၂၀၂၅ ခုနှစ် ပထမ သုံးလပတ်တွင် မွန်ဂိုလီးယားနိုင်ငံ၏ စက်မှုထုတ်လုပ်မှုသည် မွန်ဂိုလီးယား တူဂရစ် ၃၀.၇ ထရီလီယံ (အမေရိကန်ဒေါ်လာ ၈.၅၄ ဘီလီယံ) ရှိခဲ့ရာ ယခင်နှစ်ကထက် ၃.၆ ရာခိုင်နှုန်း ကျဆင်းခဲ့ကြောင်း နိုင်ငံ၏အမျိုးသားစာရင်းအင်းရုံးက အောက်တိုဘာလ ၂၀ ရက်နေ့တွင် ပြောကြားခဲ့ပါသည်။
အဓိက သတ္တုတူးဖော်ရေးထွက်ကုန်များ၏ ထွက်ရှိမှုကျဆင်းခြင်းကြောင့် အဓိကအားဖြင့် ကျဆင်းခဲ့ခြင်းဖြစ်ကြောင်း NSO ၏ ထုတ်ပြန်ချက်တွင် ဖော်ပြထားပါသည်။ အဆိုပါကာလအတွင်း ကျောက်မီးသွေးထုတ်လုပ်မှု ၃၂.၃ ရာခိုင်နှုန်း ကျဆင်းခဲ့ပြီး ရေနံစိမ်းထုတ်လုပ်မှု ၁၃.၃ ရာခိုင်နှုန်း ကျဆင်းခဲ့ပါသည်။
လက်ရှိအချိန်တွင် မွန်ဂိုလီးယားနိုင်ငံ၏ အဓိကစီးပွားရေး လုပ်ငန်းများထဲမှ တစ်ခုမှာ သတ္တု တူးဖော်ရေးလုပ်ငန်းဖြစ်ပြီး ရွှေ၊ ငွေ၊ ကြေးနီနှင့် သဘာဝသယံဇာတများ ပေါကြွယ်ဝကြောင်း သိရှိရပါသည်။
ကျောက်မီးသွေး၊ ကြေးနီ၊ သံရိုင်းနှင့် မသန့်စင်ထားသော သို့မဟုတ် တစ်စိတ်တစ်ပိုင်း သန့်စင်ထားသော ရွှေကဲ့သို့သော သတ္တုတွင်းထွက်ကုန်များသည် ဤ ကာလအတွင်း မွန်ဂိုလီးယား နိုင်ငံ စုစုပေါင်းပို့ကုန်၏ ၉၅ ရာခိုင်နှုန်းခန့်ရှိကြောင်း အချက်အလက်များအရ သိရှိရပါသည်။
Source : Xinhua
DOCA (ရန်ကုန်)