အင်ဒိုနီးရှားနိုင်ငံသည် သကြားလိုအပ်ချက်ကို ကိုယ်တိုင်ဖူလုံစေရန်နှင့် ပြည်ပမှ တင်သွင်းရမှုအပေါ် မှီခိုနေရခြင်းကိုလျှော့ချရန် ကြိုးပမ်းသည့်အနေဖြင့် ယခုနှစ်အတွင်း သကြားထုတ်လုပ်မှုကို တန်ချိန် ၃ သန်းအထိ မြှင့်တင်ရန် ရည်မှန်းထားကြောင်း စိုက်ပျိုးရေးဝန်ကြီးဌာနက ပြောကြားခဲ့သည်။
စိုက်ပျိုးရေးဝန်ကြီး Andi Amran Sulaiman က ယခုလျာထားချက်သည် လက်ရှိထွက်ရှိနေသော တန်ချိန် ၂.၆၈ သန်းခန့်ထက် ပိုမိုမြင့်တက်လာမည့် ပမာဏဖြစ်ပြီး ပြည်တွင်းသကြားလိုအပ်ချက်ကို အားဖြည့်ရန်နှင့် ကြံစိုက်ခင်းများ၏ ထုတ်လုပ်စွမ်းအားကို မြှင့်တင်ရန် အစိုးရ၏ တွန်းအားပေးမှုကို ထင်ဟပ်နေကြောင်း မတ်လ ၁၀ ရက်နေ့တွင် ပြောကြားခဲ့သည်။
အဆိုပါ လျာထားချက်ကို ပြည့်မီစေရန်အတွက် ဝန်ကြီးဌာနသည် တစ်နိုင်ငံလုံးအတိုင်းအတာဖြင့် ကြံစိုက်ခင်းများကို တိုးချဲ့ခြင်းနှင့် အဆင့်မြှင့်တင်ခြင်းများပြုလုပ်ရန် စီစဉ်နေပြီး သကြားစက်ရုံများအတွက် ကုန်ကြမ်းထောက်ပံ့မှု တိုးလာစေရန် ကြံစိုက်ဧက ၁ သိန်း (ဟက်တာ ၁ သိန်း) အထိ တိုးချဲ့စိုက်ပျိုးသွားမည်ဖြစ်သည်။
အင်ဒိုနီးရှားနိုင်ငံအနေဖြင့် စားနပ်ရိက္ခာဖူလုံမှုကို အားကောင်းစေရန်နှင့် သကြားတင်သွင်းမှုအပေါ် မှီခိုနေရခြင်းကို တဖြည်းဖြည်းလျှော့ချရန် ကြိုးပမ်းနေသည့်အတွက် ဤစီမံကိန်းတွင် ဗဟိုအစိုးရ၊ ဒေသန္တရအစိုးရများ၊ နိုင်ငံပိုင်လုပ်ငန်းများနှင့် တောင်သူလယ်သမားများအကြား ပူးပေါင်းဆောင်ရွက်ပြီး ကြံစိုက်ပျိုးမှုကို အရှိန်မြှင့်တင်ကာ ထုတ်လုပ်မှုကို မြှင့်တင်သွားမည်ဖြစ်ကြောင်း Sulaiman က ဖြည့်စွက်ပြောကြားခဲ့ ကြောင်း သိရှိရပါသည်။
Source : Xinhua
DOCA (ရန်ကုန်)