အမေရိကန်ဒေါ်လာ သန်း ၅၀ ကျော်တန်ဖိုးရှိ အထူးစီးပွားရေးဇုန်သစ်ကို Preah Sihanouk ပြည်နယ်တွင် တည်ဆောက်မည်ဖြစ်ပြီး အလုပ်အကိုင် အခွင့်အလမ်း ၇,၀၀၀ အထိ ဖန်တီးပေးနိုင်ရန် မျှော်မှန်းထားကြောင်း Preah Sihanouk ပြည်နယ်၊ အုပ်ချုပ်ရေးအဖွဲ့မှ ၂၉-၇-၂၀၂၅ ရက်နေ့တွင် ကြေညာချက်တစ်ခု ထုတ်ပြန်ခဲ့သည်။ Golden Port SEZ Development Co.,Ltd မှ ရေးဆွဲထားသော အဆိုပါ စီမံကိန်းသည် မြေဧရိယာ ၂၀၆ ဟက်တာတွင်“ISI အထူးစီးပွားရေးဇုန်” ကို တည်ထောင်ရန် ရည်မှန်းထားသည်။ ၂၉-၇-၂၀၂၅ ရက်နေ့တွင် Sihanouk ပြည်နယ်၊ ဒုတိယအုပ်ချုပ်ရေးမှူး Long Dimanche က စီမံကိန်း၏ သဘာဝ ပတ်ဝန်းကျင် ထိခိုက်မှု အကဲဖြတ်ခြင်း (EIA) အစီရင်ခံစာ အပြည့်အစုံကို ပြန်လည်သုံးသပ်ရန်နှင့် မှတ်ချက်ပေးရန် ဝန်ကြီးဌာနများနှင့်အစည်းအဝေးကို ကျင်းပခဲ့ပြီး သဘာဝပတ်ဝန်းကျင် စီမံခန့်ခွဲမှုကို ဦးစားပေးလုပ်ဆောင်ရန်နှင့် အပျက်သဘောဆောင်သည့် အကျိုးသက်ရောက်မှု များကို လျှော့ချရန် ပြင်းထန်သော လျော့ပါးသက်သာရေး အစီအမံများကို အကောင်အထည်ဖော် ရန် သက်ဆိုင်သူအားလုံးကို တိုက်တွန်းခဲ့သည်။ အဆိုပါအစည်းအဝေးတွင် ဒုတိယ အုပ်ချုပ်ရေးမှူး Long Dimanche က ပြည်နယ်၏ တိုးချဲ့အခြေခံအဆောက်အအုံကွန်ရက်ကို အလေးပေး ပြောကြားခဲ့ပြီး ကုန်သွယ်ရေးနှင့် စက်မှုလက်မှုလုပ်ငန်းများအပြင်၊ Sihanoukville ပြည်နယ်သည် ၎င်း၏ ရိုးစင်းလှသောကမ်းခြေများနှင့် လှပသောကျွန်းများကြောင့် ခရီးသွားများ အတွက် ထင်ရှားသောနေရာတစ်ခုလည်းဖြစ်ကြောင်း ပြောကြားခဲ့သည်။ ကမ္ဘောဒီးယား-တရုတ် ကူးသန်းရောင်းဝယ်ရေးအသင်း (CCCA) ၏ ဒုတိယဥက္ကဋ္ဌ Lor Vichet က နိုင်ငံတော်အစိုးရသည် နိုင်ငံတစ်ဝှမ်း သတ်မှတ်ထားသော စီးပွားရေးဇုန်များအတွင်း စက်ရုံများ တည်ထောင်ခြင်းနှင့် စက်မှုလုပ်ငန်းများကို အားပေးသည့် မူဝါဒများကို ဆက်လက်မြှင့်တင်နေကြောင်း ပြောကြားခဲ့သည်။ ပြည်နယ်၏ မဟာဗျူဟာကျသော တည်နေရာသည် အထူးသဖြင့် ရေနက်ဆိပ်ကမ်းစက်ရုံများသို့ ဝင်ရောက်နိုင်ခြင်းကြောင့် သွင်းကုန်ပို့ကုန်လုပ်ငန်းများကို အာရုံစိုက် ရင်းနှီးမြှုပ်နှံသူများအတွက် အဓိကဦးတည်ရာ ဖြစ်လာစေသည်ဟု Vichet က ဆက်လက်ပြောကြားခဲ့သည်။ ကမ္ဘောဒီးယားနိုင်ငံသည် ၂၀၂၅ ခုနှစ် ပထမခြောက်လအတွင်း အထူးစီးပွားရေးဇုန်များအတွင်း ရင်းနှီးမြှုပ်နှံမှုစီမံကိန်း စုစုပေါင်း ၁၅၇ ခုရှိခဲ့ပြီး စက်မှုဖွံ့ဖြိုး တိုးတက်ရေးနှင့် အလုပ်အကိုင် ဖန်တီးရေးတွင် အထူးစီးပွားရေးဇုန်များ၏ ကြီးထွားလာနေသော အခန်းကဏ္ဍကို ထင်ဟပ်နေကြောင်း ကမ္ဘောဒီးယားနိုင်ငံ၊ ဖွံ့ဖြိုးတိုးတက်ရေးကောင်စီမှ အစီခံစာ ထုတ်ပြန်ထားသည်။
DOCA(ရန်ကုန်)