(၁၃.၈.၂၀၂၅)ရက်နေ့ နေ့လယ် (၀၂:၃၀) နာရီအချိန်တွင် စားသုံးသူရေးရာဦးစီးဌာန၊ တိုက်ကြီးခရိုင်၊ တိုက်ကြီးမြို့နယ်ခွဲတာဝန်ခံ ဦးရှင်းခန့်ကိုကိုသည် တိုက်ကြီးမြို့မဈေးတွင် ငရုပ်ဆီနှင့်အချဉ်ရည် အမျိုးမျိုးတွင် ကုန်အညွှန်းအမှတ်အသားပြည့်စုံခြင်းရှိ/ မရှိကို ကွင်းဆင်းစစ်ဆေးခဲ့ပါသည်။
ထိုသို့စစ်ဆေးခဲ့ရာတွင် မြို့မဈေးမှတာဝန်ခံ ဦးပြည့်ဖြိုးအောင်မှ မိမိတို့မြို့မဈေးတွင် ကုန်မျိုးစုံဆိုင်အများစုတွင် ရောင်းချနေသော ငရုပ်ဆီနှင့်အချဉ်ရည်အမျိုးမျိုးတို့တွင် မြန်မာဘာသာဖြင့် ကုန်အညွှန်းအမှတ်အသားပြည့်စုံစွာ ဖော်ပြထားသောပစ္စည်းများကိုသာ ရောင်းချပါကြောင်း၊ မိမိတို့ဌာနမှလည်း ၂၀၂၅-၂၀၂၆ ခုနှစ်တွင် ဦးစားပေးကုန်စည်ဖြစ်သည့် ကုန်စည်(၁၀)မျိုးကို ဈေးကွက်စောင့်ကြည့်စစ်ဆေးသွားရန်ထုတ်ပြန်ထားသဖြင့် ငရုတ်ဆီနှင့် အချဉ်ရည် အမျိုးမျိုးပါဝင်သောကြောင့် ညွှန်ကြားချက်အမှတ်(၂/၂၀၁၉)အရ ရောင်းချမည့် ကုန်စည်မှာ မြန်မာလိုကုန်အညွှန်းအမှတ်အသား ဖော်ပြရာတွင် လွယ်ကူ အဆင်ပြေစေရန်အတွက် ထုတ်ပြန်ထားသည့်အတိုင်း ကိုက်ညီသော ကုန်စည်များကိုသာ လုပ်ငန်းရှင်များက ရောင်းချရန် သတ်မှတ်ချက်များကို လိုက်နာဆောင်ရွက်ခြင်းမရှိပါက ထိရောက်စွာအရေးယူ ဆောင်ရွက်သွားမည်ဖြစ်ကြောင်း ဆွေးနွေးပြောကြားခဲ့ကြောင်း သိရှိရပါသည်။
DOCA (ရန်ကုန်)