၂၀၂၅ ခုနှစ်မေလတွင် ဟွန်ဒါဗီယက်နမ်သည် မော်တော်ဆိုင်ကယ်နှင့် ကားရောင်းချမှု ကဏ္ဍ ၂ ခုလုံးတွင် သိသာစွာအားကောင်းခဲ့ပြီး ၂၀၂၄ ခုနှစ် မေလနှင့်နှိုင်းယှဉ်ပါက ၈.၂ ရာခိုင်နှုန်း နှင့် ၂၅.၉ ရာခိုင်နှုန်း အသီးသီးမြင့်တက်ခဲ့ကြောင်း သိရပါသည်။ မေလတွင် ကုမ္ပဏီသည် မော်တော်ဆိုင်ကယ်အစီးရေ ၁၇၆၈၇၈ စီးရောင်းချခဲ့ရပြီး ယခုနှစ်ဘဏ္ဍာနှစ်အတွက် စုစုပေါင်း ရောင်းချရမှုမှာ အစီးရေ ၃၄၇၈၆၄ စီးထိရောက်ရှိခဲ့ပြီး ၂၀၂၄ ခုနှစ် တူညီသည့်ကာလနှင့်နှိုင်းယှဉ် ပါက ၇.၅ ရာခိုင်နှုန်းမြင့်တက်ခဲ့ကြောင်း သိရပါသည်။ ထို့ပြင်မေလတွင် ကုမ္ပဏီသည် မော်တော် ဆိုင်ကယ်အစီးရေ ၁၆၁၂၈ စီးတင်ပို့ခဲ့ကြောင်း သိရပါသည်။ မော်တော်ကားကဏ္ဍတွင်လည်း ဟွန်ဒါဗီယက်နမ်သည် မေလတွင် ကားအစီးရေ ၁၄၈၄ စီးရောင်းချခဲ့ရပြီး ၂၀၂၄ ခုနှစ်မေလနှင့် နှိုင်းယှဉ်ပါက ၂၅.၉ ရာခိုင်နှုန်းမြင့်တက်ခဲ့ကြောင်း သိရပါသည်။ ယခုဘဏ္ဍာနှစ်အတွက် စုစုပေါင်း ကားရောင်းချရမှုမှာ အစီးရေ ၃၆၂၆ စီးထိရောက်ရှိခဲ့ပြီး ၂၁.၆ ရာခိုင်နှုန်းမြင့်တက်ခဲ့ကြောင်း သိရ ပါသည်။ ကုမ္ပဏီက ထိုအပေါင်းလက္ခဏာဆောင်သောစွမ်းဆောင်ရည်သည် စားသုံးသူဦးစားပေး နှစ်သက်မှုနှင့်ချိန်ညှိသည့်ထုတ်ကုန်မဟာဗျူဟာ၊ ကျယ်ပြန့်သောဖြန့်ဖြူးရေးကွန်ယက်နှင့် ရောင်းချပြီးဝန်ဆောင်မှုများမြှင့်တင်မှုကြောင့်ဖြစ်ကြောင်း ပြောကြားခဲ့ပါသည်။ ဟွန်ဒါဗီယက်နမ် သည် ထုတ်ကုန်အရည်အသွေးထိန်းသိမ်းခြင်း၊ နည်းပညာဆန်းသစ်တီထွင်ခြင်းနှင့် ဈေးကွက် ယှဉ်ပြိုင်နိုင်စွမ်းတိုးမြှင့်ရာတွင် စဉ်ဆက်မပြတ်ကြီးထွားရန်အတွက် စားသုံးသူနှင့်ချိတ်ဆက် ဆောင်ရွက်ခြင်းတို့ကို အသားပေးဆောင်ရွက်လျှက်ရှိကြောင်း သိရပါသည်။ ရှေ့ဆက်၍လည်း ဟွန်ဒါဗီယက်နမ်သည် ၎င်းတို့၏လုပ်ငန်းစဉ်များကို အကောင်းမွန်ဆုံးဖြစ်ရန်ဆောင်ရွက်ရန်၊ ထုတ်ကုန်များဖွံ့ဖြိုးတိုးတက်ရန်နှင့် ဗီယက်နမ်၏ ကားနှင့်မော်တော်ဆိုင်ကယ်လုပ်ငန်းများဖွံ့ဖြိုး တိုးတက်ရေးတွင် ပူးပေါင်းပါဝင်ရန် ရည်ရွယ်ထားကြောင်း သိရှိရပါသည်။
Vietnam Plus
DOCA (ရန်ကုန်)