မကွေးတိုင်းဒေသကြီး၊ စားသုံးသူရေးရာဦးစီးဌာန တိုင်းဒေသကြီးဦးစီးမှူး၏ လမ်းညွှန်မှုဖြင့် စားသုံး/ ထုတ်လုံကြီးကြပ်သူအရာရှိ လက်ထောက်ညွှန်ကြားရေးမှူး ဒေါ်စုစုထွန်း ဦးဆောင်၍ စားသုံးသူရေးရာဌာနခွဲမှ ဝန်ထမ်းများသည် (၂၉.၆.၂၀၂၆) ရက်နေ့၊ နေ့လယ် (၁၅:၀၀) နာရီအချိန်တွင် မကွေးမြို့၊ အစိုးရစက်မှုလက်မှုသိပ္ပံကျောင်း၌ စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရှိရပါသည်။
အဆိုပါ အသိပညာပေးဟောပြောပွဲတွင် အစိုးရစက်မှုလက်မှုသိပ္ပံကျောင်း ကျောင်းအုပ်ကြီးက အဖွင့်အမှာစကားပြောကြားခဲ့ပြီးနောက် စားသုံး/ ထုတ်လုံကြီးကြပ်သူအရာရှိ လက်ထောက်ညွှန်ကြားရေးမှူး ဒေါ်စုစုထွန်းမှ ဌာန၏ သမိုင်းကြောင်းနှင့် ဌာန၏ မျှော်မှန်းချက်/ ရည်မှန်းချက်များ၊ ဌာန၏ လုပ်ငန်းဆောင်ရွက်ချက်များအား ရှင်းလင်းဆွေးနွေးခဲ့ပြီး စားသုံးသူရေးရာဌာနခွဲ တာဝန်ခံ ဦးစီးမှူး ဒေါ်စန္ဒာစိုးလွင်မှ စားသုံးသူ၏ အခွင့်အရေးနှင့်တာဝန်များ၊ စားသုံးသူ တိုင်ကြားမှုလက်ခံဖြေရှင်းရေးဆိုင်ရာ (CICC)ကိစ္စရပ်များနှင့် တိုင်ကြားနိုင်သည့် နည်းလမ်းများ၊ စားသုံးသူပြည်သူများ ကုန်စည်(သို့) ဝန်ဆောင်မှုနှင့် စပ်လျဉ်း၍ ဘေးအန္တရာယ်ကင်းရှင်းစေရေး၊ Online မှတစ်ဆင့် ဈေးဝယ်ခြင်းနှင့် စပ်လျဉ်း၍ သိကောင်းစရာများအကြောင်းကို Power Point ဖြင့် အသေးစိတ်ရှင်းလင်းဆွေးနွေးခဲ့ကြကြောင်း သိရှိရပါသည်။
ဆက်လက်၍ အသိပညာပေးဆွေးနွေးဟောပြောပွဲသို့ တက်ရောက်လာကြသည့် ကျောင်းအုပ်ကြီးအပါအဝင် ဆရာ/မ(၅)ဦးနှင့် သင်တန်းသား/ သင်တန်းသူ (၁၅၀)ဦးတို့အား လက်ကမ်းစာစောင်များ ဖြန့်ဝေခဲ့ကြပြီး တက်ရောက်လာသည့် သင်တန်းသူ/သားများမှ သိလိုသည်များ မေးမြန်းလာမှုအပေါ် ပြန်လည် ဆွေးနွေးဖြေကြားခြင်းများ ဆောင်ရွက်ခဲ့ပါကြောင်း သတင်းရရှိပါသည်။
DOCA(မကွေး)