ဂျပန်ရင်းနှီးမြှုပ်နှံသူများ၊ ကုန်သွယ်ရေးအဖွဲ့အစည်းများနှင့် စီးပွားရေးသုတေသနအသင်းများနှင့် တွေ့ဆုံခဲ့သည့်ကမ္ဘောဒီးယားဝန်ကြီးချုပ်

            ကမ္ဘောဒီးယားဝန်ကြီးချုပ် Hun Manet သည် ၎င်း၏မေလ ၂၈ ရက်နေ့မှ ၃၁ ရက်နေ့အထိ ဂျပန်သို့တရားဝင်အလည်အပတ်ခရီးစဉ်အတွင်း ဂျပန်ရင်းနှီးမြှုပ်နှံသူများ၊ ကုန်သွယ်ရေး အဖွဲ့အစည်းများ၊ စီးပွားရေးသုတေသန အသင်းများနှင့် သီးခြားအစည်းအဝေးများ ကျင်းပခဲ့ ကြောင်း သိရပါသည်။ YACHITO Engineering Co.,Ltd ၏ဥက္ကဌ Demizu Shigemitsu နှင့် ၎င်း ၏ကိုယ်စားလှယ်အဖွဲ့သည် ကမ္ဘောဒီးယားနိုင်ငံ Preah Sihanouk ပြည်နယ်တွင် ရေဆိုး စီမံ ခန့်ခွဲမှု၌ ရင်းနှီးမြှုပ်နှံမှုတိုးချဲ့ရန် ၎င်းတို့၏စိတ်ဝင်စားမှုကို Hun Manet အားပြောကြားခဲ့ကြောင်း သိရပါသည်။ ဥက္ကဌ၏အဆိုအရ ကုမ္ပဏီသည် ရေဆိုးကြောင့်ဖြစ်သောရောဂါများကို ဖြေရှင်းရန် ခေတ်မီနည်းပညာများကို အသုံးပြုသွားမည်ဖြစ်ပြီး စမတ်မြို့တော်တည်ထောင်ခြင်းနှင့် အများ ပြည်သူကျန်းမာရေးမြှင့်တင်ရေးတွင် ပါဝင်ပံ့ပိုးပေးသွားမည်ဟု သိရပါသည်။ Shinto Holdings Inc., ၏ ဥက္ကဌ Minghui နှင့် အစည်းအဝေးတွင် ၎င်းက သဘာဝပတ်ဝန်းကျင်ကိစ္စများကို ဖြေရှင်းရန် AI နည်းပညာအသုံးပြုမှုကို အဓိကထားသော ရင်းနှီးမြှုပ်နှံမှုအခွင့်အလမ်းများကို ရှာဖွေရန်အစီအစဉ်ကို ဝန်ကြီးချုပ်အား တင်ပြခဲ့ကြောင်း သိရပါသည်။ အခြားအစည်းအဝေး တစ်ခုတွင် ဂျပန်ပြင်ပကုန်သွယ်ရေးအဖွဲ့အစည်း၏ ဥက္ကဌနှင့် CEO ဖြစ်သူ Ishiguro Norihiko က ၎င်း၏အဖွဲ့အစည်းသည် ကမ္ဘောဒီးယားတွင် ရင်းနှီးမြှုပ်နှံမှုအခွင့်အလမ်းများကို ရှာဖွေရန် အတွက် လာရောက်လည်ပတ်ရန်အစီအစည်ရှိကြောင်း ပြောကြားခဲ့ပါသည်။ အာဆီယံနှင့် အရှေ့ အာရှအတွက် စီးပွားရေးသုတေသနအသင်း၏ ဥက္ကဌဖြစ်သူ ပရော်ဖက်စာ Watanabe Tetsuya က ကမ္ဘောဒီးယားတွင်အထူးစီးပွားရေးဇုန်များပြင်ဆင်ရန်အတွက် ၎င်း၏အသင်း၏လေ့လာမှုများ၏ နောက်ဆုံးအခြေအနေကို အသားပေးပြောကြားခဲ့ကြောင်း သိရပါသည်။ Hun Manet က ကမ္ဘောဒီးယားနိုင်ငံ၏ စီးပွားရေးနှင့်ကုန်သွယ်ရေးဖွံ့ဖြိုးတိုးတက်ရေးတွင် ပူးပေါင်းပါဝင်ပေးမည့် နိုင်ငံတွင်းရင်းနှီးမြှုပ်နှံမှုများ အားလုံးအတွက် အပြည့်အဝပံ့ပိုးပေးသွားမည်ဟုပြောကြားခဲ့ကြောင်း သိရပါသည်။

Khmer Times 

DOCA (ရန်ကုန်)