(၁၉.၈.၂၀၂၅)ရက်နေ့ နေ့လယ်(၀၂:၃၀) နာရီအချိန်တွင် အထွေထွေအုပ်ချုပ်ရေးဦးစီးဌာနမှ ဦးဆောင်၍ စားသုံးသူရေးရာဦးစီးဌာန၊ ဆန်စပါးကုန်သည်များသင်း၊ မြို့နယ်အဆင့်ဆန်စပါး လုပ်ငန်းကြီးကြပ်ရေးအဖွဲ့တို့ပူးပေါင်း၍ ရွှေဆန်လွင်(၂)ဆန်ဆိုင်သို့ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် ရောင်းချနေသော ဆန်ဈေးနှုန်းများကို မေးမြန်းစစ်ဆေးခဲ့ပြီး စားသုံးသူရေးရာဦးစီးဌာနမှ လစဉ်ထုတ်ပြန်ပေးလျက်ရှိသော ဆန်ဈေးနှုန်း၊ ဈေးကွက် သတ်မှတ်ရည်ညွှန်းဈေးအပေါ် (၈%)သာ အမြတ်တင်ရောင်းချရန်နှင့် ရွှေဘိုပေါ်ဆန်း၊ ကျားပျံ၊ ဧရာဝတီပေါ်ဆန်းအုပ်စုများ ဈေးနှုန်းပိုမိုဖြန့်ဖြူးရောင်းချခြင်းရှိ/ မရှိတို့ကို စစ်ဆေးခဲ့ပြီး စားသုံးသူပြည်သူများ၏ အခြေခံစားသောက်ကုန်ပစ္စည်းများထဲမှ အဓိကကျသော ဆန်အမျိုး အစားအလိုက် ဈေးနှုန်းတည်ငြိမ်မှုရှိစေရန်နှင့် ဈေးကစားရန်ရည်ရွယ်ချက်ဖြင့် သိုလှောင်ထားခြင်းများ မပြုလုပ်ကြရန် စားသုံးသူကာကွယ်ရေးအသိပညာပေးပြောကြားခဲ့ကြောင်း သိရှိရပါသည်။
DOCA (ရန်ကုန်)