ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာန၊ ဓနုဖြူမြို့တာဝန်ခံသည် မြို့နယ်အတွင်းရှိ ဆီစက်လုပ်ငန်းများဖွံဖြိုးတိုးတက်ရေး၊ ကြိတ်ခွဲသော မြေပဲဆီ၊ နေကြာဆီ အစရှိသော ဒေသတွင်းဖူလုံမှုအပြင် ပိုလျှံသည်အထိ ကြိတ်ခွဲထုတ်လုပ် ဆောင်ရွက်သွားနိုင်ရေး၊ ပြည်တွင်း၌ ဆီထွက်သီးနှံများ ပိုမိုစိုက်ပျိုးထုတ်လုပ်လာစေရေးနှင့် ဆီစက်လုပ်ငန်းများ ဖွံ့ဖြိုးတိုးတက်လာစေရေးရည်ရွယ်၍ (၂.၆.၂၀၂၅)ရက်နေ့၊ နံနက်(၁၀:၀၀) နာရီအချိန်တွင် မြို့ပေါ်ရှိ ၂ရပ်ကွက်ရှိ ရွှေသရဖူ ဆီစက်သို့ ကွင်းဆင်း စစ်ဆေးဆောင်ရွက်ခဲ့ကြောင်း သိရသည်။
အဆိုပါ ကွင်းဆင်းစစ်ဆေးရာတွင် ဦးဝင်းမင်းစိုး မြို့နယ်ဦးစီးမှူးက ဆီစက်လုပ်ငန်းရှင်များအား ဆီစက်များ အမှန်တကယ် လည်ပတ်ခြင်းရှိ/ မရှိကို စစ်ဆေးခြင်း၊ လုပ်ငန်းလိုင်စင်ရှိ/ မရှိ၊ စားသုံးဆီ ထုတ်လုပ်ရောင်းချရာတွင် ကုန်ကြမ်းမှကုန်ချောသို့ ရောက်ရှိပုံအဆင့်ဆင့် အခြေအနေ များ၊ ထွက်ရှိသော ဆီများ ဈေးကွက်ဖြန့်ဖြူး ရောင်းချနေမှုအခြေအနေများ၊ ထုတ်လုပ်သည့်စားသုံးဆီများ စျေးကွက်သို့ရောင်းချရာတွင် သတ်မှတ်ထားသော ကုန်အညွှန်းအမှတ်အသားများဖော်ပြထားရှိမှုနှင့် ကုန်စည်အပေါ် အာမခံချက်ပေးထားခြင်းများအတွက် ဆွေးနွေးခဲ့ပြီးနောက် ဆီထုတ်လုပ်နေမှုနှင့် ထုတ်ပိုးနေမှုများအား ကြည့်ရှုစစ်ဆေးခဲ့ပြီး ဆီစက်များတွင် လက်ရှိ (၁)နာရီလျှင် ကုန်ကြမ်းနေကြာ (၄)တင်းနှုန်း ကြိတ်ခွဲနိုင်ပြီး တစ်နေ့ကို (၆)နာရီသာကြိတ်ခွဲ၍ (၂၄)တင်းနှုန်း ကြိတ်ခွဲလျက်ရှိကြောင်း၊ နေကြာတစ်တင်းကို ၃ ပိဿာခန့်ထွက်ရှိပြီး တစ်နေ့ (၇၂)ပိဿာကြိတ်ခွဲနိုင်ပြီး ဖြန့်ဖြူးရောင်းချလျက်ရှိကြောင်း၊ စားသုံးသူပြည်သူများ လူတန်းစားမရွေး စားသုံးနိုင်ရန် လက်ရှိနေကြာဆီဈေးနှုန်းမှာ (၁)ပိဿာလျှင် ကျပ်(၁၈၀၀၀)ဖြင့် ရောင်းချပေးလျက်ရှိကြောင်း သိရှိရပါသည်။
DOCA(ဧရာဝတီ)