HighLight News

          ၁၉.၁၁.၂၀၅ ရက်နေ့၊ နံနက် (၁၁း၀၀)နာရီအချိန်ခန့်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ အရှေ့ပိုင်းခရိုင်ဦးစီးမှူးဦးဇော်မင်းလတ်နှင့် ဝန်ထမ်းများကဦးဆောင်လျက် ဆီလုပ်ငန်းရှင်များအသင်းမှတာဝန်ရှိသူများနှင့်၊ သက်ဆိုင်ရာမြို့နယ်အုပ်ချုပ်ရေးမှူးများ၊ စားအုန်းဆီဝယ်ယူဖြန့်ဖြူးရောင်းချသည့် ကုမ္မဏီမှ တာဝန်ရှိသူများ လက်ကားကိုယ်စားလှယ်များ၊ လက်လီကိုယ်စားလှယ်များနှင့် ရက်ကွက်အုပ်ချုပ်ရေးမှူးများပူးပေါင်း၍ စားအုန်းဆီဖြန့်ဖြူးသည့် အိမ်ထောင်စုများသို့ ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။

          ထိုသို့ စစ်ဆေးရာတွင် အရှေ့ပိုင်းခရိုင်ဦးစီးမှူးဦးဇော်မင်းလတ်က ဖြန့်ဖြူးသည့်ကုမ္မဏီအမည်၊ လက်ကားကိုယ်စားလှယ်၊ လက်လီကိုယ်စားလှယ်၊ ဖြန့်ဖြူးသည့်ရပ်ကွက်၊ ပိဿာအရေအတွက်၊ အိမ်ထောင်စုဦးရေနှင့် တစ်လလျှင်(၁)အိမ်ထောင်စုစားအုန်းဆီရရှိမှု ပိဿာတို့ကို ကွင်းဆင်းစစ်ဆေးခဲ့ရာ ရန်ကင်းမြို့နယ်၊ (၁၃)ရပ်ကွက်နှင့် (၁၄)ရပ်ကွက်အတွင်းရှိ အိမ်ထောင်စု (၂၁)စုအား မြေပြင်ကွင်းဆင်းစစ်ဆေးခဲ့ပြီး  GD GOOD GOLDEN Co.ltd မှ ဖြန့်ဖြူးရောင်းချခြင်းဖြစ်ကြောင်း သိရှိရပါသည်။

DOCA(ရန်ကုန်)

          စားသုံးသူရေးရာဦးစီးဌာနအနေဖြင့် ကုန်စည်နှင့်ဝန်ဆောင်မှုများအပေါ် စားသုံးသူပြည်သူများ ဘေးအန္တရာယ်ကင်းရှင်းစွာ အသုံးပြုနိုင်ရေး၊ စားသုံးသူအခွင့်အရေး အပြည့်အဝ ရရှိစေရေး၊ စားသုံးသူကာကွယ်ရေးဥပဒေနှင့်အညီ အကာအကွယ်ပေးနိုင်ရေးအတွက် စားသုံးသူ ကာကွယ်ရေးဆိုင်ရာ အသိပညာပေးဟောပြောပွဲများ ဆောင်ရွက်ခြင်း၊ ထုတ်ကုန်လုံခြုံစိတ်ချရမှုရှိ စေရေးအတွက် ဈေးကွက်စောင့်ကြည့်စစ်ဆေးခြင်း၊ စီးပွားရေးလုပ်ငန်းရှင်ဘက်မှလည်း စီးပွားရေးကျင့်ဝတ်များနှင့် အညီ ဆောင်ရွက်နိုင်ရေးအတွက် စီးပွားရေးလုပ်ငန်းရှင်များနှင့် တွေ့ဆုံ၍ အသိပညာပေးလုပ်ငန်းများဆောင်ရွက်ခြင်း၊ စားသုံးသူနစ်နာဆုံးရှုံးမှုများဖြစ်ပေါ်လာပါက ဖြေရှင်းဆောင်ရွက်နိုင်ရန် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ  CICC ရုံးခန်းများဖွင့်လှစ်ဆောင်ရွက်လျက်ရှိပါသည်။

          စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်မှ ပြည်မြို့နယ်တာဝန်ခံ ဦးထွန်းနိုင်လင်းနှင့် ဝန်ထမ်းများသည် (၁၉.၁၁.၂၀၂၅)နေ့လယ် (၁၃:၀၀)နာရီအချိန်တွင် ပြည်မြို့နယ်၊ ပေါက်နွယ်ခြုံကျေးရွာအုပ်စု၊ ပေါက်နွယ်ခြုံကျေးရွာရှိ တောင်သူနှင့်တွေ့ဆုံ၍ စားသုံးသူကာကွယ်ရေးဥပဒေပါ ပြဌာန်းချက်များထဲမှ စားသုံးသူအခွင့်အရေးနှင့်တာဝန်များ၊ စားသုံးသူအခွင့်အရေးနစ်နာဆုံးရှုံးမှုဖြစ်ပေါ်လာပါက အရေးဆိုတိုင်ကြားနိုင်သည့်နေရာများ၊ 1535 Call Center များတွင် ဖုန်းခေါ်ဆိုတိုင်ကြားနိုင်ကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(ပဲခူး)

               စီးပွားရေးနှင့် ကူးသန်းရောင်းဝယ်ရေးဝန်ကြီး၏ လမ်းညွှန်မှု၊ စားသုံးသူရေးရာဦးစီးဌာန၏ ကြီးကြပ်ထိန်းကျောင်းမှုတို့ဖြင့် ပဲခူးတိုင်းဒေသကြီးအတွင်းရှိ ခရိုင်များအချင်းချင်း စားအုန်းဆီ လက်လီ/လက်ကားရောင်းချနေမှုများ၊ စားအုန်းဆီများ စားသုံးသူလက်ဝယ်သို့ ရောက်ရှိခြင်း ရှိ/ မရှိ ကိစ္စရပ်များကို ၁၆.၁၁.၂၀၂၅ ရက်နေ့တွင် တောင်ငူခရိုင်ဦးစီးမှူးရုံးမှ တောင်ငူခရိုင်ဦးစီးမှူး၊ ဒုခရိုင် ဦးစီးမှူးနှင့် ပြည်တွင်းဌာနခွဲတာဝန်ခံတို့မှ ညောင်လေးပင်ခရိုင်၊ ကျောက်တံခါးမြို့နယ်သို့ လာရောက် ကွင်းဆင်းစစ်ဆေးခဲ့ကြောင်း သတင်းရရှိပါသည်။

               တောင်ငူခရိုင်ဦးစီးမှူးရုံးမှ ခရိုင်ဦးစီးနှင့် အဖွဲ့သည် ညောင်လေးပင်ခရိုင်ဦးစီးမှူးရုံးမှ ခရိုင်ဦးစီးမှူး၊ ကျောက်တံခါးမြို့နယ်တာဝန်ခံတို့နှင့်အတူ ကျောက်တံခါးမြို့ပေါ်ရှိ စားအုန်းဆီ ခွဲတမ်းရရှိသော လက်ကား၊ လက်လီအရောင်းဆိုင်များအား ကွင်းဆင်းစစ်ဆေးခဲ့ပါသည်။ ကွင်းဆင်း ရာတွင် လက်လီ၊ လက်ကား အရောင်းဆိုင်များအား မှန် (၆)မှန်ဖြင့် ရောင်းချရန်၊ သတ်မှတ်ထားသော သတ်မှတ်ရည်ညွှန်းဈေးအတိုင်းသာ ရောင်းချရန်၊ အလေးချိန်၊ အချင်အတွယ်မှန်ကန်စွာ ရောင်းချပေးရန်နှင့် စားသုံးသူလက်ဝယ်သို့ စားအုန်းဆီများ ရောက်ရှိခြင်း ရှိ/ မရှိတို့ကို စစ်ဆေး ဆောင်ရွက်ခဲ့ပါသည်။ စစ်ဆေးရာတွင် ကျောက်တံခါးမြို့ပေါ်ရှိ စားအုန်းဆီ လက်လီ၊ လက်ကား အရောင်းဆိုင်များအားလုံး သတ်မှတ် စည်းမျဉ်းစည်းကမ်းများအတိုင်း ရောင်းချလျက်ရှိကြောင်း သတင်းရရှိပါသည်။

DOCA(ပဲခူး)

              စီးပွားရေးနှင့် ကူးသန်းရောင်းဝယ်ရေးဝန်ကြီး၏ လမ်းညွှန်မှု၊ စားသုံးသူရေးရာဦးစီးဌာန၏ ကြီးကြပ်ထိန်းကျောင်းမှုတို့ဖြင့် ပဲခူးတိုင်းဒေသကြီးအတွင်းရှိ ခရိုင်များအချင်းချင်း စားအုန်းဆီ လက်လီ/လက်ကားရောင်းချနေမှုများ၊ စားအုန်းဆီများ စားသုံးသူလက်ဝယ်သို့ ရောက်ရှိခြင်းရှိ/ မရှိ ကိစ္စရပ်များကို ၁၅.၁၁.၂၀၂၅ ရက်နေ့တွင် တောင်ငူခရိုင်ဦးစီးမှူးရုံးမှ တောင်ငူခရိုင်ဦးစီးမှူး၊ ဒုခရိုင်ဦးစီးမှူးနှင့် ပြည်တွင်းဌာနခွဲတာဝန်ခံတို့မှ ညောင်လေးပင်ခရိုင်သို့ လာရောက်ကွင်းဆင်း စစ်ဆေးခဲ့ကြောင်း သတင်းရရှိပါသည်။

               တောင်ငူခရိုင်ဦးစီးမှူးရုံးမှ ခရိုင်ဦးစီးနှင့် အဖွဲ့သည် ညောင်လေးပင်ခရိုင်ဦးစီးမှူးရုံးမှ ခရိုင်ဦးစီးနှင့် အဖွဲ့တို့နှင့်အတူ ညောင်လေးပင်မြို့ပေါ်ရှိ စားအုန်းဆီ ခွဲတမ်းရရှိသော လက်ကား၊ လက်လီအရောင်းဆိုင်များအား ကွင်းဆင်းစစ်ဆေးခဲ့ပါသည်။ ကွင်းဆင်းရာတွင် လက်လီ၊ လက်ကား အရောင်းဆိုင်များအား မှန် (၆)မှန်ဖြင့် ရောင်းချရန်၊ သတ်မှတ်ထားသော သတ်မှတ်ရည်ညွှန်းဈေး အတိုင်းသာ ရောင်းချရန်၊ အလေးချိန်၊ အချင်အတွယ် မှန်ကန်စွာ ရောင်းချပေးရန်နှင့် စားသုံးသူ လက်ဝယ်သို့ စားအုန်းဆီများ ရောက်ရှိခြင်း ရှိ/ မရှိတို့ကို စစ်ဆေးဆောင်ရွက်ခဲ့ပါသည်။ စစ်ဆေးရာတွင် ညောင်လေးပင်မြို့ပေါ်ရှိ စားအုန်းဆီ လက်လီ၊ လက်ကားအရောင်းဆိုင်များအားလုံး သတ်မှတ် စည်းမျဉ်းစည်းကမ်းများအတိုင်း ရောင်းချလျက်ရှိကြောင်း သတင်းရရှိပါသည်။

DOCA(ပဲခူး)

          စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညောင်လေးပင် ခရိုင်ဦးစီးမှူးရုံးအနေဖြင့် ဆန်စပါးသိုလှောင်ရုံ မှတ်ပုံတင်ခြင်း၊ သက်တမ်းတိုးခြင်း ကိစ္စရပ်များနှင့် ကုန်ဈေးနှုန်းတည်ငြိမ်ရေး ကိစ္စရပ်များကို အင်တိုက်အားတိုက်ဆောင်ရွက်လျက်ရှိရာ ၁၁.၁၁. ၂၀၂၅ ရက်နေ့တွင် ညောင်လေးပင်ခရိုင်ဦးစီးမှူး ဦးရဲမင်းထွဋ်နှင့် အငယ်တန်းစာရေး ဦးနေမျိုးဝင်းတို့သည် ဒိုက်ဦးမြို့နယ်ရှိ ဆန်စပါးသိုလှောင်ရုံ လုပ်ငန်းရှင်များနှင့် တွေ့ဆုံ၍ My Ro ကိစ္စရပ်များအား ကွင်းဆင်းဆောင်ရွက်ခဲ့ကြောင်း သတင်းရရှိပါသည်။

          ခရိုင်ဦးစီးမှူးနှင့် အဖွဲ့သည် ဒိုက်ဦးမြို့ပေါ်ရှိ ဆန်စပါးသိုလှောင်ရုံလုပ်ငန်းရှင်များနှင့် တွေ့ဆုံကာ ဆန်စပါးသိုလှောင်ရုံ မှတ်ပုံတင်ခြင်းဆိုင်ရာ ကိစ္စရပ်များနှင့် ပတ်သက်၍ ဆွေးနွေးခဲ့ကြပါသည်။ ဆွေးနွေးရာတွင် ခရိုင်ဦးစီးမှူးက ဆန်စပါးသိုလှောင်ရုံလုပ်ငန်းရှင်များအား သိုလှောင်ရုံ သက်တမ်းတိုးပေးခြင်း၊ My Ro ရှိ သိုလှောင်ရုံ လုပ်ငန်းစဉ်များထဲတွင် ဆန်စပါး ရ၊ ထုတ်၊ ကျန်စာရင်းများ ကူညီဖြည့်သွင်း သင်ကြားပေးခြင်းတို့ကို ဆောင်ရွက်ပေးခဲ့ကြောင်း သတင်းရရှိပါသည်။

DOCA(ပဲခူး)