ကရင်ပြည်နယ် ဘားအံမြို့ဈေးကွက်အတွင်းရှိ ၂၀၂၅ ခုနှစ်၊ စက်တင်ဘာလပထမပတ်တွင် ဘားအံမြို့၊မြို့မဈေးကြီးရှိ ဦးကျော်စီုး(ပဲမျိုးစုံ)ဆိုင်သို့ သွားရောက်၍ ပဲမျိုးစုံနှင့်ဆီထွက်သီးနှံများ၏ ဈေးနှုန်းဈေးကွက် အခြေအနေကို ကွင်းဆင်းလေ့လာမေးမြန်းခဲ့ကြောင်း သိရသည်။
ထိုသို့ ကွင်းဆင်းလေ့လာခဲ့ရာတွင် ကရင်ပြည်နယ်အတွင်း ပဲမျိုးစုံနှင့်ဆီထွက်သီးနှံများ၏ သီးနှံရာသီ ပိတ်ဈေးနှုန်းဖြစ်ပေါ်မှု၊ ဈေးကွက်ပေါက်ဈေးနှင့်ကုန်စည် စီးဝင်/စီးထွက်မှု အခြေ အနေများ၊ ဈေးကွက်ဝယ်လိုအားနှင့်ကုန်စည်လက်ကျန်အခြေအနေများကို ဆွေးနွေးခဲ့ကြသည်။
ယခုလ ပထမပတ်ဘားအံမြို့ပေါ်ဈေးကွက်အတွင်းဖြစ်ပေါ်နေသော ပဲမျိုးစုံတစ်ပြည်ဈေးနှုန်း မှာ ထောပတ်ပဲ တစ်ပြည်လျှင် (၈၀၀၀)ကျပ်၊ ပဲလွန်းဖြူ တစ်ပြည်လျှင် (၇၀၀၀)ကျပ်၊ ဘိုကိတ်ပဲအမဲ တစ်ပြည်လျှင် (၆၀၀၀)ကျပ်၊ ပဲပုတ်ပဲ တစ်ပြည်လျှင် (၇၅၀၀)ကျပ်၊ ပဲနီပြား တစ်ပြည်လျှင် (၁၂၀၀၀)ကျပ်၊ မတ်ပဲ တစ်ပြည်လျှင် (၈၀၀၀)ကျပ်၊ ပဲတီရွှေဝါ တစ်ပြည်လျှင် (၁၀၀၀၀)ကျပ်၊ ပဲတီစိမ်း (ပဲနောက်)တစ်ပြည်လျှင် (၁၁၀၀၀)ကျပ်၊ မြေပဲဆန် တစ်ပြည်လျှင် (၉၀၀၀)ကျပ်၊ နမ်း (တောင်ယာ) တစ်ပြည်လျှင် (၁၅၀၀၀)ကျပ်တို့ဖြစ် ဈေးကောင်းရကာ အရောင်းအဝယ်ဖြစ်လျက် ရှိကြောင်း သိရသည်။
DOCA(ကရင်)