စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဦး၊ ဦးစီးမှူးပါ (၃)ဦး တို့သည်(၁၀.၁၀.၂၀၂၅)ရက်နေ့ နေ့လယ်(၀၁:၀0)နာရီအချိန်တွင် မြေကွက်အမှတ် (၇/၄၁-B) အမှတ်(၃) လမ်းမကြီးဘေး၊ သင်္ဃန်းကျွန်းကြီးကျေးရွာ၊ မင်္ဂလာဒုံမြို့နယ်ရှိ စုစံ(အမှတ်-၃) စက်သုံးဆီဆိုင်သို့ ဈေးကွက်စောင့်ကြည့်ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရသည်။
စုစံ(အမှတ်-၃)စက်သုံးဆီဆိုင်မှ တာဝန်ခံ ဦးကျော်လွင်ဌေးမှ ပူးပေါင်းပါဝင်လျက် မြန်မာနိုင်ငံစက်သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ထုတ်ပြန်ပေးလျက်ရှိသော ဈေးနှုန်းများအား စားသုံးသူပြည်သူများ သိသာမြင်သာအောင် LED ဘုတ်ထောင်ထားကြောင်းတွေ့ရှိရပြီး စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (2730)ကျပ်၊ ဓါတ်ဆီ(95)တစ်လီတာလျှင် (2800)ကျပ်၊ ဒီဇယ်(ရိုးရိုး) တစ်လီတာလျှင် (2505)ကျပ်၊ ဒီဇယ်(ပရီမီယမ်)တစ်လီတာလျှင် (3050)ကျပ်ဖြင့် ရောင်းချလျက်ရှိကြောင်း သိရှိရပါသည်။
DOCA(ရန်ကုန်)