စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး ကွပ်ကဲမှုအောက်ရှိ မှော်ဘီမြို့နယ်ခွဲမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် (၁၀.၈.၂၀၂၅) ရက်နေ့ နံနက် (၁၀:၃၀) နာရီအချိန်တွင် စိုက်ပျိုးရေးဦးစီးဌာန၊ မြေစာရင်းဦးစီးဌာနတို့ပူးပေါင်း၍ ဘွတ်ကြီးကျေးရွာ၊ မှော်ဘီမြို့နယ်တွင် မျိုးစေ့ချကိရိယာ (Drum Seeder) ဖြင့် စိုက်ပျိုးခြင်းနည်းပညာပေးဟောပြောပွဲ ကျင်းပခဲ့ပါသည်။
ထိုသို့ဟောပြောပွဲတွင် တက်ရောက်လာသော တောင်သူ (၂၂) ဦးအား စိုက်ပျိုးရေးဦးစီး ဌာနမှ တောင်သူများ စိုက်ပျိုးစဉ်ကာလအတွင်း လုပ်ငန်းများ အဆင်ပြေချောမွေ့စေရန်နှင့် အခက်အခဲများအား ပူးပေါင်းညှိနှိုင်းဆောင်ရွက်သွားကြရန်၊ လျာထား (၁၈၃) ဧကတွင် စပါး အထွက်နှုန်းကောင်းစေရန် မျိုးစေ့ချကိရိယာ (Drum Seeder) ဖြင့် စိုက်ပျိုးရန် စိုက်ပျိုးရေး ကြီးကြပ်ကော်မတီမှ ကွင်းဆင်းဆောင်ရွက်ပေးမည်ဖြစ်ကြောင်း စိုက်ပျိုးခြင်းနည်းပညာပေး ဟောပြောခဲ့ကြောင်း သိရှိရပါသည်။
DOCA (ရန်ကုန်)