မအူပင်ခရိုင်၊ မအူပင်မြို့နယ် လူသုံးကုန် ပစ္စည်းရောင်းချနေမှု စျေးကွက်အတွင်း ဖြန့်ဖြူးရောင်းချနေသည့် အလှကုန်ပစ္စည်းများ တားမြစ်ထားသည့်ကုန်ပစ္စည်းများ ရောင်းချမှုမရှိစေရေးအတွက် ၂၀၂၆ခုနှစ် ဇန်နဝါရီလ ၁၉ရက်နေ့နံနက်ပိုင်းက မအူပင်မြို့ပေါ် လင်းတာရာအလှကုန်နှင့် စတိုးဆိုင်၊ မြတ်မဟာ အလှကုန်ဆိုင်၊ အာဂျီးမား မီနီမက်ဆိုင်များ၌ တားမြစ်အလှကုန်ပစ္စည်းများ ရောင်းချမှုရှိ/မရှိ ကွင်းဆင်းစစ်ဆေးခဲ့ပါ သည်။
ကွင်းဆင်းစစ်ဆေးရာတွင် အစားအသောက်နှင့် ဆေးဝါးကွပ်ကဲရေးဦးစီးဌာနမှ ဝန်ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ စာသုံးသူရေးရာဦးစီးဌာနမှ တာဝန်ခံနှင့် တာဝန်ရှိသူများကပူးပေါင်း၍ စျေးအတွင်း ဖြန့်ဖြူးရောင်းချနေသည့် အလှကုန်ပစ္စည်းများ အရောင်းဆိုင်တွင် ကျန်းမာရေးအတွက် ဘေးအန္တရာယ်ကင်းရှင်းပြီး အရည်အသွေးကောင်းမွန်သည့် အကျိုးအာနိသင်ကောင်းရရှိနိုင်သော အလှကုန်ပစ္စည်းများကို ပြည်သူများရောင်းဝယ်သုံးစွဲနိုင်စေရေး၊ FDA တွင် မှတ်တမ်းတင်ထားသော အလှကုန်ပစ္စည်းများကိုသာ ရောင်းချနိုင်ရေးနှင့် တားမြစ်အလှကုန်ပစ္စည်းများ၊ သက်တမ်းလွန်ကုန်ပစ္စည်းများ ရောင်းချမှုမရှိစေရေး၊ စားသုံးသူရေးရာဦးစီးဌာန၏ ကုန်အညွှန်းအမှတ်အသားဖော်ပြချက် ညွှန်ကြားချက်အမှတ်(၂/၂၀၁၉) မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ချက် ကုန်စည်အုပ်စု(စ) ပါ ဖော်ပြရမည့် အသေးစိတ်စိစစ်ချက် ဖော်ပြပါဝင်မှု ရှိ/ မရှိတို့အား စစ်ဆေးခဲ့ပြီး မအူပင်ဈေးကွက်အတွင်း တားမြစ်ကုန်စည်များ ရောင်းချမှုမရှိပဲ သတ်မှတ်ချက်နှင့် ကိုက်ညီသော ကုန်စည်များကိုသာရောင်းချနေကြောင်း စစ်ဆေးတွေ့ရှိခဲ့ကြောင်း သိရှိရပါသည်။
DOCA(ဧရာဝတီ)