စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ဈေးသည်များ၊ ဈေးဝယ် သူများနှင့် နေ့စဉ်အရောင်းအဝယ်ဖြစ်လျက်ရှိပြီး ဒေသထွက်သီးနှံများဖြစ်သည့် သင်္ဘောသီး၊ ရုံးပတီသီး၊ ဘူးသီး၊ ခဝဲသီး၊ ကျောက်ဖရုံသီး၊ သခွားသီးနှင့် ဂေါ်ရခါးသီးများကို မန္တလေးမြို့နှင့် ရွှေဘိုမြို့တို့မှ ဝယ်ယူရောင်းချလျက်ရှိကြောင်း သိရသည်။
၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ကန့်ဘလူမြို့မဈေးတွင် ရောင်းအဝယ်ဖြစ် သည့်ဂေါ်ရခါးသီးဈေးနှုန်းများမှာ အလုံးကြီး(၁)လုံးလျှင်(၇၀၀)ကျပ်၊ အလတ်(၁)လုံးလျှင်(၆၀၀) ကျပ်၊ အသေး(၁)လုံးလျှင် (၅၀၀)ကျပ်၊ သခွားသီးအကြီး(၁)လုံးလျှင် (၅၀၀)ကျပ်၊ အသေးတစ်လုံး လျှင်(၃၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း၊ ကုန်စိမ်းသီးနှံမျိုးစုံရောင်းချသည့် လုပ်ငန်းရှင်များထံမှ သိရှိရသည်။
DOCA (စစ်ကိုင်း)