မအူပင်ခရိုင်၊ တိုးမြစ်အတွင်းမှ ဖမ်းဆီးရမိသော မြစ်ငါးရှည့် (ငါးရှဥ့်) များသည် သဘာဝထွက်ကုန်ဖြစ်၍ ၂၀၂၆ခုနှစ် ဇူလိုင်လ ဒိုင်ပေါက်ဈေးနှင့် လက်လီဈေးကွက်တွင် ဈေးနှုန်းအနည်းငယ် ကွာခြားလေ့ရှိသည်။ ယေဘုယျအားဖြင့် တစ်ပိဿာလျှင် ကျပ် ၁၈၀၀၀, ၁၉,၀၀၀ မှ ၃၀,၀၀၀ ကြားတွင် အရောင်းအဝယ်ဖြစ်နေကြောင်း မြင့်မြတ်သူ ငါးရှည်ဒိုင်မှ သိရသည်။
ငါးရှည်များကို မြစ်နှင့် ချောင်းများ၊ လယ်ကွင်းများမှ ဒေသတွင်းနေပြည်သူများဖမ်းစီး၍ ရရှိသောငါးရှဥ့်အမျိုးမျိုးကို ဒိုင်များသို့လည်းကောင်း၊ ငါးဈေးများတွင်လည်းကောင်း ရောင်းချကြောင်းသိရသည်။ ငါးရှည့်ဒိုင်များက ရန်ကုန်ဒိုင်ကြီးများသို့ တိုက်ရိုက်တင်ပို့နေပြီး အထူးအရည်အသွေးမီ (Export Quality) သို့မဟုတ် ၁၀ ကျပ်သားအထက် အရွယ်အစားကြီးများက ဈေးပိုကောင်းကြောင်း၊ ယနေ့ ဇူလိုင် ၃ရက်နေ့ ငါးရှဥ့်ဒိုင်များက ဖမ်းဆီးသူများထံမှ တိုက်ရိုက်ဝယ်ယူသည့် ဈေးနှုန်းမှာ တစ်ပိဿာလျှင် ကျပ် ၁၈,၀၀၀ ခန့်ရှိ ဝယ်ယူနေပြီး ဒေသတွင်း ဈေးကွက် လက်လီအရောင်းဆိုင်များတွင် တစ်ပိဿာလျှင် ကျပ် ၂၅,၀၀၀ မှ ၃၀,၀၀၀ အထိ ဈေးပေါက်နေကြောင်း မအူပင်အခွန်လွတ်ဈေးအတွင်း ဈေးရောင်းချသူများထံမှ သိရသည်။ ငါးရှည့်ဈေးသည် ရန်ကုန်တင်ပို့ပါက ၁ပိဿာ လျှင် အမြတ် ၁၀၀၀၀, ၂၀၀၀၀ ကျပ်အထိ အကျိုးအမြတ်ရရှိကြောင်း ငါးရှဥ့်ဒိုင်များမှ သိရှိရပါသည်။
DOCA(ဧရာဝတီ)