ဧရာဝတီတိုင်းဒေသကြီး၊ ပုသိမ်ခရိုင် ငပုတောမြို့နယ် စားသုံးသူရေးရာဦးစီးဌာန မြို့နယ်ရုံးတွင် စားအုန်းဆီကိုယ်စားလှယ်များအား (၂၁.၇.၂၀၂၅)ရက်နေ့ ညနေ(၀၃:၀၀)နာရီအချိန်တွင် မြို့နယ်တာဝန်ခံ ဦးဇော်မင်းဦးမှ ခေါ်ယူတွေ့ဆုံ၍ မြို့နယ်ကုန်ဈေးနှုန်းတည်ငြိမ်ရေးအဖွဲ့၏ လမ်းညွှန်ချက်ဖြင့် စားသုံးသူပြည်သူများအား သက်သာသောဈေးနှုန်းဖြင့် ဆန်နှင့်ဆီများကို ဝယ်ယူရရှိနိုင်ရန်အတွက် ကိုယ်စားလှယ်များအား အပတ်စဉ်ရောင်းချပေးနိုင်ပါရန် ဆွေးနွေးပြောကြားခဲ့ပါသည်။
ထိုသို့တွေ့ဆုံဆွေးနွေးရာတွင် ဆီကိုယ်စားလှယ်များအား မိမိတို့အနေဖြင့် စားသုံးသူပြည်သူများသို့ သက်သာသောဈေးနှုန်းများဖြင့် ဆန်နှင့်ဆီများကို ကုန်ဈေးနှုန်းတည်ငြိမ်ရေးအဖွဲ့၏ လမ်းညွှန်ချက်ဖြင့် ရောင်းချပေးနိုင်ပါရန် ဆွေးနွေးပြောကြားခဲ့ပါသည်။ မိမိတို့ရောင်းချနေသော ဆိုင်များတွင်လည်း ခွဲတမ်းရရှိသောစားအုန်းဆီများအား သတ်မှတ်ရည်ညွှန်းဈေးဖြင့်သာရောင်းချကြရန်၊ ဗွီနိုင်းချိတ်ဆွဲထားရှိကြရန်၊ ဈေးနှုန်းမြှင့်တင်ရောင်းချခြင်းမရှိစေရန်၊ အလေးချိန်ပြည့်ဝမှန်ကန်စွာ ရောင်းချကြရန် စားအုန်းဆီကိုယ်စားလှယ်များအား ရှင်းလင်းဆွေးနွေး ပြောကြားခဲ့ပါသည်။
DOCA (ဧရာဝတီ)