HighLight News

    စားသုံးသူရေးရာဦးစီးဌာန၊ တောင်ငူခရိုင်ဦးစီးမှ စစ်ဆေးရေးမှူး ဦးစောသန်းထိုက်ကျော်နှင့် လက်ထောက်ကြီးကြပ်ရေးမှူး ဦးဇော်မိုးအောင်တို့သည် ၂၀၂၃ခုနှစ်၊ စက်တင်ဘာလ ၆ရက်နေ့၊ နေ့လယ် (၁၅း၀၀) နာရီအချိန်တွင် အုတ်တွင်းမြို့နယ်စည်ပင်သာယာရေးအဖွဲ့၏ ညှိနှိုင်းချက်အရ အုတ်တွင်းမြို့နယ်အတွင်း ကုန်ဈေးနှုန်းတည်ငြိမ်ရေး ဈေးကွက်စောင့်ကြည့်စစ်ဆေးရာတွင် ပူးပေါင်းပါဝင်ဆောင်ရွက်ခဲ့ပါသည်။

   စားသုံးသူရေးရာဦးစီးဌာနအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် အရေးကြီးကုန်စည်နှင့်ဝန်ဆောင်မှုဥပဒေအရ (၃၀-၃-၂၀၂၀) ရက်နေ့တွင် အမိန့်ကြော်ငြာစာအမှတ် (၂၁/၂၀၂၀) ကိုထုတ်ပြန်ပြီး အရေးကြီးကုန်စည်အဖြစ်သတ်မှတ်ရာတွင် စားသောက်ကုန်များလည်းပါဝင်ပြီး ၎င်းကုန်စည်များကို ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုရန် တားမြစ်ထားပါသဖြင့် မိမိတို့ခရိုင်/ မြို့နယ်အတွင်းရှိ ကုန်သည်များအနေဖြင့် ဖြစ်သင့်ဖြစ်ထိုက်သည့် ဈေးနှုန်းများဖြင့်သာရောင်းချကြရန်နှင့် ရည်ရွယ်ချက်ရှိရှိဖြင့် ဈေးနှုန်းမြှင့်တင်ရောင်းချခြင်းမပြုရန် ဆိုင်ပိုင်ရှင်များအား အသိပေးပြောကြားခဲ့ပါသည်။

    အုတ်တွင်းမြို့ရှိ အခြေခံစားသောက်ကုန်များ ဈေးနှုန်းတည်ငြိမ်ရေးအတွက် မြို့နယ်စည်ပင်သာယာရေးကော်မတီဥက္ကဋ္ဌ၊ ဦးတင်ယုဦးဆောင်၍ အထူးစုံစမ်းစစ်ဆေးရေးဦးစီးဌာန၊ မြို့နယ်တာဝန်ခံ ဦးအောင်ကို၊ မြို့နယ်စည်ပင်သာယာရေးအဖွဲ့မှ ဒုတိယဦးစီးမှူး ဒေါ်ဆွေဆွေဦး နှင့်တာဝန်ရှိသူများနှင့် စားသုံးသူရေးရာဦးစီးဌာနတို့ ပူးပေါင်းပါဝင်ဆောင်ရွက်ခဲ့ကြောင်းသိရှိရပါသည်။

DOCA(ပဲခူး)

  စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်ဦးဆောင်၍ ခရိုင်ဦးစီးမှူးရုံးမှ စစ်ဆေးရေးမှူးများပါဝင်သောအဖွဲ့သည် ၂၀၂၃ခုနှစ်၊ စက်တင်ဘာလ ၆ရက်နေ့၊ နံနက် (၉း၀၀) နာရီအချိန်တွင် တောင်ငူမြို့၊ ဘုရင့်နောင်ဈေး၌ အခြေခံစားသောက်ကုန်များဖြစ်သော ဆန်နှင့်စားသုံးဆီရောင်းချလျက်ရှိသည့်ဆိုင်များသို့သွားရောက်၍ ကုန်ဈေးနှုန်းများကို မေးမြန်းစုံစမ်းပြီး ဈေးနှုန်းမြှင့်တင်ရောင်းချခြင်းမပြုရန် အသိပညာပေးပြောကြားခဲ့ပါသည်။

   ခရိုင်ဦးစီးမှူးက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် အရေးကြီးကုန်စည်နှင့်ဝန်ဆောင်မှုဥပဒေအရ (၃၀-၃-၂၀၂၀) ရက်နေ့တွင် အမိန့်ကြော်ငြာစာအမှတ် (၂၁/၂၀၂၀) ကိုထုတ်ပြန်ပြီး အရေးကြီးကုန်စည်အဖြစ် သတ်မှတ်ရာတွင် စားသောက်ကုန်များကိုလည်း အရေးကြီးကုန်စည်အဖြစ် သတ်မှတ်ထားပါကြောင်း၊ အရေးကြီးကုန်စည်အဖြစ် သတ်မှတ်ထားသည့်ကုန်စည်များကို ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုရန် တားမြစ်ထားပါကြောင်း၊ သို့ဖြစ်ပါ၍ မိမိတို့ခရိုင်/မြို့နယ်အတွင်းရှိ ကုန်သည်များအနေဖြင့် ဖြစ်သင့်ဖြစ်ထိုက်သည့် ဈေးနှုန်းများဖြင့်သာရောင်းချကြရန်နှင့် ရည်ရွယ်ချက်ရှိရှိဖြင့် ဈေးနှုန်းမြှင့်တင်ရောင်းချခြင်းမပြုရန် ဆိုင်ပိုင်ရှင်များအား အသိပေးပြောကြားခဲ့ပါသည်။

     ဘုရင့်နောင်ဈေးအတွင်း ကွင်းဆင်းစစ်ဆေးရာသို့ တောင်ငူမြို့နယ်ရဲတပ်ဖွဲ့မှူး ရဲမှူးမျိုးအောင်နှင့် မြို့နယ်စည်ပင်သာယာရေးအဖွဲ့မှ ဒုတိယဦးစီးမှူး ဒေါ်သန်းသန်းဌေးတို့က ပူးပေါင်းပါဝင်ဆောင်ရွက်ခဲ့ကြောင်းသိရပါသည်။

DOCA(ပဲခူး)

    စားသုံးသူရေးရာဦးစီးဌာန၊ တောင်ငူခရိုင်၊ ရေတာရှည်မြို့နယ်တာဝန်ခံ ဦးဇော်ဇော်ထွေးသည် ၂၀၂၃ခုနှစ်၊ စက်တင်ဘာလ ၁ရက်နေ့တွင် ရေတာရှည်မြို့နယ် စည်ပင်သာယာရေးအဖွဲ့ရုံး၌ စားသုံးဆီ‌ဈေးနှုန်းတည်ငြိမ်ရေးအတွက် ရေတာရှည်မြို့နယ်ရှိ ဆီစက်ပိုင်ရှင်များ၊ ဆီကုန်သည်များနှင့်တွေ့ဆုံညှိနှိုင်းအစည်းအဝေးသို့တက်ရောက်၍ ဆွေးနွေးခဲ့ပါသည်။

    ဆွေးနွေးပွဲတွင် မြို့နယ်တာဝန်ခံဦးဇော်ဇော်ထွေးက အရေးကြီးကုန်စည်နှင့် ဝန်ဆောင်မှုဥပဒေအရ စားသုံးဆီအပါအဝင် စားသောက်ကုန်များကို အရေးကြီးကုန်စည်များအဖြစ် သတ်မှတ်ထားရာ ၎င်းကုန်စည်များကို ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့်သိုလှောင်ခြင်းမပြုရန် တားမြစ်ထားပါသဖြင့် ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုရန် ဆွေးနွေးခဲ့ပါသည်။

    မြို့နယ်စည်ပင်သာယာရေးကော်မတီဥက္ကဋ္ဌ ဦးသန့်စင်ငြိမ်းနှင့် မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးအေးကျော်တို့က သက်ဆိုင်ရာကဏ္ဍများအလိုက် ဆွေးနွေးပြောကြားပြီး တက်ရောက်လာသည့် လုပ်ငန်းရှင်များ၏ တင်ပြဆွေးနွေးချက်များကို တာဝန်ရှိသူများက ပြန်လည်ရှင်းလင်းဆွေးနွေးခဲ့ကြောင်းနှင့် တွေ့ဆုံဆွေးနွေးပွဲသို့ ရေတာရှည် မြို့နယ်မှ ဆီစက်ပိုင်ရှင်နှင့် ဆီကုန်သည် ၁၈ဦးတက်ရောက်ခဲ့ကြကြောင်းသိရပါသည်။

DOCA(ပဲခူး)

   စားသုံးသူများသုံးစွဲလျက်ရှိသော ကုန်စည်များနှင့်စပ်လျဉ်း၍ အန္တရာယ်ကင်းရှင်းရေးနှင့် ကုန်အညွှန်းအမှတ်အသားဆိုင်ရာ သတ်မှတ်ချက်များနှင့်အညီ ဆောင်ရွက်နိုင်စေရေးအတွက် စားသုံးသူများနှင့် စီးပွားရေးလုပ်ငန်းရှင်များအကြား သတိပေးချက် ( Alert ) တစ်ခုဖြစ်စေရန်နှင့် စားသုံးသူအတွက်လည်း ဘေးအန္တရာယ်ကင်းရှင်းသော ကုန်စည်များကိုသာဝယ်ယူရရှိနိုင်ရန်ရည်ရွယ်၍ စားသုံးဆီအမျိုးမျိုးကို ဇူလိုင်လ ပထမရက်သတ္တပတ် (၂) ပတ်အတွင်း၌လည်းကောင်း၊ အသင့်သောက်အချိုရည်အမျိုးမျိုးအား သြဂုတ်လ ပထမ ရက်သတ္တပတ် (၂) ပတ်အတွင်း၌လည်းကောင်း၊ အာဟာရဖော်စပ်ဖြည့်စွက်စာအမျိုးမျိုးကို စက်တင်ဘာလ ပထမရက်သတ္တပတ် (၂)ပတ်အတွင်း၌လည်းကောင်း၊ သတ်မှတ်ကာလအလိုက် ဈေးကွက်စောင့်ကြည့်စစ်ဆေးရန် ညွှန်ကြားဆောင်ရွက်ခဲ့ပြီး ပဲခူးတိုင်းဒေသကြီးအနေဖြင့် ဩဂုတ်လအတွင်း မြို့နယ် ၂၈မြို့နယ်ရှိ ခရိုင်/မြို့နယ်များဖြစ်သော စည်ပင်သာယာဈေးများ၊ စတိုးဆိုင်များ၊ လက်လီလက်ကားဆိုင်များ စသည့်လွှမ်းခြုံနိုင်သည့် နယ်ပယ်အလိုက် စုစုပေါင်းဆိုင် (၁၄၂) ဆိုင်အား ဈေးကွက်စောင့်ကြည့်ကွင်းဆင်းစစ်ဆေးဆောင်ရွက်နိုင်ခဲ့ကြောင်း သိရှိရပါသည်။

DOCA(ပဲခူး)

    မကွေးတိုင်းဒေသကြီးအစိုးရအဖွဲ့အနေဖြင့် မကွေးတိုင်းဒေသကြီးအတွင်း မြို့နယ်အသီးသီးရှိ ဈေးဆိုင်များ၌ စားအုန်းဆီများ သတ်မှတ်ဈေးနှုန်းထက် ပိုမိုရောင်းချမှုမရှိစေရေးအတွက် ခရိုင်/ မြို့နယ် စိစစ်ဖော်ထုတ်ကြပ်မတ်ရေးအဖွဲ့ ဖွဲ့စည်းတာဝန်ပေးအပ်လာခြင်းကြောင့် (၉-၉-၂၀၂၃)ရက်‌နေ့၊ နံနက် (၀၉:၀၀)နာရီအချိန်တွင် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၊ မကွေးခရိုင်ဦးစီးမှူး၊ မကွေးခရိုင်အထွေထွေအုပ်ချုပ်ရေးဦးစီးဌာန၊ ခရိုင်ဦးစီးမှူး၊ မြို့နယ်ရဲတပ်ဖွဲ့မှူး၊ မြို့နယ်စည်ပင်သာယာရေးအဖွဲ့အမှုဆောင်အရာရှိတို့ပါဝင်သော ပူးပေါင်းအဖွဲ့ဖြင့် မကွေးမြို့ရှိ စားသုံးဆီ လက်လီ/ လက်ကားဖြန့်ဖြူးရောင်းချသော ဦးသန်းဇော်၊ ဒေါ်စန်းနွဲ့၊ ဒေါ်‌အေးအေးသင်းတို့၏ ဆီအရောင်းဆိုင်များ၌ လက်လီရောင်းချသည့်ဈေးနှုန်း၊ လက်ကားဖြန့်ဖြူးသည့်ဈေးနှုန်းများသည် သတ်မှတ်ဈေးနှုန်းထက်ပိုမိုရောင်းချမှုရှိ/ မရှိ ကွင်းဆင်းစစ်ဆေးခဲ့ကြောင်းသိရှိရပါသည်။

     မကွေးတိုင်းဆီကုန်သည်နှင့်ဆီလုပ်ငန်းရှင်များအသင်း၏  ကူညီပံ့ပိုးမှုဖြင့် ပြည်သူများအား စားအုန်းဆီတစ်ပိဿာလျှင် ကျပ်(၄၅၀၀)ဖြင့် ဈေးနှုန်းသက်သာစွာရောင်းချပေးနေသာ ဆုံရပ်ကွက်၊ ဓမ္မာရုံ၌ အိမ်ထောင်စု (၅၅၀) စုအတွက် ဆီ (၅၅၀)ပိဿာ၊ မင်းကံကြီးရပ်ကွက်၊ အုပ်ချုပ်ရေးမှူးရုံးရှေ့၌ အိမ်ထောင်စု (၁၁၀၀)စုအတွက် ဆီ(၁၁၀၀)ပိဿာနှင့် အောင်မင်္ဂလာရပ်ကွက်၊ အုပ်ချုပ်ရေးမှူးရုံးရှေ့၌ အိမ်ထောင်စု (၁၁၀၀)စုအတွက် ဆီ(၅၅၀)ပိဿာ၊ စုစုပေါင်းအိမ်ထောင်စု (၂၇၅၀)စုအတွက် စားအုန်းဆီ (၂၂၀၀)ပိဿာရောင်းချပေးနေမှုအား အလေးချိန်ပြည့်ဝမှန်ကန်မှုရှိစေရေး၊ ရောင်းချရာတွင် စနစ်တကျရှိစေရေး ကွင်းဆင်းကြီးကြပ်ဆောင်ရွက်ခဲ့ကြောင်း သိရှိရပါသည်။

DOCA(မကွေး)