ဗီယက်နမ်သည် ၂၀၂၅ ခုနှစ် စတုတ္ထသုံးလပတ်ကာလနှင့် ၂၀၂၆ ခုနှစ်တွင် Comprehensive and Progressive Agreement for Trans-Pacific Partnership (CPTPP) အောက်ရှိနိုင်ငံများနှင့် အရှေ့အလယ်ပိုင်းဒေသသို့ Pangasius ငါးတင်ပို့မှုတိုးချဲ့ရန် ရည်ရွယ်ထားကြောင်း သိရပါသည်။ ဗီယက်နမ်ပင်လယ်စာတင်ပို့သူများနှင့် ထုတ်လုပ်သူများအသင်း (VASEP) ၏ အဆိုအရ ထိုဒေသနှစ်ခုသို့တင်ပို့မှုမှာ အတက်ဘက်သို့ဆက်လက်ဦးတည်ရန် မျှော်မှန်းရကြောင်း သိရပါသည်။ ၂၀၂၅ ခုနှစ်၏ ပထမ ၁၀ လတွင် CPTPP သို့တင်ပို့မှုတန်ဖိုးမှာ အမေရိကန်ဒေါ်လာ ၃၀၅ သန်းရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၃၆ ရာခိုင်နှုန်းမြင့်တက်ခဲ့ကြောင်း သိရပါသည်။ တစ်ချိန်တည်းမှာပင် ဥရောပသမဂ္ဂသို့တင်ပို့မှုတန်ဖိုးမှာ အမေရိ ကန်ဒေါ်လာ ၁၄၉ သန်းရောက်ရှိခဲ့ပြီး ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ၃ ရာခိုင်နှုန်း မြင့်တက်ခဲ့ကြောင်း သိရပါသည်။ VASEP က အကယ်၍ လုပ်ငန်းနယ်ပယ်သည် ဈေးကွက်ကွဲပြားမှုနှင့် အကောက်ခွန်ဦးစားပေးမှုများကို အခွင့်အလမ်းအပြည့်အဝရယူပါက ပြန်လည်နာလံထူလာရန်နှင့် ၂၀၂၆ ခုနှစ်တွင်လည်း စဉ်ဆက်မပြတ်ကြီးထွားရန် အခွင့်အလမ်းရှိကြောင်း သိရပါသည်။ အောက်တိုဘာလတွင် ဗီယက်နမ်၏ pangasius ငါးတင်ပို့မှုတန်ဖိုးမှာ အမေရိကန်ဒေါ်လာ ၂၁၇ သန်းရှိခဲ့ပြီး ၂၀၂၄ ခုနှစ်တူညီသည့်လနှင့်နှိုင်းယှဉ်ပါက ၈ ရာခိုင်နှုန်းမြင့်တက်ခဲ့ကြောင်း သိရပါသည်။ ၂၀၂၅ ခုနှစ်၏ ပထမ ၁၀ လစုစုပေါင်းတင်ပို့မှုတန်ဖိုးမှာ အမေရိကန်ဒေါ်လာ ၁.၈ ဘီလီယံ ကိုကျော်ဖြတ်ခဲ့ပြီဖြစ်ပြီး ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ၉ ရာခိုင်နှုန်းမြင့်တက်ခဲ့ကြောင်း သိရပါသည်။ ထို ၁၀ လအတွင်း အေးခဲထားသည့် pangasius ငါးအသားပြားများ တင်ပို့မှုတန်ဖိုးမှာ အမေရိကန်ဒေါ်လာ ၁.၅ ဘီလီယံတန်ဖိုးရှိပြီး အေးခဲထားသော၊ အခြောက်ခံထားသောနှင့် မပြုပြင်ထားသော pangasius ငါးတင်ပို့မှုမှာ အမေရိကန်ဒေါ်လာ ၃၁၅ သန်းတန်ဖိုးရှိကြောင်း သိရပါသည်။ VASEP က ၂၀၂၅ ခုနှစ်တတိယ ၃ လပတ်ကာလ တွင်နှေးကွေးခဲ့ပြီးနောက် ဗီယက်နမ်၏ pangasius ငါးကို အောက်တိုဘာလတင်ပို့မှုမှာ အခြား အဓိကဈေးကွက်များတွင် အပေါင်းလက္ခဏာဆောင်သောရလဒ်များပြသခဲ့ကြောင်း သိရပါသည်။ အထူးသဖြင့် တရုတ်ပြည်မနှင့် ဟောင်ကောင် (တရုတ်) သို့တင်ပို့မှုမှာ အမေရိကန် ဒေါ်လာ ၇၃ သန်းတန်ဖိုးရောက်ရှိခဲ့ပြီး ၁၉ ရာခိုင်နှုန်းမြင့်တက်ခဲ့ကြောင်း သိရပါသည်။ အောက်တိုဘာလတွင် အမေရိကန်သို့ တင်ပို့မှုတန်ဖိုးမှာ အမေရိကန်ဒေါ်လာ ၂၉ သန်း၊ ဘရာဇီးသို့ တင်ပို့မှုတန်ဖိုးမှာ အမေရိကန်ဒေါ်လာ ၁၅ သန်းနှင့် ယူကေသို့တင်ပို့မှုမှာ အမေရိကန်ဒေါ်လာ ၄ သန်းတန်ဖိုးရှိခဲ့ကြောင်း သိရပါသည်။ VASEP က စတုတ္ထ ၃ လပတ်ကာလတွင် အခြားအဓိက ဈေးကွက် များသို့တင်ပို့မှုမှာ ဝယ်လိုအားအပြည့်အဝ နာလံမထူသေးသောကြောင့် ဆက်လက်ကျဆင်းနိုင်ကြောင်း ခန့်မှန်းခဲ့သည်ဟု သိရှိရပါသည်။
Vietnam Plus
DOCA (ရန်ကုန်)