ကျောက်ဆည်ခရိုင်တွင် စပါး ၊ ပဲ ၊ ပြောင်း ၊ နှမ်းသီးနှံများအပြင် စားဖိုဆောင်သီးနှံတစ်မျိုး ဖြစ်သော နနွင်းသီးနှံကိုလည်း စိုက်ပျိုးလျက်ရှိရာ ၂၀၂၅-၂၀၂၆ ဘဏ္ဍာနှစ်တွင် မြစ်သားမြို့နယ်တွင် စိုက်ဧက (၉၈၅)ဧက စိုက်ပျိုးပြီးစီးပြီဖြစ်ကြောင်း သက်ဆိုင်ရာဌာနများ၏ စာရင်းများအရ သိရှိရပါ သည် ။ နနွင်းသီးနှံကို မေလနှင့်ဇွန်လများတွင် စတင်စိုက်ပျိုးကြောင်း၊ နနွင်း(၁)ဧက ကုန်ကျစရိတ် အနေဖြင့် မျိုး ၊ သွင်းအားစု ၊ လုပ်သားခအပါအဝင် စုစုပေါင်း (၃၀)သိန်းကျပ် ကုန်ကျကြောင်း၊ အများဆုံး စိုက်ပျိုးသော ရွာများမှာ ရွာမုန်းကြီးရွာ ၊ တောင်ရိုး ၊ ကျွဲဆွဲ ရွာများဖြစ်သည်။ ၂၀၂၄-၂၀၂၅ ခုနှစ်တွင် နနွင်းဈေးနှုန်းများမှာ ထွက်ပေါ်ချိန်တွင် ဈေးကောင်းရရှိခဲ့သော်လည်း ယနေ့အချိန် ဈေးနှုန်းများမှာ အနည်းငယ်ကျဆင်းလျက်ရှိကြောင်း၊ ထွက်ပေါ်ချိန်တွင် နနွင်းအစိုးတစ်စည်းလျှင် (၅)သိန်းကျပ်၊ နနွင်းတစ်ပိဿာလျှင် (၁၀၀၀၀/-)ကျပ် အရောင်းအဝယ်ဖြစ်လျှက်ရှိပြီး ယနေ့ အရောင်းအဝယ် ဖြစ်လျက်ရှိသည့် ဈေးနှုန်းများမှာ နနွင်းခြောက်တစ်ပိဿာလျှင် (၉၀၀၀/-)ကျပ် ဈေးနှုန်းများဖြင့် ရောင်းဝယ်လျက်ရှိကြောင်း သိရှိရပါသည်။ နနွင်းသီးနှံသည် အိန္ဒိယသို့ အဓိကတင်ပို့ ရောင်းချလျက် ရှိကြောင်း၊ ယခုနှစ် နနွင်းထွက်ပေါ်ချိန်တွင် ယခင်နှစ်လောက် ဈေးနှုန်းမရှိနိုင်ကြောင်း၊ ယခုအချိန်တွင် မိုးရွာသွန်းမှုကောင်းသောကြောင့် နနွင်းခင်းများ ပိုမိုဖြစ်ထွန်း၍ ဈေးနှုန်းကျဆင်းမှု ရှိနေနိုင်သော်လည်း ယခုနှစ်အထွက်နှုန်းကောင်းမွန်နိုင်သည်ဟု ခန့်မှန်းရကြောင်း နနွင်းစိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။
DOCA(မန္တလေး)