၂၈-၇-၂၀၂၅ရက်နေ့တွင် သာစည်မြို့နယ် ၊ လှိုင်းတက်ကျေးရွာအုပ်စု၊ လှိုင်းတက်ကျေးရွာရှိ စည်သွပ်စက်ရုံသို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပြည်တောင်စု ဒုတိယဝန်ကြီး ဒေါက်တာအောင်ကြီးနှင့် တာဝန်ရှိသူများ ရောက်ရှိလာရာ တိုင်း/ခရိုင်/မြို့နယ်အဆင့် ဌာန ဆိုင်ရာ တာဝန်ရှိသူများ၊ Dagon International Co.ltdမှ ဒါရိုက်တာ ဦးသက်တင်နှင့် အဖွဲ့တို့မှ ကြိုဆိုခဲ့ကြပြီး၊ တွေ့ဆုံဆွေးနွေးပွဲပြုလုပ်ခဲ့ကြောင်း သိရှိရပါသည်။
အဆိုပါအခမ်းအနားတွင် Dagon International Co.ltdမှ ဒါရိုက်တာ ဦးသက်တင်မှ စည်သွပ် စက်ရုံလည်ပတ်ခဲ့မှု၊ လက်ရှိ ပြင်ဆင်ဆောင်ရွက်နေမှု၊ ကုန်ပစ္စည်းများထုတ်လုပ်မှု၊ ဖြန့်ဖြူးရောင်းချ မှု အခြေအနေများနှင့် တွေ့ကြုံနေရသည့် အခက်အခဲများအား ရှင်းလင်းတင်ပြခဲ့ရာ ပြည်ထောင်စု ဒုတိယဝန်ကြီးမှ ဖြည့်စွက်ဆွေးနွေးခဲ့ကြောင်း၊ စက်ရုံအား မူလအခြေအနေထက် ပိုမိုတိုးတက်အောင် ဆောင်ရွက်ရန်၊ စက်ရုံမှပစ္စည်းအမျိုးအစားအလိုက် ထုတ်လုပ်သော သီးနှံများကို ကိုယ်တိုင်စိုက်ပျိုး ထုတ်လုပ်နိုင်ရေးဆောင်ရွက်ရန်၊ တာဝန်ရှိသူများလာရောက်စစ်ဆေးရာတွင် မိမိတို့စက်ရုံ၏ ထုတ် လုပ်နိုင်စွမ်းကို သေချာစွာတင်ပြရန်၊ သစ်ပင်စိုက်ပျိုးမှုများကို လစဉ်စောင့်ကြပ်ကြည့်ရှု့လျက် ဖြစ်ထွန်းမှုအား စဉ်ဆက်မပြတ်တင်ပြရန်၊ စက်ရုံအနေဖြင့် စားသုံးသူများအကြိုက် ပစ္စည်းများ ထုတ်လုပ်ရန် လိုအပ်ပြီးဈေးကွက်ချဲ့ထွင်ခြင်းများ ပြုလုပ်ရန်၊ သက်ဆိုင်ရာဌာနများမှလည်း ကြီးကြပ် ဆောင်ရွက်သွားရန်တို့ကို လမ်းညွှန်မှာကြားခဲ့ပြီး စက်ရုံအတွင် လှည့်ပတ်ကြည့်ရှု့ စစ်ဆေး ခဲ့ကြောင်း သိရှိရပါသည်။
DOCA(မန္တလေး)