HighLight News

   ရခိုင်ပြည်နယ်၊ သံတွဲခရိုင်၊ သံတွဲမြို့၌ ဒေသဖွံ့ဖြိုးရေးအတွက် ကွင်းဆင်းဆောင်ရွက်မှု၌ နိုင်ငံတော်မှ ချမှတ်ထားသည့် စစ်ကြောင်း (၅) ကြောင်းပုံသဏ္ဍာန်ဖော်၍ ဟောပြောပွဲကို (၈-၉-၂၀၂၃) ရက်နေ့၊ နေ့လယ်  (၁၃:၃၀) နာရီအချိန်တွင် ငပလီမြို့၊ ဇီးဖြူကုန်းရပ်ကွက်၌ သံတွဲမြို့စစ်ကြောင်း(၅)မှ တာဝန်ရှိသူများသည် ရပ်ကွက်နေပြည်သူများအား အသိပညာပေးအခမ်းအနားကျင်းပခဲ့ပါသည်။

    အဆိုပါ အခမ်းအနားတွင်နိုင်ငံရေးစစ်ကြောင်းမှ ဗိုလ်မှူးကျော်လင်းဦးက အဖွင့်အမှာစကားပြောကြားပြီး အဖွဲ့ဖြင့်လိုက်ပါလာသော အုပ်ချုပ်ရေးစစ်ကြောင်းမှ သံတွဲမြို့အုပ်ချုပ်ရေးမှူး ဦးမောင်သာစိန်၊ ဒေသဖွံ့ဖြိုးရေးစစ်ကြောင်းမှ မြို့နယ်ကျေးလက်ဖွံ့ဖြိုးရေး ဦးစီးဌာနမှူး ဦးမြတ်သူ၊ စည်းရုံးရေးစစ်ကြောင်း၊ ပြည်သူ့အင်အားဦးစီးဌာနမှ မြို့နယ်ဦးစီးမှူး ဦးမြင့်ဇော်နှင့် တာဝန်ရှိသူများက သက်ဆိုင်ရာကဏ္ဍအလိုက် အသီးသီးဆွေးနွေးခဲ့ကြကြောင်း၊ လူမှုရေးစစ်ကြောင်းမှ စားသုံးသူရေးရာဦးစီးဌာန၊ သံတွဲခရိုင်ဦးစီးမှူး ဦးဝင်းနိုင်(ဦးစီးအရာရှိ)က စားသုံးသူရေးရာဦးစီးဌာန၏လုပ်ငန်းဆောင်ရွက်ချက်တို့ကို ရှင်းလင်းပြောကြားပြီးနောက် ဌာန၏စားသုံးသူကာကွယ်ရေးဥပဒေပါ ပြဋ္ဌာန်းချက်များ၊ စားသုံးသူအခွင့်အရေးနှင့်တာဝန်များ၊ ကုန်စည်/ဝန်ဆောင်မှုပေါ်တွင် စားသုံးသူကတောင်းဆိုနိုင်သည့်အခွင့်အရေးများ၊ စားသုံးသူများလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးဥပဒေ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြရမည့်အကြောင်းအရာများ၊ စားသုံးသူနစ်နာဆုံးရှုံးမှုများအပေါ် အရေးဆိုတောင်းဆိုနိုင်သည့် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) ရုံးခန်းဖွင့်လှစ်ဆောင်ရွက်နေမှုအခြေအနေများ၊ Online စနစ်ဖြင့် ရောင်းချသည့်လုပ်ငန်းများအတွက်လည်း မှတ်ပုံတင်လျှောက်ထားပြီးမှသာ လုပ်ဆောင်ရန်လိုအပ်ကြောင်း အကျယ်တဝင့်ရှင်းလင်းဆွေးနွေးခဲ့ပြီး တက်ရောက်လာသူများ၏ မေးမြန်းချက်များအား ပြန်လည်ဖြေကြားခဲ့ကြောင်း သတင်းရရှိပါသည်။       

DOCA(ရခိုင်)                                                          

    စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးအနေဖြင့် ၂၀၂၃ခုနှစ်၊ စက်တင်ဘာလ ၇ရက်နေ့၊ နံနက် (၁၀:၀၀) နာရီအချိန်တွင် လွိုင်ကော်မြို့၊ ရှမ်းပိုင်းရပ်ကွက်၊ နောင်ယား(ခ)ရပ်ကွက်၊ ဒေါနိုးကူးရပ်ကွက်ရှိ ကလေးအာဟာရဖော်စပ်ဖြည့်စွက်စာအမျိုးမျိုးရောင်းချနေသော ကုန်စုံဆိုင်များနှင့်ဆေးဆိုင်များသို့ မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉)ပါ ကုန်အညွှန်းအမှတ်အသားသတ်မှတ်ချက်များနှင့်ကိုက်ညီမှုရှိ/မရှိ၊ မိတ်ဖက်ဌာနများဖြစ်သော မြို့နယ်စည်ပင်သာယာရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်နယ်ရဲတပ်ဖွဲ့တို့နှင့်ပူးပေါင်း၍ ဈေးကွက်စောင့်ကြည့်စစ်ဆေးခဲ့ပါသည်။

 ကယားပြည်နယ်၏ ကလေးအာဟာရဖြည့်စွက်စာအများစုမှာ လက်ရှိဈေးကွက်အနေအထားအရ တန်ဖိုးကြီးဖော်စပ်စာနှင့် ဖြည့်စွက်စာတချို့မှာ ဝယ်လိုအားနည်းပါးကြောင်း၊ အလယ်အလတ်တန်းစား ကလေးအာဟာရဖြည့်စွက်စာများမှာ အရောင်းပိုသွက်ကြောင်း၊ ဈေးနှုန်းများမှာလည်း မြှင့်တက်လျက်ရှိကြောင်း၊ မိခင်နို့ရည်အစားထိုးအစာဖြင့် အာဟာရပြည့်ဝစွာမရရှိနိုင်သည့် ကလေးငယ်များအတွက် ထုတ်လုပ်ထားသည့် နို့ရည်နှင့်နို့မှုန့်များတွင် အသက်အပိုင်းအခြားတိကျစွာဖော်ပြပါရှိပြီး ဖျော်စပ်သုံးစွဲရန်အညွှန်းများကို မြန်မာဘာသာဖြင့် တိကျစွာဖော်ပြထားကြောင်း၊ ပြည်ပမှတစ်ဆင့် ဝင်ရောက်သောကလေးအာဟာရဖြည့်စွက်စာများတွင် မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉)ပါ ကုန်အညွှန်းအမှတ်အသားသတ်မှတ်ချက်များကို စတစ်ကာများဖြင့် ကပ်နှံဖော်ပြထားရှိပြီး အဆိုပါပစ္စည်းများမှာ  အသစ်ဝင်ရောက်ခြင်းမဟုတ်ဘဲ သက်တမ်းရက်ကျော်လွန်ခြင်းမရှိသေးသောပစ္စည်းလက်ကျန်များဖြစ်ကြောင်း၊ တချို့ကုန်စုံဆိုင်နှင့် ဆေးဆိုင်များ၌ တင်သွင်းရောင်းချမှုမရှိကြောင်းစစ်ဆေးတွေ့ရှိရပါသည်။

   ဆိုင်ရှင်များအနေဖြင့် ကလေးငယ်များနှင့်သက်ကြီးရွယ်အိုများ ကျန်းမာရေးဆိုင်ရာ ထိခိုက်မှုများဖြစ်ပွားစေနိုင်သည့် အာဟာရဖြည့်စွက်စာအမျိုးမျိုးကို နေရောင်ခြည်နှင့်တိုက်ရိုက်မထိတွေ့  သောနေရာတွင် စနစ်တကျထားသိုသိမ်းဆည်းရောင်းချရန်လိုအပ်ကြောင်းနှင့် စားသုံးသူကိုနစ်နာဆုံးရှုံးမှုဖြစ်စေမည့် ကုန်အညွှန်းအမှတ်အသားမပါရှိသောကုန်စည်များ၊ ဘေးအန္တရာယ်ရှိသည်ဟု ထင်မြင်ယူဆရသော ကျန်းမာရေးနှင့်ကိုက်ညီမှုမရှိသည့် ကလေးအာဟာရဖြည့်စွက်စာများ၊ အသက်အရွယ်အလိုက် ရောင်းချသင့်သည့် ကလေးအာဟာရဖြည့်စွက်စာတို့ကို ခွဲခြား၍ရောင်းချရန်လိုအပ်ကြောင်း၊ သတ်မှတ်ချက်နှင့်ကိုက်ညီမှုမရှိသော ကလေးအာဟာရဖြည့်စွက်စာတို့ကို ဈေးကွက်အတွင်း ရောင်းချဖြန့်ဖြူးခြင်းများစစ်ဆေးတွေ့ရှိရပါက သက်ဆိုင်ရာဌာနများ၏ ဥပဒေအရ အရေးယူခြင်းခံရမည်ဖြစ်ကြောင်း၊ ၎င်းနောက် ကလေးအာဟာရဖြည့်စွက်စာများအမျိုးမျိုးရောင်းချသည့် ကုန်စုံဆိုင်နှင့် ဆေးဆိုင်(၁၀)ဆိုင်အား အသိပညာပေး၍ စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

   ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်ရှိ ဆန်စက်လုပ်ငန်းရှင်များအား (၆-၉-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ မအူပင်ခရိုင်ဦးစီးမှူး ဦးဇော်မင်းနှင့်ဝန်ထမ်းများသည် မြို့ကွက်သစ်ရပ်ကွက်ရှိ တောင်ထိပ်ပန်းပွင့်အစည်းအဝေးခန်းမ၌ တွေ့ဆုံ၍ အသိပညာပေးဆွေးနွေးခဲ့ပါသည်။

 အဆိုပါတွေ့ဆုံဆွေးနွေးပွဲတွင် ဆန်စက်လုပ်ငန်းရှင်တစ်ဦးက ပန်းတနော်မြို့နယ်၏ ဆန်စပါးဈေးနှုန်းဈေးကွက်အခြေအနေ၊ ဆန်စက်လုပ်ငန်းရှင်အသင်း၏ဆောင်ရွက်ထားရှိမှုနှင့် အသင်းအဖွဲ့စည်းမျဉ်းစည်းကမ်းများနှင့် လိုက်နာဆောင်ရွက်မှုတို့၏တိုးတက်မှုများကို စတင်ဆွေးနွေးခဲ့ပါသည်။

   စားသုံးသူရေးရာဦးစီးဌာန၊ ခရိုင်ဦးစီးမှူး ဦးဇော်မင်းက အသင်းအဖွဲ့စည်းမျဉ်းစည်းကမ်းများကို ပိုမိုလိုက်နာဆောင်ရွက်ပါက အသင်းအဖွဲ့ဖွံ့ဖြိုးတိုးတက်မှုရလဒ်ကောင်းများနှင့် ဆန်စပါးဈေးကွက်ဖြစ်ပေါ်လာမှုအပေါ် ဆန်စက်လုပ်ငန်းရှင်များအသင်းနှင့် စားသုံးသူရေးရာဦးစီးဌာနတို့ပူးပေါင်းဆောင်ရွက်သင့်သည့် အခြေအနေများကို အပြန်အလှန်ရင်းနှီးပွင့်လင်းစွာဆွေးနွေးခဲ့ကြပြီး ဆန်စက်လုပ်ငန်းရှင် (၉)ဦးတက်ရောက်ခဲ့ကြကြောင်း သတင်းရရှိပါသည်။

DOCA(ဧရာဝတီ)

  စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင်နှင့်ဝန်ထမ်းများသည် (၅-၉-၂၀၂၃) ရက်နေ့တွင် ညောင်တုန်းမြို့နယ်၊ စည်ပင်သာယာရေးကော်မတီရုံးခန်းမတွင် ဆန်ကုန်သည်အသင်းလုပ်ငန်းရှင်များနှင့်တွေ့ဆုံ၍ စားသုံးသူကာကွယ်ရေးဥပဒေအကြောင်း အသိပညာပေးဟောပြောဆွေးနွေးခဲ့ကြပါသည်။

   အဆိုပါဟောပြောဆွေးနွေးပွဲသို့ လုပ်ငန်းရှင် (၅၀)ဦးတက်ရောက်ခဲ့ကြပြီး စားသုံးသူရေးရာဦးစီးဌာနသည် ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများအပြင် စားသုံးသူကာကွယ်ရေးလုပ်ငန်းများကိုဆောင်ရွက်လျက်ရှိကြောင်း၊ ဆန်စက်လုပ်ငန်းရှင်များအား ဆန်/စပါးဈေးနှုန်းတည်ငြိမ်ရေးအတွက် လိုက်နာဆောင်ရွက်ရမည့်အချက်များ၊ လက်ရှိအခြေအနေတွင် ဖြစ်ပေါ်နေသည့်အကြောင်းအရာများနှင့်  တွေ့ကြုံနေရသည့်အခက်အခဲများကိုဆွေးနွေးခဲ့ကြပြီး လုပ်ငန်းရှင်များအား ဆန်များကို မြန်မာနိုင်ငံဆန်စပါးအသင်းချုပ်၏ (၂၅-၈-၂၀၂၃) ရက်နေ့တွင် ထုတ်ပြန်သော ဆန်စက်လုပ်ငန်းရှင်များ၊ ဆန်ကုန်သည်များ၊ သိရှိလိုက်နာဆောင်ရွက်ရန် သတ်မှတ်သောဈေးနှုန်းများအတိုင်း ရောင်းချရေး လိုက်နာဆောင်ရွက်ကြရန်ဆွေးနွေးခဲ့ကြပြီး လုပ်ငန်းရှင်များက သိရှိလိုသည်များနှင့် လုပ်ငန်းအခက်အခဲများကို တင်ပြဆွေးနွေးခဲ့ကြပါသည်။ ဆက်လက်၍ စားသုံးသူကာကွယ်ရေးဥပဒေအရ စီးပွားရေးလုပ်ငန်းရှင်၏တာဝန်များအကြောင်း၊ အခန်း(၂၃)ပါ တားမြစ်ချက်ဖြစ်သည့် မည်သူမျှ စားသုံးသူ သို့မဟုတ် စီးပွားရေးလုပ်ငန်းရှင် တစ်ဦးဦးကို ထိခိုက်နစ်နာစေရန် မရိုးမဖြောင့်သောသဘောဖြင့် မပြုလုပ်ရန် ကာကွယ်ပေးထားသည့် အချက်(၄)ချက်အကြောင်းကိုလည်းကောင်း၊ စီးပွားရေးလုပ်ငန်းရှင် မည်သူမျှ ကုန်စည်ဝန်ဆောင်မှုကိုထုတ်လုပ်ခြင်း၊ ကုန်သွယ်ခြင်း သို့မဟုတ် ရောင်းချခြင်းမပြုရန် အချက်အများအကြောင်းကို သိရှိစေရန်ရှင်းလင်းဆွေးနွေးပြီး အခန်း(၂၄)ပါ ပြစ်မှုနှင့် ပြစ်ဒဏ်များအကြောင်းကိုလည်း အကျယ်တဝင့်ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီးအစိုးရအဖွဲ့၏ လမ်းညွှန်ချက်နှင့်အညီ အခြေခံလူတန်းစားများ စားဝတ်နေရေးအဆင်ပြေစေရန်နှင့် ဈေးနှုန်းသက်သာစွာဝယ်ယူစားသုံးနိုင်ရန်ရည်ရွယ်၍ ပုသိမ်မြို့နယ် ဆန်စက်ပိုင်ရှင်များအသင်းနှင့် မြို့နယ်ဆန်ကုန်သည်များအသင်းတို့ပူးပေါင်း၍ ပုသိမ်မြို့၊ အောင်ဧရာအခွန်လွတ်ဈေး၌ ၂၀၂၃ခုနှစ်၊ ဩဂုတ်လ ၃၀ရက်နေ့တွင် ဆန် ၁ပြည်လျှင် ၂၅၀ဝိ/-ကျပ်ဈေးဖြင့် လူတစ်ဦးလျှင် ဆန် ၁ပြည်နှုန်းဖြင့် ဧည့်မထဆန်အိတ်ရေ ၂၀အိတ်၊ ဩဂုတ်လ ၃၁ရက်နေ့တွင် ဆန်အိတ်ရေ ၁၀အိတ်၊ စက်တင်ဘာလ ၁ရက်နေ့တွင်  အိတ်ရေ ၁၅အိတ်နှင့် စက်တင်ဘာလ ၂ရက်နေ့တွင် အိတ်ရေ ၁၅အိတ်နှင့် ၄ရက်တာအတွင်း စုစုပေါင်းအိတ်ရေ ၆၀အိတ်ရောင်းချခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ခရိုင်ဦးစီးမှူးရုံးမှလည်း ပူးပေါင်းပါဝင်ကူညီဆောင်ရွက်ပေးခဲ့ကြောင်းသိရပါသည်၊၊

DOCA(ဧရာဝတီ)