စစ်ကိုင်းတိုင်းဒေသကြီးသည် နိုင်ငံတော်၏ တတိယစပါးကျီတစ်ခု ဖြစ်သည့်အတိုင်း ရွှေဘိုခရိုင် သည်လည်း စစ်ကိုင်းတိုင်းဒေသကြီး၏ ပထမစပါးကျီတစ်ခုအဖြစ် ရပ်တည်လျှက် ရှိပါသည်။ ရွှေဘိုခရိုင်အနေဖြင့် သဖန်းဆိပ်ဆည်ရေသောက် လယ်ဧက (၄.၄)သိန်းခန့်တွင် ရွှေဘိုပေါ်ဆန်းစပါးကို ဧက(၃)သိန်း ခန့် နှစ်စဉ် စိုက်ပျိုးလျက်ရှိပါသည်။
ရွှေဘိုခရိုင်တွင် ဇွန်လ နောက်ဆုံးပတ်တွင် ရွှေဘိုပေါ်ဆန်းစပါး တင်း(၁၀၀)လျှင် (၅၇၀၀၀၀၀)ကျပ်၊ ရွှေဘိုပေါ်ဆန်းဆန် (၂၄)ပြည်ပါ တစ်အိတ်လျှင် (၂၁၀၀၀၀)ကျပ် ပေါက်ဈေးဖြင့် ဈေးနှုန်းတည်ငြိမ်လျက်ရှိပြီး၊ဒေသတွင်းသာမက ပိုလျှံသော ဆန်များကို အခြားတိုင်း/ပြည်နယ် ဒေသအသီးသီးသို့ တင်ပို့ရောင်းချလျက်ရှိပါသည်။
ယခု၂၀၂၆ခုနှစ် ဇွန်လ နောက်ဆုံးပတ်အတွင်း ရွှေဘိုပေါ်ဆန်းဆန် စီးထွက်မှုမှာ ရန်ကုန်သို့ (၁၆၂၇၁)အိတ်၊ မန္တလေးသို့ (၄၁၅၆) အိတ်၊ နေပြည်တော်သို့ (၈၅) အိတ်၊ပဲခူးသို့ (၂၈၀)အိတ်၊ ပြည်သို့ (၃၂၀)အိတ်၊ တောင်ငူသို့ (၂၃၅)အိတ်၊ ကျောက်ပန်းတောင်းသို့ (၁၇၅)အိတ်၊ မိတ္ထီလာသို့ (၁၆၀)အိတ်၊ ကရင်ပြည်နယ် ဘားအံမြို့သို့ (၁၃၀၅)အိတ်၊ ရှမ်းပြည်နယ် (တောင်ပိုင်း)သို့ (၃၅၅၄)အိတ်၊ မွန်ပြည်နယ်သို့ (၂၉၂၅)အိတ်၊ မကွေးတိုင်းသို့(၁၉၅)အိတ်၊ ကချင်ပြည်နယ်သို့ (၁၅၃၀)၊ စုစုပေါင်း အိတ်ရေ (၃၁၁၉၁)၊ တန်အားဖြင့် (၁၅၆၀)တန် စီးထွက်ခဲ့ကြောင်း သတင်းရရှိပါသည်။
DOCA(စစ်ကိုင်း)