အင်ဒိုနီးရှားနိုင်ငံ အပန်းဖြေကျွန်းဖြစ်သော ဘာလီကျွန်းရှိ Benoa ဆိပ်ကမ်းတွင် ယခုနှစ် ပထမနှစ်ဝက်အတွင်း နိုင်ငံခြားသားခရီးသွား ၅၀၀၀၀ ကျော် တင်ဆောင်လာသည့် အပျော်စီး သင်္ဘော ၃၈ စင်း ဆိုက်ကပ်ခဲ့ကြောင်း အကြီးတန်းအရာရှိတစ်ဦးက ဇွန်လ ၁၈ ရက်နေ့တွင် ပြောကြားခဲ့သည်။ ၂၀၂၄ ခုနှစ်အတွင်း ဆိပ်ကမ်းသို့ အပျော်စီးသင်္ဘော ၅၉ စင်းဖြင့် လာရောက် လည်ပတ်ခဲ့ပြီး နိုင်ငံခြားခရီးသွားဦးရေ ၁၀၃၀၀၀ ခန့်လာရောက်လည်ပတ်ခဲ့ကြောင်း သိရသည်။ ထိုကိန်းဂဏန်းများသည် အဏ္ဏဝါခရီးသွားကဏ္ဍ ပြန်လည်ရှင်သန်မှုတွင် အပြုသဘောဆောင် သော လမ်းကြောင်းအား ထင်ဟပ်စေကြောင်း ဘာလီ၊ Denpasar ရှိ နိုင်ငံပိုင်ကုမ္ပဏီ PT Pelabuhan Indonesia ၏ Bali နှင့် Nusa Tenggara ဒေသခွဲရုံးအကြီးအကဲ Fariz Hariyoso က ပြောကြားခဲ့သည်။ နိုင်ငံတကာ အပျော်စီးသင်္ဘောလုပ်ငန်း လုပ်ကိုင်သူ အများအပြားသည် ၎င်းတို့၏ ဆိုက်ကပ်သည့် နေရာများထဲမှ တစ်ခုအဖြစ် Benoa ဆိပ်ကမ်းကို ရွေးချယ်ရာတွင် ဘာလီ၏ အချက်အပြုတ်၊ လက်မှုပညာနှင့် ခရီးသွားဝန်ဆောင်မှု ကဏ္ဍများတွင် အသေးစားနှင့် အလတ်စားလုပ်ငန်းများအတွက် စီးပွားရေးအခွင့်အလမ်းများ ပွင့်လာခဲ့ကြောင်း အဆိုပါ တာဝန် ရှိသူက ဆိုသည်။
DOCA(ရန်ကုန်)