင်းဖွင့်ရာသီတွင် မိမိတို့ပေးနိုင်သောဈေးနှင့် ၎င်းတို့ပေးနိုင်သောဈေးနှုန်းအား ပြန်လည်ညှိနှိုင်းပေးမည့်ဖုန်းနံပါတ်များဖြင့် ဆက်သွယ်ကမ်းလှမ်းထားပါကြောင်း၊ မိမိတို့အနေဖြင့် ကုန်ကြမ်းပစ္စည်းများဝယ်ယူရာတွင် ဈေးနှုန်းများကြီးသဖြင့် အရင်းအနှီးများများစိုက်ထုတ်၍ မလုပ်နိုင်သေးပါကြောင်း၊ မကွေးမြို့မှ ကောင်းမွန်စင်တာများသို့လည်း အဆက်အသွယ်ကောင်းပါက ပေးပို့ချင်ပါကြောင်း၊ ဈေးနှုန်းဈေးကွက်များထိုးဖောက်မည်ဆိုပါက အရင်းအနှီးများများလိုအပ်ပါကြောင်း၊ အရင်းအနှီးများများစိုက်ထုတ်နိုင်ပါက မိမိလုပ်ငန်းသည် တွင်တွင်ကျယ်ကျယ်ဖြင့် အခြားမြို့ကြီးများသို့ တင်ပို့နိုင်မည်ဖြစ်ပါကြောင်း၊ ထိုသို့တွင်ကျယ်လာပါက မိမိတို့အနေဖြင့် ထုတ်ပိုးမှုပုံစံအသစ်ဒီဇိုင်းကောင်းများဖြင့်ပြုလုပ်ပြီး ထုပ်ပိုးသွားမည်ဖြစ်ပါကြောင်း “မဟေသီ”ငှက်ပျောကြော်လုပ်ငန်းလုပ်ကိုင်သူ ဒေါ်ဥမ္မာထံမှ သိရှိခဲ့ရပါသည်။

 ပွင့်ဖြူမြို့နယ်တာဝန်ခံအနေဖြင့်လည်း မိမိတို့ဌာမှထုတ်ပြန်ထားသော ကုန်အညွှန်းအမှတ်အသားများကို ပြည့်စုံမှန်ကန်စွာထည့်သွင်းဖော်ပြပေးနိုင်ရန် နမူနာပုံစံများပေးပို့ခဲ့ပြီး အသေးစားစက်မှုလုပ်ငန်း၏ မှတ်ပုံတင်များလျှောက်ထားနိုင်ရေးကိုလည်း ကူညီပံ့ပိုးပေးခဲ့ပါသည်။

DOCA(မကွေး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးအသိပညာပေးဟောပြောပွဲများကို လစဉ် စီမံချက်များပြည့်မီအောင် ဆောင်ရွက်လျက်ရှိရာ (၂၄-၅-၂၀၂၃ )ရက်နေ့၊ နေ့လယ် (၁၄:၀၀) နာရီအချိန်တွင် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရွှေဘိုခရိုင်၊ အသေးစားစက်မှုလက်မှုလုပ်ငန်းဦးစီးဌာနမှ ရွှေဘိုခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးတွင်ကျင်းပသော လူသုံးကုန်ထုတ်လုပ်မှုနည်းပညာသင်တန်းတွင် စားသုံးသူကာကွယ်ရေးအသိပညာပေးဟောပြောပွဲဆောင်ရွက်ခဲ့ပါသည်။

 အဆိုပါဟောပြောပွဲတွင် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး၊  ဒု-ခရိုင်ဦးစီးမှူး ဒေါ်နှင်းနှင်းခိုင်က စားသုံးသူရေးရာဦးစီးဌာနပေါ်ပေါက်လာပုံ၊ စားသုံးသူရေးရာဦးစီးဌာန၏ ဆောင်ပုဒ်၊ မျှော်မှန်းချက်၊ ရည်မှန်းချက်၊ စားသုံးသူအခွင့်အရေးနှင့်လိုက်နာရမည့်တာဝန်များ၊ စီးပွားရေးလုပ်ငန်းရှင်၏တာဝန်များ၊ လူသုံးကုန်ထုတ်လုပ်မှုနည်းပညာသင်တန်းသို့ တက်ရောက်ကြသည့်သင်တန်းသား/သင်တန်းသူများအနေဖြင့် မိမိတို့၏ထုတ်ကုန်များကို စီးပွားရေးလုပ်ငန်းတစ်ခုအနေဖြင့် ထုတ်လုပ်ဖြန့်ဖြူးရောင်းချပါက စားသုံးသူကာကွယ်ရေးဥပဒေ၂၀၁၉၊ အခန်း(၁၈)ပါ ကုန်အညွန်းအမှတ်အသားဖော်ပြခြင်းအကြောင်းနှင့် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါ အကြောင်းများကို အသေးစိတ်ရှင်းလင်းဆွေးနွေးခဲ့ပြီး စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သောအကြောင်းများကို မေးမြန်းစုံစမ်းနိုင်သည့် Concumer Call Center အကြောင်း၊ တိုင်ကြားစာများကို စိစစ်ညှိနှိုင်းဖြေရှင်းပေးသည့်အကြောင်းများကို ရှင်းလင်းဆွေးနွေးခဲ့ရာ သင်တန်းသား/သင်တန်းသူ စုစုပေါင်း(၂၅)ဦးတက်ရောက်ခဲ့ကာ စားသုံးသူကာကွယ်ရေးအသိပညာပေးလက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

 စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်အနေဖြင့် ထုတ်ကုန်များလုံခြုံစိတ်ချရမှုရှိစေရေး အတွက် ဈေးကွက်စောင့်ကြည့်စစ်ဆေးခြင်းများကို လစဉ် ဆောင်ရွက်လျက်ရှိရာ ခရိုင်ဦးစီးမှူး၊ ဒု-ခရိုင်ဦးစီးမှူးနှင့် ဝန်ထမ်း(၃)ဦးတို့သည်  (၂၃-၅-၂၀၂၃) ရက်နေ့၊ နံနက် (၁၁:၀၀) နာရီအချိန်တွင် ရွှေဘိုမြို့၊ အမှတ်(၃)ရပ်ကွက်ရှိ မုန့်မျိုးစုံရောင်းချသည့်ဆိုင်နှင့် (၂၄-၅-၂၀၂၃) ရက်နေ့၊ နံနက်  (၁၀:၀၀) နာရီအချိန်တွင် ရွှေဘိုမြို့၊ အမှတ်(၅)ရပ်ကွက်ရှိ  မုန့်မျိုးစုံရောင်းချသည့်ဆိုင်တို့အား ဈေးကွက်စောင့်ကြည့်စစ်ဆေးခဲ့ပါသည်။

    အဆိုပါကုန်မျိုးစုံရောင်းဝယ်ရေးဆိုင်တွင် ရောင်းချသည့်ကုန်မျိုးစုံများအား ကုန်အညွှန်းအမှတ်အသားများပြည့်စုံစွာဖော်ပြထားခြင်းရှိ/မရှိ၊  သက်တမ်းလွန်သည့်ကုန်စည်များရောင်းချမှုရှိ/မရှိ၊ စားသုံးရန်/သုံးစွဲရန်မသင့်သောကုန်စည်များရောင်းချခြင်းရှိ/မရှိနှင့် တရားမဝင်တင်သွင်းလာသည့်ကုန်စည်များရောင်းချခြင်းရှိ/မရှိ စသည့်ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပြီး ရောင်းချသည့်စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေ ၂၀၁၉ပါ ကုန်အညွန်းအမှတ်အသားဖော်ပြခြင်းတွင် ပါဝင်ရမည့်အချက်များ၊ ကုန်အညွှန်းအမှတ်အသားနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါအကြောင်းများ၊  စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါအချက်များနှင့် မြန်မာနိုင်ငံစားသုံးသူကာကွယ်ရေးကော်မရှင်၏ညွှန်ကြားချက်အမှတ်(၂/၂၀၁၉)ပါ ကုန်အညွှန်းအမှတ်အသားများပြည့်စုံစွာဖော်ပြ၍ ဌာန၏အတည်ပြုချက်ရယူနိုင်ရေးဆောင်ရွက်ကြရန် ဌာနမှကူညီဆောင်ရွက်ပေးသည့်အကြောင်းများကို အသိပညာပေးခဲ့ကြောင်း၊  ဆက်လက်၍ တရားမဝင်တင်သွင်းသောကုန်စည်များကိုရောင်းချခြင်းမပြုရန်၊ တရားမဝင်တင်သွင်းသောကုန်စည်များကို ဈေးကွက်အတွင်းရောင်းချခြင်းဖြင့် နိုင်ငံတော်မှရသင့်ရထိုက်သော အခွန်ဘဏ္ဍာငွေဆုံးရှုံးမှုဖြစ်စေရုံသာမက အဆိုပါကုန်စည်များသည် အရည်အသွေးအာမခံချက်မရှိနိုင်ခြင်း၊ ကုန်စည်အတုများဖြစ်နေနိုင်ခြင်းနှင့် စားသုံးသူပြည်သူများအတွက် ဘေးကင်းလုံခြုံမှုမရှိနိုင်ခြင်းတို့ ဖြစ်စေနိုင်သဖြင့် ရောင်းချခြင်းမပြုကြရန် အသိပညာပေးဆွေးနွေးခဲ့ပြီး စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှဆောင်ရွက်နေသောလုပ်ငန်းများကိုသိရှိလိုပါက ရုံးဖွင့်ရက်များ၏ ရုံးချိန်အတွင်း Consumer Call Center No. 1535 သို့ ဆက်သွယ်မေးမြန်းနိုင်သည့်အကြောင်းများ အသိပညာပေးဆွေးနွေးခဲ့ပြီး စားသုံးသူကာကွယ်ရေးအသိပညာပေးလက်ကမ်းစာစောင်များဖြန့်ဝေ ခဲ့ကြကြောင်း သတင်းရရှိပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီးတွင် ရွှေဘို၊ ရေဦး၊ ကန့်ဘလူနှင့် ကသာခရိုင်များတွင် နွေစပါးသီးနှံများကို အများဆုံးစိုက်ပျိုးလျက်ရှိပါသည်။ ယခုနှစ် နွေရာသီကာလ၌ နွေစပါးကို ၃၄၈၀၀၀ဧကလျာထားခဲ့ရာမှ ၁၉၇၀၀၂ဧကစိုက်ပျိုးနိုင်ခဲ့ကြောင်း တိုင်းဒေသကြီးစိုက်ပျိုးရေးဦးစီးဌာန၏ စာရင်းများအရ သိရပါသည်။

  စစ်ကိုင်းတိုင်းဒေသကြီးအတွင်း ၂၀၂၃ခုနှစ်၊ နွေရာသီကာလတွင် နွေစပါးသီးနှံကို ခရိုင်အလိုက် စိုက်ပျိုးခဲ့ကြကြောင်း၊ ရွှေဘိုခရိုင်တွင် ၈၁၀၄၈ဧက၊ ရေဦးခရိုင်တွင် ၃၂၃၃၇ဧက၊ ကန့်ဘလူခရိုင်တွင် ၂၃၄၀၉ဧက၊ ကသာခရိုင်တွင် ၂၂၄၄၆ဧက၊ ဟုမ္မလင်းခရိုင်တွင် ၁၁၃၄၃ဧက၊ စစ်ကိုင်းခရိုင်တွင် ၈၆၉၈ဧက၊ မော်လိုက်ခရိုင်တွင် ၇၈၂၃ဧက၊ ကောလင်းခရိုင်တွင် ၄၂၄၀ဧက၊ ကလေးခရိုင်တွင် ၃၈၅၇ဧက၊ ယင်းမာခရိုင်တွင် ၁၀၇၁ဧက၊ မုံရွာခရိုင်တွင် ၆၉ဧက၊ ခန္တီးခရိုင်တွင် ၃၅ဧကနှင့် တမူးခရိုင်တွင် ၃ဧက၊ စုစုပေါင်း ၁၉၇၀၀၂ဧကစိုက်ပျိုးခဲ့သည့်အနက်မှ (၁၅-၅-၂၀၂၃) ရက်နေ့စာရင်းအရ ကသာခရိုင်တွင် ၁၃၉၈၈ဧက၊ ဟုမ္မလင်းခရိုင်တွင် ၇၈၄၈ဧကနှင့် ရွှေဘိုခရိုင်တွင် ၆၃ဧက၊ စုစုပေါင်း ၂၁၈၉၉ဧကရိတ်သိမ်းပြီးဖြစ်ပါကြောင်း သိရှိရပါသည်။

DOCA(စစ်ကိုင်း)

  ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့နယ်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် စားသုံးသူရေးရာဦးစီးဌာနတို့ ပူးပေါင်း၍ (၂၃-၅-၂၀၂၃) ရက်နေ့၊ နံနက် (၁၀:၃၀) နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူအသိပညာပေး Talk Show ပြုလုပ်ခဲ့ပါသည်။

     ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးက  စားသုံးသူအသိပညာပေး Talk Show ပြုလုပ်ရခြင်း၏ရည်ရွယ်ချက်အား ရှင်းလင်းပြောကြားပြီးနောက် စားသုံးသူရေးရာဦးစီးဌာန၊ မြို့နယ်ဦးစီးမှူး ဦးလှထွဋ်ဦးက ဌာန၏မျှော်မှန်းချက်၊ ရည်မှန်းချက်များ၊ ရှေ့ဆက်လက်ဆောင်ရွက်ရမည့်လုပ်ငန်းတာဝန်များအား ဦးစွာရှင်းလင်းပြောကြားခဲ့ပြီး စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနကထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များမှ အခန်း(၉)ပါ စားသုံးသူ၏အခွင့်အရေး(၈)ချက်နှင့် တာဝန်(၄)ချက်၊ အခန်း(၁၀)ပါ စီးပွားရေးလုပ်ငန်းရှင်၏တာဝန်(၁၁)ချက်၊ အခန်း(၂၃)ပါ တားမြစ်ချက်များ၊ အခန်း(၂၄)ပါ ပြစ်မှုပြစ်ဒဏ်များ၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁၊ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ပြီး ကုန်စည်အမျိုးအစားအလိုက် သတ်မှတ်ထားသည့်ဥပဒေများနှင့်အညီ ဆောင်ရွက်ကြရန်၊ စက်သုံးဆီနှင့်ပတ်သက်ပြီး သယ်ယူ/သိုလှောင်/ဖြန့်ဖြူးရောင်းဝယ်နေသော စက်သုံးဆီအရောင်းဆိုင်များအနေဖြင့် PPRD ကထုတ်ပြန်ထားသော သတ်မှတ်ရည်ညွှန်းဈေးထက် ပိုမိုရောင်းချခြင်းရှိ/မရှိနှင့် ပြည်သူများအဆင်ပြေစွာဝယ်ယူနိုင်ရေးအတွက် မြို့နယ်အတွင်းရှိ စက်သုံးဆီအရောင်းဆိုင်များ ဆီပြတ်လပ်မှုမရှိစေရေးနှင့် ပုံမှန်ဖွင့်လှစ်ရောင်းချနိုင်ရေးအတွက် ကွင်းဆင်းဆောင်ရွက်နေရပါကြောင်း၊ စီးပွားရေးလုပ်ငန်းရှင်များအနေဖြင့် ဥပဒေပါအချက်အလက်များသိရှိလိုပါက စားသုံးသူရေးရာဦးစီးဌာန၊ ခရိုင်ဦးစီးမှူးရုံးတွင်လည်းကောင်း၊ စားသုံးသူရေးရာဦးစီးဌာန၊ ရုံးချုပ်၏ www.doca.gov.mm website တွင်လည်း ဝင်ရောက်လေ့လာကြည့်ရှုနိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ပါကြောင်း အသိပညာပေးဟောပြောဆွေးနွေးခဲ့ပါသည်။

DOCA(ဧရာဝတီ)