တောင်ငူခရိုင်၊အုတ်တွင်းမြို့နယ်၏၂၀၂၅-၂၀၂၆ ဘဏ္ဍာနှစ် နွေစပါးစိုက်ပျိုးမှုမှာ စုစုပေါင်း ၈၉၁၀၀ ဧက စိုက်ပျိုးခဲ့ပါသည်။ နွေစပါးစိုက် တောင်သူများအနေဖြင့် အုတ်တွင်းမြို့နယ်တွင် ခပေါင်းဆည်၊ မင်းရဲဆည်နှင့် ရေသိုးဆည်တို့မှ ဆည်ရေရရှိပြီး ရေပေးဝေမှုကို မြို့နယ်ခွဲများအလိုက် ရရှိသောကြောင့် နွေစပါး စိုက်ပျိုးရာတွင် အခက်အခဲမရှိ အဆင်ပြေလျက်ရှိပါသည်။အုတ်တွင်းမြို့နယ်တွင် နွေစပါးများကို ယခုနှစ်တွင် seeder နှင့် စိုက်ပျိုးခဲ့ပြီး ရန်ကုန်-မန္တလေးလမ်းဟောင်းဘေးတွင် ပျိုးထောင်၍ လုပ်သား အင်အားများဖြင့် စိုက်ပျိုးခဲ့ကြောင်း၊ ဆင်းသုခ၊ ထိုင်း ရက် ၉၀၊ စပါးမျိုးများကို အများဆုံးစိုက်ပျိုးကြောင်း သိရသည်။
နွေစပါးများကို ဧပြီလ တတိယသီတင်းပတ်မှစ၍ ဇွန်လ ပထမသီတင်းပတ်အထိ ရိတ်သိမ်းကြပြီး တစ်ဧကလျှင် ပျမ်းမျှ တင်း ၈၀ မှ ၁၀၀ ကြား၊၁၀၀ မှ ၁၂၀ ကြား ထွက်ရှိသည့်အတွက် နွေစပါးစိုက်တောင်သူများ တွက်ခြေကိုက် လျက်ရှိပါသည်။ အစိုဓာတ် ၁၃ ပိဿာ ၅၀ ရှိ နွေစပါး ၄၆ ပေါင် တင်း (၁၀၀)လျှင် ကွင်းအထိုင်ဈေး ၁၆၇၀၀၀ ကျပ်ခန့်ရှိပြီး၊ ဆန်စက်အရောက်ဈေးမှာ ၁၇၃၀၀၀ ကျပ် ဝန်းကျင်ဖြင့် အရောင်းအဝယ်ဖြစ်လျက်ရှိပါသည်။ ၂၀၂၅-၂၀၂၆ ဘဏ္ဍာနှစ် နွေစပါး စိုက်ပျိုးခြင်းအတွက် မျိုး၊ထွန်ယက်ခ၊ စိုက်ခ၊ သွင်းအားစု၊ ရေတင်ခ၊ ရိတ်ခြွေခအပါအဝင် တစ်ဧက စုစုပေါင်း ကုန်ကျစရိတ်မှာ ကျပ် ရှစ်သိန်းဝန်းကျင် ခန့်ရှိပါသည်။ ကုန်ကျစရိတ် နှုတ်ပြီး တစ်ဧကလျှင် ၇သိန်း ကျပ်ခန့် အကျိုးအမြတ်ရလျက်ရှိကြောင်း သိရသည်။
DOCA(ပဲခူး)