EU နိုင်ငံသည် ကမ္ဘာပတ်ဝန်းကျင်ကိုထိန်းသိမ်းနိင်ရန် ရည်ရွယ်၍ “အစိမ်းရောင်ကုန်သွယ်မှု” (Green Trade) ကုန်သွယ်မှုစနစ်အတွက် စည်းမျဉ်းအသစ်များကို ပြဌာန်းနိုင်ရန်အတွက် ပြင်ဆင် နေကြောင်း သိရှိရပါသည်။
အဆိုပါ “အစိမ်းရောင်ကုန်သွယ်မှု” (Green Trade) ကုန်သွယ်မှုစနစ်၏ စည်းမျဉ်းများကြောင့် အိန္ဒိယနိုင်ငံမှ EU နိုင်ငံသို့ တင်ပို့ကုန်ဖြစ်တဲ့ ခဲ နှင့် သံသတ္တုများ တင်ပို့ရာတွင် အခက်အခဲများ မရှိစေရန်အတွက် အိန္ဒိယအစိုးရသည်အဲဒီထုတ်ကုန်တွေရဲ့ စနစ်တကျထုတ်လုပ်မှု၊ သန့်ရှင်းမှုစံချိန်စံညွှန်းတွေ ပြင်ဆင်ပေးဖို့ တာဝန်ရှိတဲ့ အဖွဲ့အစည်းတွေနဲ့ ပူးပေါင်းပြီး ကြိုတင်ပြင်ဆင်နေတာပဲ ဖြစ်ပါသည်။ ထို့အပြင် EU နဲ့ အိန္ဒိယအကြား ဆွေးနွေးနေတဲ့ FTA (အခွန်လွှတ်ကုန်သွယ်ရေးသဘောတူညီချက်) ထဲမှာလည်း ဒီစည်းမျဉ်းအသစ်တွေအပေါ် တုံ့ပြန်နိုင်အောင် စကားဝိုင်းအဆင့်အနေဖြင့် အိန္ဒိယအစိုးရမှ ကြိုးပမ်း ဆောင်ရွက်သွားမှာဖြစ်ကြောင်း နိုင်ငံတကာသတင်းများအရ သိရှိရပါသည်။
DOCA(ဧရာဝတီ)