မြင်းခြံဒေသသည် အပူပိုင်းမိုးနည်းရပ်ဝန်းဒေသဖြစ်သောကြောင့် မိုးရာသီ ကာလ၌ မိုးသီးနှံ များကို အားထားစိုက်ပျိုးရကြောင်း၊ ဒေသအတွင်းရှိကျေးရွာများတွင် မိုးနှံစားပြောင်း သီးနှံကိုလည်း စီးပွားဖြစ်စိုက်ပျိုးထားကြောင်း၊ မေလနှင့် ဇွန်လများတွင် စတင်စိုက်ပျိုးပြီး၊ အောက်တိုဘာလနှင့် နိုဝင်ဘာလကုန်တွင် ရိတ်သိမ်းမည်ဖြစ်ကြောင်း၊ ထွက်တိုးနီမျိုးကို အများဆုံး စိုက်ပျိုးကြကြောင်း၊ ၂၀၂၅-၂၀၂၆ခုနှစ်တွင် မိုးနှံစားပြောင်းစိုက် ဧက (၅၆၇၆)ဧကစိုက်ပျိုးထားရှိကြောင်း မြို့နယ် ကြေးတိုင်နှင့် မြေစာရင်းဦးစီးဌာန၏ စာရင်း များအရသိရှိရသည်။ နှံစားပြောင်းကိုတိရစ္ဆာန် အစာအဖြစ်အသုံးပြုရန်အများဆုံးစိုက်ပျိုး ကြကြောင်း၊ အသားတိုးနွား၊ နို့စားနွားမွေးမြူရေး လုပ်ငန်း များအတွက်အသုံးပြုကြောင်း၊ ၎င်းသည်အစာအဟာရဓာတ်မှာ သင့်လျော်စွာပါဝင်ကြောင်း၊ နှံစား ပြောင်းထွက်ပေါ်ချိန်တွင် ရန်ကုန်မြို့သို့တင်ပို့ကြောင်းသိရှိရသည်။ ယခင်နှစ်တစ်ဧက အထွက်နှုန်း အနေဖြင့် (၁၂-၁၃) တင်းခန့်ထွက်ရှိခဲ့ကြောင်း သိရှိရသည်။
DOCA(မန္တလေး)