တရုတ်နိုင်ငံ၏ စားသုံးသူဈေးနှုန်း အညွှန်းကိန်း (CPI) သည် ငွေကြေးဖောင်းပွမှု၏ အဓိကတိုင်းတာမှုတစ်ခုဖြစ်ပြီး စားသောက်ကုန်ဈေးနှုန်းများမြင့်တက်လာခြင်းကြောင့် နိုဝင်ဘာလတွင် ပိုမိုမြန်ဆန်သောနှုန်းဖြင့် တိုးတက်လာကြောင်း ဒီဇင်ဘာလ ၁၀ ရက်နေ့တွင် ထုတ်ပြန်သော တရားဝင်အချက်အလက်များအရ သိရသည်။
အမျိုးသားစာရင်းအင်းဌာန၏ အဆိုအရ CPI သည် အောက်တိုဘာလတွင် ၀.၂ ရာခိုင်နှုန်း မြင့်တက်ခဲ့ရာမှ အရှိန်မြင့်ကာ နိုဝင်ဘာလတွင် တစ်နှစ်ထက်တစ်နှစ် ၀.၇ ရာခိုင်နှုန်း မြင့်တက်ခဲ့ သည်။ ၂၀၂၄ ခုနှစ် မတ်လနောက်ပိုင်းအမြင့်ဆုံးတိုးတက်မှုနှုန်းကို ပြသခဲ့သည်။
လစဉ်အခြေခံအရ စားသုံးသူဈေးနှုန်းအညွှန်းကိန်း CPI သည် ပြီးခဲ့သည့်လ က ၀.၁ ရာခိုင်နှုန်း အနည်းငယ် ကျဆင်းခဲ့ကြောင်း NBS အချက်အလက်များအရ သိရသည်။ အစားအသောက်နှင့် စွမ်းအင်ဈေးနှုန်းများမပါသော အဓိက CPI သည် ပြီးခဲ့သည့်လတွင် ယခင်နှစ်ကထက် ၁.၂ ရာခိုင်နှုန်း တိုးလာခဲ့သည်။
စက်ရုံထုတ်ကုန်များ၏ ကုန်ကျစရိတ်ကို တိုင်းတာသည့် ထုတ်လုပ်သူဈေးနှုန်းညွှန်းကိန် PPI သည် နိုဝင်ဘာလတွင် ယခင်နှစ်ကထက် ၂.၂ ရာခိုင်နှုန်း ကျဆင်းခဲ့ကြောင်း ဒီဇင်ဘာလ ၁၀ ရက်နေ့ ထုတ်ပြန်သော အချက်အလက်များအရ သိရှိရပါသည်။
Source : Xinhua
DOCA (ရန်ကုန်)