ဗီယက်နမ်လျှပ်စစ်ကားထုတ်လုပ်သူ VinFast သည် ၎င်းတို့၏ ညာမောင်း VF7 မော်ဒယ်ကို အင်ဒိုနီးရှားနိုင်ငံတွင် ဇူလိုင်လ ၂၃ ရက်နေ့က စတင်မိတ်ဆက်ခြင်းအခမ်းအနား ကျင်းပခဲ့ကြောင်း သိရပါသည်။ အခမ်းအနားတွင် VinFast အင်ဒိုနီးရှား၏ အထွေထွေညွှန်ကြားရေးမှူး Kariyanto Hardjosoemarto က VF 7 မိတ်ဆက်ရောင်းချခြင်းသည် အင်ဒိုနီးရှားတွင် ကုမ္ပဏီ၏ကြီးထွားမှုအတွက် သိသာထင်ရှားသောမှတ်တိုင်တစ်ခုဖြစ်ခဲ့ကြောင်းနှင့် ၎င်းသည် ထုတ်ကုန်တည်ရှိမှုကိုသာမက ကျယ်ပြန့်သောလျှပ်စစ်ကားဂေဟစနစ်တည်ဆောက်ရန်အတွက် ကုမ္ပဏီ၏ ကတိကဝတ်ရှိမှုကို ရောင်ပြန်ဟပ်ကြောင်း ပြောကြားခဲ့ပါသည်။ VF7 သည် ကောင်းမွန်သောဒီဇိုင်း၊ အဆင့်မြင့်နည်းပညာ၊ အားကောင်းသောစွမ်းရည်၊ လုံခြုံမှုမြင့်မားသော စံနှုန်းများနှင့် ယှဉ်ပြိုင်နိုင်စွမ်းရှိသောဈေးနှုန်းတို့ဖြင့် အင်ဒိုနီးရှားယာဉ်မောင်းနှင်မည့်သူများအတွက် ကောင်းမွန်သောစွမ်းရည်တို့ကို ပေးစွမ်းနိုင်မည်ဟု သိရပါသည်။ အပြည့်အဝအားသွင်းထားပါက ၄၇၁ ကီလိုမီတာထိမောင်းနှင်နိုင်စွမ်းရှိကြောင်း သိရပါသည်။ VinFast သည် ပထမဆုံး VF7 ကားများကို အင်ဒိုနီးရှားစားသုံးသူများထံ ယခုနှစ်နှောင်းပိုင်းတွင် စတင်ဖြန့်ချိရန် စီစဉ်ထားကြောင်း သိရပါသည်။ ထိုမော်ဒယ်၏ဈေးနှုန်းသည် အင်ဒိုနီးရှားဈေးကွက်တွင် ဆွဲဆောင်နိုင်စွမ်းနှင့် ယှဉ်ပြိုင်နိုင်စွမ်းကို ပိုင်ဆိုင်ထားကြောင်း သိရှိရပါသည်။
DOCA(ရန်ကုန်)
Vietnam Plus