Uganda ၏ vanilla တင်ပို့မှုသည် ၂၀၂၄ ခုနှစ်တွင် ဝင်ငွေနှစ်ဆကျော် အမေရိကန် ဒေါ်လာ ၁၆.၆ သန်းရရှိခဲ့ကြောင်း အာဏာပိုင်များက ဇွန်လ ၁၇ ရက်နေ့တွင် ထုတ်ပြန်ကြေညာ ခဲ့သည်။ ယူဂန်ဒါသည် ၂၀၂၄ ခုနှစ်တွင် vanilla တန်ချိန် ၆၀၄ တင်ပို့ခဲ့ပြီး ယခင်နှစ်က ၂၆၆ မက်ထရစ်တန်ထက် မြင့်တက်လာခဲ့ကြောင်း စိုက်ပျိုးရေး၊ တိရစ္ဆာန်လုပ်ငန်းနှင့် ငါးလုပ်ငန်းဆိုင် ရာ ပြည်နယ်ဝန်ကြီး Fred Bwino Kyakulaga က အရှေ့အာဖရိကနိုင်ငံမြို့တော် ကမ်ပါလာတွင် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။ vanilla သည် ယူဂန်ဒါ၏ အလား အလာအရှိဆုံး တန်ဖိုးမြင့် ပို့ကုန်သီးနှံများထဲမှ တစ်ခုဖြစ်သည်။ ၂၀၂၄ ခုနှစ်တွင် စံချိန်တင် တင်ပို့ မှုမှာ ကဏ္ဍတွင် ယုံကြည်မှု တိုးမြင့်လာကာ ယခုအခါ ကျွမ်းကျင်ပိုင်နိုင်မှု၊ စည်းမျဉ်းစည်းကမ်း နှင့် ဗျူဟာမြောက် မိတ်ဖက်များ တိုးမြှင့်ခြင်းတို့ကြောင့် ပိုမိုတင်ပို့မှုမြင့်တက်လာမည်ဟု လောင်း ကြေးထပ်ကြောင်း Kyakulaga က ပြောကြားခဲ့သည်။ဝန်ကြီး၏အဆိုအရ Uganda သည် ကမ္ဘာ့ ဒုတိယအကြီးဆုံး vanilla ထုတ်လုပ်သူအဖြစ် ဒုတိယနှစ်ဆက်တိုက် ရပ်တည်ခဲ့သည်။ တင်ပို့မှု တိုးတက်နေသော်လည်း အချိန်မတန်မီ ရိတ်သိမ်းခြင်း၊ ရိတ်သိမ်းပြီးနောက်ပိုင်း ကိုင်တွယ်မှု ညံ့ဖျင်းခြင်း၊ ခိုးယူခြင်း၊ ခွင့်ပြုချက်မရှိဘဲ ပြုပြင်ခြင်း၊ တရားမဝင် ကုန်သွယ်မှုနှင့် အစောပိုင်း ဖွံ့ဖြိုးတိုးတက်မှု အဆင့်များတွင် သီးနှံစီမံခန့်ခွဲမှု မလုံလောက်ခြင်းတို့ အပါအဝင် စိန်ခေါ်မှုများစွာ ကို ရင်ဆိုင်နေရဆဲဖြစ်ကြောင်း Kyakulaga မှ မှတ်ချက်ပြုခဲ့သည်။ ယူဂန်ဒါ၏ vanilla တင်ပို့ မှု အများစုသည် အမေရိကန်၊ ပြင်သစ်နှင့် ဂျာမနီတို့အတွက် ဦးတည်နေကြောင်း ဝန်ကြီးဌာ၏ ထုတ်ပြန်ချက်အရသိရသည်။
DOCA(ရန်ကုန်)