ကင်ပွန်းချဉ်ရွက်သည် မြန်မာလူမျိုးတို့ နှစ်သက်သော ဟင်းရွက်တစ်မျိုးဖြစ်သည်။ ကင်ပွန်းချဉ် ပင်သည် မိုးများသော အောက်မြန်မာနိုင်ငံနှင့် မြေဆွေးဓာတ်များသော သဲနုန်းမြေ၊ နုန်းမြေစေးများတွင် ကောင်းစွာဖြစ်ထွန်းပါသည်။ မိမိတို့ခြံဝန်းထဲတွင် ကင်ပွန်းချဉ်ပင်လေး များသာမက အခြားသော ဟင်းသီးဟင်းရွက်များ စိုက်ပျိုးထားပါက ဝယ်စားစရာမလို အိမ်ရှင်မများအတွက် ဈေးဖိုး သက်သာစေပါ သည်။
ကင်ပွန်းချဉ်ရွက်ကို အရည်သောက်ဟင်းချက်စားခြင်း၊ကြော်စားခြင်း၊အခြားသော ငါးမျိုးစုံ တို့ဖြင့် ရောနှော၍ ချက်စားပါက ခံတွင်းမြိန်စေသည်။ ကင်ပွန်းချဉ်ရွက်သည် အမျှင်ဓါတ် ကြွယ်ဝသည့်အတွက် အူများ၏ လုပ်ဆောင်မှုကို ကောင်းစေပြီး အူနံရံတွေကို အာဟာရ စုပ်ယူမှုကောင်းစေဖို့ ထောက်ပံ့ပေး သလို ဝမ်းမှန်စေရန်အတွက် ထောက်ကူပေးပါသည်။
တောင်ငူမြို့ဈေးများတွင် ကင်ပွန်းချဉ်ရွက် (၇)ခက်ပါ ၁ စည်းလျှင် ၂၀၀ ကျပ်၊ ၂ စည်း ၃၀၀ကျပ် ဖြင့် ရောင်းချပြီး ရာသီစာဖြစ်၍ ဓာတ်တိုးဆန့်ကျင်မှုနှင့်၊ အာဟာရဓာတ်များပါဝင်ပြီး လူတို့၏ ကျန်းမာရေးနှင့်လည်းညီညွှတ်သည့်အတွက် အရောင်းသွက်ကြောင်း ဈေးသည်တစ်ဦးထံမှ သိရှိရသည်။
DOCA(ပဲခူး)