“ခရမ်းမြို့နယ်တွင် ၂၀၂၅ ခုနှစ် မိုးရာသီစုပေါင်းသစ်ပင်စိုက်ပျိုးပွဲကျင်းပခြင်း”

            ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်း ၂၀၂၅ခုနှစ် ပတ်ဝန်းကျင် စိမ်းလန်းစိုပြေရေး၊ သဘာဝပတ်ဝန်းကျင် ထိန်းသိမ်းနိုင်ပြီး သာယာလှပစေရေးနှင့် ရာသီဥတု များကောင်းမွန်စေရန် ရည်ရွယ်၍ ၂၀၂၅ ခုနှစ် မိုးရာသီစိုက်ပျိုးပွဲတော်ကို မြို့နယ်စီမံအုပ်ချုပ်ရေး အဖွဲ့၏ ဦးဆောင်မှု၊ သစ်တောဦးစီးဌာန၊ လမ်းဦးစီးဌာနတို့၏ ပံ့ပိုးကူညီမှုဖြင့် မြို့နယ်ဌာန ဆိုင်ရာများ ပူးပေါင်း၍ ခရမ်းမြို့နယ် ခရမ်း-မောင်းမ ကားလမ်းမဘေးတွင် ဇွန်လ (၁၇)ရက်နေ့၊ နံနက် (၀၈:၀၀)နာရီအချိန်တွင် စုပေါင်းသစ်ပင်စိုက်ပျိုးခဲ့ကြောင်း သိရှိရပါသည်။

              ရှေးဦးစွာ ခရမ်းမြို့နယ် သစ်တောဦးစီးဌာန တောအုပ်ကြီး ဦးစိုးမြင့်က မြို့နယ်အထွေ ထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးအောင်ရဲထံသို့ မန်ဂျန်ရှားပျိုးပင်(၅၀၀)ပင် အားပေးအပ်ပြီးနောက် မြို့နယ်စီမံအုပ်ချုပ်ရေးအဖွဲ့များ၊ မြို့နယ်ဌာနဆိုင်ရာ တာဝန်ရှိသူများ၊ မြို့နယ်သစ်တောဦးစီးဌာနမှ ဝန်ထမ်းများ၊ မြို့နယ်အမျိုးသမီးရေးရာ ဥက္ကဌနှင့် အဖွဲ့ဝင်များ၊ မြို့နယ်မိခင်နှင့်ကလေး စောင့်ရှောက်ရေးအသင်းအဖွဲ့များ၊ မြို့နယ်စားသုံးသူရေးရာဦးစီးဌာနမှ ဝန်ထမ်းများနှင့် ပြည်သူများက လမ်းဘေးဝဲယာများတွင် စုပေါင်း၍ ပျိုးပင်များအား စိုက်ပျိုးခဲ့ ကြကြောင်း သိရှိရပါသည်။

DOCA(ရန်ကုန်)