အင်ဒိုနီးရှားနှင့် နယူးဇီလန်တို့သည် စိုက်ပျိုးရေးထုတ်ကုန်ပစ္စည်းများ အပြန်အလှန် ကုန်သွယ်မှုအားကောင်းရန် နားလည်မှုသဝဏ်လွှာ (MoU) လက်မှတ်ရေးထိုးခဲ့ကြောင်း သိရပါ သည်။ ထိုသဘောတူညီချက်ကို အင်ဒိုနီးရှားစိုက်ပျိုးမွေးမြူရေးဝန်ကြီး Andi Amran Sulaiman နှင့် နယူးဇီလန် စိုက်ပျိုးမွေးမြူရေး၊ သစ်တော၊ ကုန်သွယ်ရေးနှင့် ရင်းနှီးမြှုပ်နှံမှုဝန်ကြီး Todd McClay ကြား လက်မှတ်ရေးထိုးခဲ့ခြင်းဖြစ်ကြောင်း သိရပါသည်။ Sulaiman က ၎င်းတို့သည် နှစ်ဦးနှစ်ဖက်အဆင်ပြေသော MoU ကိုလက်မှတ်ရေးထိုးခဲ့ပြီး ကုန်သွယ်ရေးမျှချေကိုဖန်တီးနိုင်ခဲ့ ကြောင်းနှင့် စားအုန်ဆီစိမ်း၊ ရာဘာ၊ ကိုကိုးနှင့် ကော်ဖီတို့တင်ပို့ရန်တွန်းအားပေးသွားမည်ဖြစ် ကြောင်း ပြောကြားခဲ့ပါသည်။ နယူးဇီလန်သည် အင်ဒိုနီးရှားထံမှ တင်သွင်းမှုမြှင့်တင်ရန် စိတ်ဝင် စားလျှက်ရှိကြောင်း သိရပါသည်။ သဘောတူညီချက်တန်ဖိုးကို မဖော်ပြခဲ့သော်လည်း နယူးဇီလန်သည် အားကောင်းသောကုန်သွယ်ရေးမိတ်ဖက်ဖြစ်ကြောင်းနှင့် ကမ္ဘာလုံးဆိုင်ရာကုန်သွယ်ရေးနှင့် စီးပွားရေးမသေချာမှုများရှိနေမှုကြားတွင် ထိုပူးပေါင်းဆောင်ရွက်မှုသည် နှစ်နိုင်ငံလုံးအတွက် အပေါင်းလက္ခဏာဆောင်သောခြေလှမ်းတစ်ရပ်ဖြစ်ကြောင်း ပြောကြားခဲ့ပါသည်။ Mc Clay က ပူးပေါင်းဆောင်ရွက်မှုသည် နှစ်နိုင်ငံလုံးတွင် ထုတ်လုပ်နိုင်စွမ်းတိုးတက်ရန်အတွက် စိုက်ပျိုးရေး နည်းပညာဖလှယ်ရန်ဆောင်ရွက်ပေးနိုင်မည်ဖြစ်ကြောင်း၊ ၎င်းနှင့် Sulaiman သည် အစားအစာ ဖူလုံမှုမြှင့်တင်ရန်နှင့် ထုတ်လုပ်မှုမြင့်တက်ရန်အပေါ် အကြံဉာဏ်များနှင့် ဆန်းသစ်တီထွင်မှုများ မျှဝေခဲ့ကြောင်းနှင့် အင်ဒိုနီးရှားသည် နယူးဇီလန်၏အရေးပါသောကုန်သွယ်ရေးမိတ်ဖက် ဖြစ်ကြောင်း ပြောကြားခဲ့ပါသည်။
Antara News
DOCA (ရန်ကုန်)