စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄)ဦးတို့သည် (၁၁.၈.၂၀၂၅) ရက်နေ့ နေ့လည် (၁၂:၂၀) နာရီအချိန်တွင် မင်္ဂလာဒုံမြို့နယ်ရှိ စက်မှုဇုန်လုပ်ငန်းရှင်များ၏ လယ်ယာထွက်ကုန်ပစ္စည်း၊ တိရစ္ဆာန်ထွက်ပစ္စည်း၊ ရေထွက်ပစ္စည်း၊ သတ္ထုတွင်းထွက်ပစ္စည်း၊ သစ်တောထွက်ပစ္စည်းနှင့် စက်မှုကုန်ချောပစ္စည်းများ၏ (၂၀၂၄-၂၀၂၅) ဘဏ္ဍာနှစ် ပြည်ပသို့ ပို့ကုန်တင်ပို့နိုင်မှုအား စာရင်းကောက်ယူကွင်းဆင်းခြင်းများ ဆောင်ရွက်ခဲ့ ပါသည်။
ထိုသို့ကွင်းဆင်းစာရင်းကောက်ယူရာတွင် အမှတ်(၇)၊ ကျောင်းကြီး(၈)လမ်း၊ သင်္ဃန်းကျွန်း ကြီးရပ်ကွက်၊ မင်္ဂလာဒုံမြို့နယ်ရှိ Royal Aung Chan International Co.,Ltd မှ မန်နေဂျင်းဒါရိုက်တာဖြစ်သူနှင့်တွေ့ဆုံ၍ လယ်ယာထွက်ပစ္စည်းများဖြစ်သည့် ထုတ်ကုန်အမယ်ပြောင်း၏ တစ်နှစ်ထုတ် လုပ်နိုင်သည့်ပမာဏ၊ ပြည်ပသို့ တင်ပို့နိုင်သည့်တန်ချိန်၊ တန်ဖိုး၊ တင်ပို့သည့် နိုင်ငံတို့ကို မေးမြန်း၍ တင်ပို့မှုပုံစံသည် ပင်လယ်ရေကြောင်းမှ ကိုယ်တိုင်တင်ပို့ပါကြောင်း သိရှိရပါသည်။
DOCA (ရန်ကုန်)