အမေရိကန်-အိန္ဒိယတို့သည် နယူးဒေလီမြို့၌ “တစ်ပတ်တာ နိုင်ငံတကာအဆင့်ဆွေးနွေးပွဲ” ကို ၂၀၂၅ ခုနှစ် ဇွန်လ (၄) ရက်နေ့မှ (၁၀) ရက်နေ့အထိ ဆောင်ရွက်ခဲ့ကြပါသည်။ အဆိုပါဆွေးနွေးပွဲတွင် အမေ ရိကန်နှင့် အိန္ဒိယတို့သည် Genetically Modified Organism (GMO) စနစ် ဖြင့် ထုတ်လုပ်သည့် ပြောင်းဖူး နှင့် ဖရဲပဲများအပေါ် ကုန်သွယ်ရေးသဘောတူစာချုပ် ချုပ်ဆိုရာတွင် အခွန်လျှော့ချမှုအပေါ် အမြင်ကွဲပြားမှုများ ဖြစ်ပေါ်လာခဲ့သဖြင့် ဆွေးနွေးမှုအား ခေတ္တရပ်နားခဲ့ရကြောင်း သိရှိရပါသည်။
Genetically Modified Organism (GMO) စနစ်ဆိုသည်မှာ သီးနှံများကို မြေပေါ်တွင် သဘာဝအတိုင်း စိုက်ပျိုးခြင်းမရှိဘဲ လူသားများက သိပ္ပံနည်းပညာများကို အသုံးပြု၍ သီးနှံများကို မျိုးရိုးဗီဇ ပြောင်းလဲကာ စိုက်ပျိုးသည့် စနစ်ဖြစ်ပါသည်။ အဆိုပါ (GMO)စနစ်ဖြင့် စိုက်ပျိုးထားသော ပြောင်းနှင့် ဖရဲ တို့မှာ အရည်သွေးကောင်းလှသဖြင့် အိန္ဒိယနိုင်ငံသို့ တင်သွင်းရာတွင် အခွန်လျှော့ပေါ့ပေးရန်အတွက် အမေရိကန်တို့ဘက်မှ စတင်တောင်းဆိုခဲ့ပါသည်။ သို့သော် အိန္ဒိယနိုင်ငံအနေဖြင့် GM ထုတ်ကုန်များသည် လူ့ကျန်းမာရေးနှင့် သဘာဝပတ်ဝန်းကျင်ကို အန္တရာယ်ဖြစ်စေနိုင်သည်ဟု ယူဆသဖြင့် အခွန်လျှော့ပေးခြင်းများကို အိန္ဒိယတို့ဘက်မှ ငြင်းပယ်ခဲ့ခြင်းဖြစ်ပါသည်။ ကုန်သွယ်ရေးဆွေးနွေးပွဲအား ခေတ္တရပ်ဆိုင်း ခဲ့ရသော်လည်း နှစ်နိုင်ငံအကြား ယုံကြည်မှုကောင်းများရှိနေသည့်အတွက် ကုန်သွယ်ရေးဆွေးနွေးမှုအား ဆက်လက်ဆောင်ရွက် သွားမည်ဖြစ်ကြောင်း နိုင်ငံတကာ သတင်းများအရ သိရှိရပါသည်။
DOCA(ဧရာဝတီ)