ဂျပန်နိုင်ငံ တိုကျိုနှင့် အိုဆာကာတွင် ဗီယက်နမ်နိုင်ငံ Tay Ninh ပြည်နယ်မှကိုယ်စား လှယ်အဖွဲ့ကကျင်းပခဲ့သည့် ရင်းနှီးမြှုပ်နှံမှုမြှင့်တင်ရေးကွန်းဖရန့် ၂ ခုကို များစွာသော ဂျပန်လုပ်ငန်းများရှင်များကတက်ရောက်ခဲ့ကြောင်း သိရပါသည်။ နိုဝင်ဘာလ ၁၆ ရက်နေ့မှ ၂၂ ရက်နေ့အထိ ဂျပန်သို့ အလုပ်သဘောအလည်အပတ်ခရီးစဉ်ကို ပြည်နယ်ပြည်သူ့ကော်မတီအတွင်းရေးမှူး Nguyen Van Quyet က ဦးဆောင်ခဲ့ပြီး များစွာသော ရင်းနှီးမြှုပ်နှံမှုမြှင့်တင်ရေးဆောင်ရွက်မှုများ၊ စီးပွားရေးဝန်းကျင် တင်ဆက်မှုများနှင့် လုပ်သားပူးပေါင်းဆောင်ရွက်မှုများကို တင်ပြခဲ့ကြောင်း သိရပါသည်။ နိုဝင်ဘာလ ၁၉ ရက်နေ့ကကျင်းပခဲ့သည့် တိုကျိုကွန်းဖရန့်တွင် Tay Ninh ပြည်နယ်ပြည်သူ့ ကော်မတီဒုတိယဥက္ကဌ Pham Tan Hoa က ပြည်နယ်သည် စွမ်းရည်၊ နည်းပညာနှင့် သဘာဝပတ်ဝန်းကျင်ထိန်းသိမ်းမှုစည်းမျဉ်းများဖြင့် ထိန်းကျောင်းသည့် အရည်အသွေးမြင့်ရင်းနှီးမြှုပ်နှံမှုကို ဦးစားပေးကြောင်းနှင့် အာဏာပိုင်များသည်လည်း ပွင့်လင်းမြင်သာသောရင်းနှီးမြှုပ်နှံမှု ဝန်းကျင်၊ လျှင်မြန်သောအုပ်ချုပ်မှုလုပ်ငန်းစဉ်များနှင့် ပြည်နယ်၏ စီးပွားရေးအောင်မြင်မှုကို ဆက်လက်ထိန်းသိမ်းထားမည်ဟု ပြောကြားခဲ့ကြောင်း သိရပါသည်။ Tay Ninh ပြည်နယ်သည် လတ်တလောတွင် အမေရိကန်ဒေါ်လာ ၁.၂၆ ဘီလီယံတန်ဖိုးရှိသော ဂျပန်တိုက်ရိုက်ရင်းနှီးမြှုပ်နှံမှုစီမံကိန်း ၁၇၆ ခုကို ပိုင်ဆိုင်ထားကြောင်း သိရပါသည်။ ဂျပန်နိုင်ငံ ဆိုင်ရာဗီယက်နမ်သံအမတ် Pham Quang Hieu က ဟိုချီမင်းမြို့တော်-ကမ္ဘောဒီးယား-ပြည်မ အာဆီယံစီးပွားရေးစင်္ကြန် တစ်လျောက်တွင် ပြည်နယ်၏ဗျူဟာမြောက်တည်ရှိမှု၊ လျှင်မြန်စွာ အခြေခံအဆောက်အအုံ တိုးတက်လာမှုနှင့် ပေါများသော ငယ်ရွယ်သည့်လုပ်သားထုတို့ကို အသားပေးပြောကြားခဲ့ပြီး Tay Ninh ပြည်နယ်တွင် ရင်းနှီးမြှုပ်နှံရန် စိတ်ဝင်စားသည့် ဂျပန်လုပ်ငန်းများကို ပံ့ပိုးပေးသွားမည်ဟု အတည်ပြုခဲ့ကြောင်း သိရပါသည်။ ဂျပန်ပြင်ပကုန်သွယ် ရေးအဖွဲ့အစည်း၏ ဒုတိယဥက္ကဌ Hirano Kenichi က ကောက်ယူရရှိသော အချက်အလက်များအရ ဗီယက်နမ်ရှိ ဂျပန်လုပ်ငန်း ၅၆ ရာခိုင်နှုန်းကျော်သည် လာမည့်တစ်နှစ်မှနှစ်နှစ်အတွင်း လုပ်ငန်းတိုးချဲ့ရန်စီစဉ်နေကြောင်းနှင့် ထိုလုပ်ငန်းများကိုဆက်လက်ပံ့ပိုးသွားမည်ဟု ပြောကြားခဲ့ပါသည်။ ထိုကွန်းဖရန့်တွင် များစွာသော MoU များလက်မှတ်ရေးထိုးခဲ့ကြောင်း သိရပါသည်။ အိုဆာကာတွင် နိုဝင်ဘာလ ၁၇ ရက်နေ့က ကျင်းပခဲ့သည့်ကွန်းဖရန့်ကိုလည်း ဂျပန်ကိုယ်စားလှယ် ၁၂၀ ဦးပတ်လည်တက်ရောက်ခဲ့ကြောင်း သိရပါသည်။ Hoa က Tay Ninh ပြည်နယ်သည် ဂျပန်၏ Kansai ဒေသနှင့် ရေရှည်ပူးပေါင်း ဆောင်ရွက်မှုဆက်လက်တိုးချဲ့သွားမည်ဖြစ်ပြီး Hyogo၊ Wakayama၊ Ibaraki နှင့် Okayama စီရင်စုများနှင့် ချိတ်ဆက်မှုများ တည်ထောင်ပြီးဖြစ်ကြောင်း သိရပါသည်။ အိုဆာကာတွင်လည်း Long An နိုင်ငံတကာဆိပ်ကမ်းနှင့် Koba ဆိပ်ကမ်းအကြားမိတ်ဖက်ဖွဲ့ခြင်း၊ ဗီယက်နမ်-ဂျပန် စီးပွားရေးပူးပေါင်းဆောင်ရွက်မှုမြှင့်တင်ရေး အသင်းကြားစာချုပ်တို့ပါဝင်သော များစွာသောပူးပေါင်းဆောင်ရွက်မှုသဘော တူညီချက်များကို လက်မှတ်ရေးထိုးခဲ့ကြောင်း သိရှိရပါသည်။
Vietnam Plus
DOCA (ရန်ကုန်)