မလေးရှားနိုင်ငံ၏ လက်လီရောင်းချသော လုပ်ငန်းများသည် ၂၀၂၄ ခုနှစ် အလားတူကာလ နှင့် နှိုင်းယှဉ်ပါက ခန့်မှန်းထားခြင်းတက်လျော့သော -၃ ရာခိုင်နှုန်းကို ရရှိခဲ့ကြောင်း Retail Group Malaysia (RGM) က စက်တင်ဘာလ ၅ ရက်နေ့က ပြောကြားခဲ့ပါသည်။
နောက်ဆုံးသုံးလပတ်တွင် မလေးရှားရှိ အိမ်ထောင်စုများ၏ နေထိုင်မှုစရိတ်မြင့်မာလာ ခြင်း နှင့် ဝယ်ယူနိုင်စွမ်းကျဆင်းလာခြင်းတို့ကို ဖော်ပြနေကြောင်း RGM က ပြေားကြားခဲ့ပါသည်။
မလေးရှားစားသုံးသူများ၊ အထူးသဖြင့် မြို့ကြီးများတွင် နေထိုင်သူများသည် နေထိုင်မှုပုံစံကို ထိန်းသိမ်းရန်အတွက် လစဉ်အသုံးစရိတ်များကို ဂရုပြုကြရန် လိုအပ်ကြောင်း သိရှိရပါသည်။
၂၀၂၅ ခုနှစ်၏ ဒုတိယသုံးလပတ်အတွင်း မရှိမဖြစ်လိုအပ်သော ကုန်စည်နှင့် ဝန်ဆောင်မှု များ၏ လက်လီဈေးနှုန်းများ ဆက်တိုက်မြင့်တက်ခဲ့ပါသည်။ ဤကာလအတွင်း ထောက်ပံ့ရေး ကွင်းဆက်များ ပြတ်တောက်မှုကြောင့် သွင်းကုန်စရိတ် မြင့်တက်လာစေပြီး လက်လီဈေးနှုန်းများ ဆက်လက်မြင့်တက်ခဲ့ကြောင်း သိရှိရပါသည်။
ယခုနှစ်၏ ပထမ ၆ လအတွင်းတွင် မလေးရှားနိုင်းငံ၏ လက်လီလုပ်ငန်းများသည် ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၁.၅ ရာခိုင်နှုန်း တိုးတက်ခဲ့ကြောင်း သိရှိရပါသည်။ ထုတ်ပြန်ချက်အရ ၂၀၂၅ ၏ တတိယသုံးလပတ်အတွင်း နိုင်ငံ၏လက်လီရောင်းအားသည် ၂.၆ ရာခိုင်နှုန်း တိုးတက်ရန် ခန့်မှန်းထားပါသည်။
၂၀၂၅ ခုနှစ် နောက်ဆုံးသုံးလပတ်အတွက် မလေးရှား၏ လက်လီလုပ်ငန်းသည် နှစ်ကုန်ပိုင်း အားလပ်ရက်များနှင့်အတူ ၃.၅ ရာခိုင်နှုန်း တိုးတက်မှုနှုန်းကို မျှော်လင့်ထားကြောင်း RGM မှ ပြောကြားခဲ့ပါသည်။
DOCA (ရန်ကုန်)