မန္တလေးတိုင်းဒေသကြီး၊ မဟာအောင်မြေမြို့နယ်နေ တိုင် ကြားသူတစ်ဦးသည် Online Shop တစ်ခုထံမှ ဆုံလည်ခုံ (၄)လုံးကို စရံငွေကျပ် ၅၄၀,၀၀၀/-ပေး၍မှာယူခဲ့ရာ (၅)လကျော်ကြာသည့် အထိ ပို့ဆောင်ပေးခြင်းမရှိသောကြောင့် စားသုံးသူရေးရာဦးစီးဌာန ၏ မန္တလေးတိုင်းဒေသကြီးဦးစီးမှူးရုံးသို့ လူကိုယ်တိုင်လာရောက် တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှတာဝန်ရှိသူများက တိုင်ကြား ခံရသည့် Online Shop သို့ ဆက်သွယ်၍ တိုင်ကြားသူ၏ စရံငွေအား ပြန်လည်ပေးလျော်သွားရန် ပြော ကြားခဲ့ရာ ပေးလျော်သွားမည်ဖြစ်ကြောင်း ပြန်လည်ဖြေကြားခဲ့သော်လည်းထပ်မံဆက်သွယ်ရာတွင် လက်ခံဖြေကြားခြင်းမရှိသည့်အတွက် တိုင်ကြားခံရသည့် စီးပွားရေးလုပ်ငန်းရှင် တည်ရှိနေသည့် ရန်ကုန်တိုင်းဒေသကြီးဦးစီးမှူးရုံးသို့ Online စနစ်ဖြင့် ရောင်းချခြင်းလုပ်ငန်း မှတ်ပုံတင်လျောက်ထား ရယူထားခြင်းရှိမရှိနှင့် စရံငွေပြန်လည်ပေးလျော်နိုင်ရေး ညှိနှိုင်းဆောင်ရွက်ပေးရန် အကြောင်းကြား ဆောင်ရွက်နေစဉ်အတွင်း Online Shop မှ မန္တလေးတိုင်းဒေသကြီးဦးစီးမှူးရုံးသို့ ဆက်သွယ်၍ တိုင် ကြားသူအား စရံငွေကျပ် ၅၄၀,၀၀၀/-ကို ပြန်လည်ပေးအပ်ခဲ့ပြီးဖြစ်ကြောင်း ပြောကြားလာပါသည်။ အွန်လိုင်းစနစ်ဖြင့် ရောင်းချခြင်းလုပ်ငန်း မှတ်ပုံတင်လျှောက်ထားဆဲဖြစ်ကြောင်းလည်း စိစစ်တွေ့ရှိရ သဖြင့် ဌာနမှတာဝန်ရှိသူများက တိုင်ကြားသူထံ ဆက်သွယ်မေးမြန်းရာ စရံငွေပြန်လည်လွှဲပေးပြီး ဖြစ်၍ ကျေနပ်မှုရှိပါသောကြောင့် တိုင်ကြားမှုပိတ်သိမ်းလိုကြောင်း ပြောကြားလာသဖြင့် တိုင်ကြားမှု ကို ပိတ်သိမ်းဆောင်ရွက်ခဲ့ပါသည်။