ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့်ဝန်ထမ်းတို့သည် ၂၀၂၆ခုနှစ်၊ ဇန်နဝါရီလ (၂၇) ရက်နေ့၊ နံနက် (၁၁း၀၀) နာရီအချိန်တွင် ဗိုလ်ဗထူးလမ်း (၁) ရပ်ကွက်ရှိ “မိုး” သုံးထောင့်မုန့်လုပ်ငန်းသို့ ကွင်းဆင်းစိစစ်ခဲ့ပါသည်။
အဆိုပါ ကွင်းဆင်းစိစစ်ရာတွင် မြို့နယ်တာဝန်ခံကဈေးကွက်မရောက်မီ “မိုး” သုံးထောင့် မုန့်လုပ်ငန်းမှ ထုတ်လုပ်နေမှု နည်းစနစ်များ၊ ရင်းနှီးမြှုပ်နှံထားရှိမှု၊ လုပ်သားအင်အားအသုံးပြုမှု၊ ဈေးနှုန်းဈေးကွက် အခြေအနေများကိုစိစစ်ခဲ့ပါသည်။ သုံးထောင့်မုန့်ပြုလုပ်ရာတွင် ပါဝင်သည့်ပစ္စည်းများမှာ ဂျုံ၊ သကြား၊ ဆီ၊ ရေသန့်၊ ကြက်ဥ၊ ဆား၊ ထောပတ်တို့ဖြစ်ပြီး တစ်နေ့ထုတ်လုပ်မှုအနေဖြင့် ဘူး(၂၅၀) ခန့်ထုတ်လုပ်ပါသည်။ တစ်ဘူးလျှင် မုန့်(၅)ခုပါဝင်ပြီး( ၃၀၀၀ ) ကျပ်ဖြင့်ဖျာပုံ၊ ဘိုကလေး၊ မော်ကျွန်း၊ စက်စုနှင့် ဒေသအတွင်းရှိ ကျေးရွာများသို့ပါ ဖြန့်ဖြူးရောင်းချလျက်ရှိပါသည်။ လုပ်သား(၄)ဦးရှိပြီး တစ်ပိုင်တစ်နိုင် လုပ်ကိုင်ဆောင်ရွက်လျက်ရှိပါသည်။
ထို့နောက် မြို့နယ်တာဝန်ခံက ထုတ်လုပ်သော ကုန်စည်နှင့် ပက်သက်၍ ပါကင်ထုပ်ပိုးမှုပေါ်တွင် ကုန်အညွှန်းအမှတ်တံဆိပ် ပြည့်စုံစွာ ဖော်ပြထားရှိရန်နှင့် စားသုံးသူဘေးအန္တရာယ် ကင်းရှင်းစေရေးအတွက် ဈေးကွက်မရောက်မီ ကုန်စည်ထုတ်လုပ်နေမှုများအား ကွင်းဆင်းစိစစ်ခဲ့ကြောင်း သတင်းရရှိပါသည်။
DOCA(ဧရာဝတီ)