စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့သည် (၂၆.၈.၂၀၂၅)ရက်နေ့ နံနက် (၁၁:၂၀)နာရီအချိန်တွင် အမှတ်(၂၁၇/၂၂၂)၊ ဇေကမ္ဘာဝင်း၊ ရန်ကုန်စက်မှုဇုန်၊ မင်္ဂလာဒုံမြို့နယ်ရှိ Designer Water စက်ရုံသို့ သွားရောက်၍ အသိပညာပေး ဆွေးနွေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ဆွေးနွေးခဲ့ရာတွင် ရန်ကုန်စက်မှုဇုန်(၅)မှ ဇုန်ကော်မတီဥက္ကဌ ဉီးကျော်လွင်၊ စည်ပင်သာယာရေးကော်မတီမှ ဦးကျော်သူရ၊ အကြီးတန်းစာရေး၊ Designer Water လုပ်ငန်းမှ တာဝန်ခံပါ (၈)ဦးတို့တက်ရောက်ခဲ့ပြီး စားသုံးသူရေးရာဦးစီးဌာနမှ ဒေါ်ခိုင်ရွှေ၊ ဒုကြီးကြပ်ရေးမှူးက ဌာန၏ ရည်မှန်းချက်၊ မျှော်မှန်းချက်၊ စားသုံးသူကာကွယ်ရေးဥပဒေပါ အခန်း (၁၈)တွင် ဖော်ပြထားသော ကုန်အညွှန်းအမှတ်အသားဖော်ပြခြင်းဆိုင်ရာအချက်များ၊ ပုဒ်မ(၄၃)ပါ ပြဌာန်းချက်နှင့်ကိုက်ညီမှုမရှိသော ကုန်စည်းများကို ရောင်းချခြင်းမပြုရန်နှင့် ပုဒ်မ(၇၃)ပါအရ တားမြစ်ချက်တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထောင်ဒဏ်/ငွေဒဏ်များ ချမှတ်နိုင်ကြောင်း ဆွေးနွေးဟောပြောခဲ့ကြောင်း သိရှိရပါသည်။
DOCA (ရန်ကုန်)