မြင်းခြံခရိုင်စားသုံးသူရေးရာဦးစီးဌာနရှိ စစ်ဆေးရေးအရာရှိများအနေဖြင့် ၉-၆-၂၀၂၅ နေ့ နံနက်(၁၀:၃၀)နာရီအချိန်တွင် မြင်းခြံမြို့၊ အမှတ်(၁)ရပ်ကွက်ရှိ ရွှေမိသားစု စတိုးဆိုင်သို့ ဈေးကွက်စောင့်ကြည့်စစ်ဆေးခဲ့ပြီး မွန်းလွဲ(၁၃:၀၀)နာရီအချိန်တွင် မြို့မစည်ပင်သာယာဈေးကြီး အတွင်းရှိ ကျေးမင်းကုန်မျိုးစုံရောင်းဝယ်ရေးသို့ ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြောင်း သိရှိရသည်။
ထိုသို့ကွင်းဆင်းဆောင်ရွက်ရာတွင် စားသုံးသူပြည်သူများ ကုန်အညွှန်းအမှတ်အသား ပြည့်စုံသော ကုန်စည်များကို စိတ်ချစွာဝယ်ယူစားသုံးနိုင်ကြစေရန်၊ စားသုံးသူများ ဘေးအန္တရာယ် ကင်းရှင်းစေရန်၊ စိတ်ကျေနပ်မှုရှိစေရန်၊ အရည်အသွေးကောင်းပြီး အာမခံချက်ပေးနိုင်သည့် ကုန်စည်နှင့်ဝန်ဆောင်မှုများအား ရွေးချယ်သုံးစွဲနိုင်စေရန်၊ တိကျမှန်ကန်ရှင်းလင်းသော သတင်း အချက်အလက်များ သိရှိစေရန်၊ စီးပွားရေးလုပ်ငန်းရှင်များအနေဖြင့် ကုန်စည်များကို ထုတ်လုပ် ဖြန့်ဖြူးရောင်းချလျှင် ကုန်အညွှန်းအမှတ်အသားများနှင့်ပတ်သက်၍ ကုန်စည်အမျိုးအစား အလိုက် သတ်မှတ်ချက်များနှင့်အညီ မြန်မာဘာသာဖြင့်ဖော်ပြရမည့်အချက်များ ပြည့်စုံစွာဖော်ပြ ပါရှိသည့် ကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေအား သိရှိလိုက်နာ ဆောင်ရွက်ရန် အသိပညာပေးခြင်းတို့ဆောင်ရွက်ခဲ့ပြီး ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ ကြောင်း သိရှိရသည်။
DOCA(မန္တလေး)