ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်၊ ပန်းပဲတန်းရပ်ကွက်ရှိ သူနာပြုသင်တန်းကျောင်းတွင် (၂.၄.၂၀၂၆)ရက်နေ့ နေ့လယ်(၁၄:၀၀)နာရီအချိန်တွင် စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးနှင့် ဒု-ခရိုင်ဦးစီးမှူးမှ စားသုံးသူကာကွယ်ရေးဥပဒေအကြောင်းအသိပညာပေးဟောပြောခြင်း၊ Consumer Call Center (1535)သို့ ဆက်သွယ်ခေါ်ဆိုမှုများနှင့် ဝန်ထမ်းများမှ စားသုံးသူအသိပညာပေးလက်ကမ်းစာစောင်များဖြန့်ဝေခြင်းကို ဆောင်ရွက်ခဲ့ပါသည်။
အဆိုပါဟောပြောပွဲတွင် ပထမဦးစွာ ဟင်္သာတခရိုင်ဦးစီးမှူး ဦးဇော်မင်းမှ အဖွင့်အမှာစကားပြောကြားခဲ့ပြီး၊ ဒု-ခရိုင်ဦးစီးမှူး ဦးမောင်မောင်မြတ်ခိုင်က စားသုံးသူကာကွယ်ရေးဥပဒေပါ စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူအခွင့်အရေးနှင့် တာဝန်များ၊ စားသုံးသူများလိုက်နာဆောင်ရွက်ရမည့် တာဝန်များ၊ စားသုံးသူများသည် ကုန်စည်ကို ရွေးချယ်ဝယ်ယူတတ်စေရန်၊ ကုန်အညွှန်းအမှတ်အသားနှင့် စပ်လျဉ်း၍ ဖော်ပြပါရှိသည့်အချက်အလက်များကို သေချာစွာစိစစ်ဝယ်ယူနိုင်ရန်၊ အစားအသောက်နှင့် ကုန်စည်တွေပေါ်မှာဖော်ပြရမည့် ကုန်အညွှန်းအမှတ်အသားများအကြောင်း စသည်တို့ကို အသိပညာပေး ဟောပြောခဲ့ပါသည်။ ဆက်လက်၍ စားသုံးသူများ ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုမျာကြောင့် နစ်နာဆုံးရှုံးမှုများဖြစ်ပေါ်လာပါက Consumer Call Center 1535 သို့ ဆက်သွယ်တိုင်ကြားနိုင်ကြောင်း သူနာပြုသင်တန်းသား/ သူများမှ ဆက်သွယ်ခေါ်ဆိုမှုများ ဆောင်ရွက်ခဲ့ကြောင်း၊ သူနာပြုသင်တန်းကျောင်းအုပ်ဆရာမကြီးမှ သိလိုသည်များ မေးမြန်းကာ အပြန်အလှန်ဆွေးနွေးမှုများ ဆောင်ရွက်ခဲ့ကြောင်း သတင်းရရှိပါသည်။
DOCA (ဧရာဝတီ)