၂၀၂၆ ခုနှစ်၊ သြဂုတ်လ၊ ၅ ရက်နေ့၊ ၁၃း၀၀ နာရီအချိန်တွင် မြိတ်မြို့နယ်စိုက်ပျိုးရေးဦးစီးဌာနတွင် ကျင်းပပြုလုပ်သည့် မြိတ်မြို့နယ်၏ ၂၀၂၆ ခုနှစ်၊ မိုးစပါးစိုက်အကျိုးဆောင်တောင်သူများအား မြန်မာ့ရေနံနှင့်ဓါတုဗေဒလုပ်ငန်းမှထုတ်လုပ်သည့် ယူရီးယားဓါတ်မြေသြဇာများကို သက်သာသော စျေးနှုန်းဖြင့်ဖြန့်ဖြူးပေးအပ်ခြင်းနှင့် စိုက်ပျိုးရေးဆိုင်ရာ အလေ့အကျင့်ကောင်းများ (GAP) အသိအမှတ်ပြုလက်မှတ်ပေးအပ်ခြင်း အခမ်းအနားအား ကျင်းပပြုလုပ်ခဲ့ရာ စားသုံးသူရေးရာဦးစီးဌာနနှင့် သက်ဆိုင်ရာဌာနဆိုင်ရာများမှ တာဝန်ရှိသူများတက်ရောက်ခဲ့ကြောင်း သိရသည်။
အဆိုပါ ဖွင့်ပွဲအခမ်းအနားတွင် တနင်္သာရီတိုင်းဒေသကြီးလွှတ်တော်၊ စိုက်ပျိုးရေး၊ မွေးမြူရေး၊ ရေလုပ်ငန်းနှင့် သဘာဝပတ်ဝန်းကျင်ရေးရာကော်မတီဝင်၊ လွှတ်တော်ကိုယ်စားလှယ်မှ အဖွင့်အမှာစကားပြောကြားခဲ့ပြီး တောင်သူများအား သက်ဆိုင်ရာလွှတ်တော်ကိုယ်စားလှယ်များ၊ ဌာနဆိုင်ရာများမှ တက်ရောက်လာကြာသော တာဝန်ရှိသူများမှ ယူရီးယားဓါတ်မြေသြဇာများပေးအပ်ခြင်း၊ စိုက်ပျိုးရေးဆိုင်ရာအလေ့အကျင့်ကောင်းများ (GAP) အသိအမှတ်ပြုလက်မှတ်ပေးအပ်ခြင်းများအား ဆောင်ရွက်ခဲ့ကာ အခမ်းအနားအောင်မြင်စွာ ပြီးမြောက်ခဲ့ကြောင်း သိရှိရပါသည်။
DOCA(တနင်္သာရီ)