စစ်ကိုင်းတိုင်းဒေသကြီး၊ မုံရွာမြို့ရှိ ၊ စက်မှုဇုန်ရပ်ကွက်တွင် စိုက်ပျိုးရေးနှင့် မွေးမြူရေး လုပ်ငန်းများကို လုပ်ကိုင်လျက်ရှိရာ နွားများကို စိုက်ပျိုးရေးလုပ်ငန်းအတွက် မွေးမြူကြသလို စားဝတ်နေရေးအတွက်လည်း မွေးမြူကြကြောင်း သိရသည်။
စက်မှုဇုန်ရပ်ကွက်တွင် ဗမာနွားများနှင့် နို့စားနွားများကို တစ်နိုင်တစ်ပိုင် မွေးမြူကြပြီး နွားနို့များကို ဈေးကွက်အတွင်းသို့ ရောင်းချလျက်ရှိရာ ရောင်းလိုအားကောင်း၍ နွားနို့များ လောက်ငှမှု မရှိသဖြင့် နို့စားနွားများကို တစ်နိုင်တစ်ပိုင်မှ စီးပွားဖြစ် မွေးမြူလာကြောင်း သိရပါသည်။
၂၀၂၅ ခုနှစ်၊ စက်တင်ဘာလ၊ စတုတ္တပတ်အတွင်း ရောင်းချနေသော နွားနို့ဈေးနှုန်းများမှာ နွားနို့(၁)လီတာ တစ်ဘူးလျှင် အစိမ်း(၃၀၀၀)ကျပ်၊ ကျိုချက်ပြီး (၁) လီတာ တစ်ဘူးလျှင် (၃၅၀၀) ကျပ်၊ ဒိန်ချဉ် (၁) လီတာ၊ တစ်ဘူးလျှင် (၄၅၀၀)ကျပ်တို့ဖြင့် နေ့စဉ် အရောင်းအဝယ်ဖြစ်လျက်ရှိကြောင်း သိရသည်။
DOCA(စစ်ကိုင်း)