(၈.၈.၂၀၂၅) ရက်နေ့၊ နေ့လယ် (၀၂:၂၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အမှတ် (၁၇၄/B-2) ဆိပ်ကမ်းသာလမ်း၊ ဇုန် (၄) လှိုင်သာယာမြို့နယ်ရှိ Mega Marine Frozen Seafood Co.,Ltd သို့ သွားရောက်၍ ပို့ကုန်အမယ် စာရင်းကောက်ခံခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ကွင်းဆင်းကောက်ခံရာတွင် Mega Marine Frozen Seafood Co.,Ltd ငါးအအေး ခန်းလုပ်ငန်းမှ ပိုင်ရှင်ဖြစ်သူ ဦးသူရကျော်နှင့်တွေ့ဆုံပြီး ၂၀၂၄-၂၀၂၅ ဘဏ္ဍာနှစ် ပြည်ပသို့ပို့ကုန် တင်ပို့မှုအား စာရင်းကောက်ယူရာ ရေထွက်ပစ္စည်းဖြစ်သည့် ငါးအမျိုးအစားများမှာ ငါးကြင်း၊ ငါးမြစ်ချင်း၊ ငါးသလောက်တို့၏ တစ်နှစ်ထုတ်လုပ်နိုင်မှု၊ တစ်နှစ်တင်ပို့မှုတန်ချိန်၊ တစ်နှစ်တင်ပို့မှုတန်ဖိုး၊ တင်ပို့သည့် နိုင်ငံတို့ကို မေးမြန်း၍ Export တင်ပို့ရာ၌ ကိုယ်တိုင်ပင်လယ်ရေကြောင်းမှ တင်ပို့ပါကြောင်း သိရှိရပါသည်။
DOCA (ရန်ကုန်)