စားသုံးသူရေးရာဦးစီးဌာန၊ မကွေးမြို့နယ်တာဝန်ခံသည် (၂၃.၄.၂၀၂၅)ရက်နေ့၊ နံနက် (၀၈:၀၀)နာရီအချိန်တွင် မကွေးမြို့၊ မြို့မစျေး၌ ရောင်းချလျက်ရှိသော ကုန်စည်များအား နမူနာဝယ်ယူပြီး Mobile Lab Van ဖြင့် ရှောင်တခင်စစ်ဆေးခြင်းကို အစားအသောက်နှင့် ဆေးဝါးကွပ်ကဲရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့နှင့် အထွေထွေအုပ်ချုပ် ရေးဦးစီးဌာနတို့နှင့် ပူးပေါင်းပြီး ဆောင်ရွက်ခဲ့ကြောင်း သိရှိရသည်။
ထိုသို့ နမူနာဝယ်ယူခဲ့သော ပိတ်ဆွယ်၊ ပိန္နဲသီးစိမ်၊ ငပိ၊ ငပိထောင်း၊ ကြက်အူချောင်း၊ မျှစ်၊ ချင်းပေါက်၊ အသားတု၊ အရောင်တင်မှုန့်နှင့် ငရုပ်သီးမှုန့်တို့အနက် ပိန္နဲသီးစိပ်၊ ကြက်အူချောင်း၊ ချင်းပေါက်နှင့် အသားတုတို့အား Mobile Lab Van ဖြင့် ချက်ချင်းစစ်ဆေးခဲ့ရာ အစားအသောက်များတွင် သုံးစွဲရန်မသင့်သော တာရှည်ခံဆေးနှင့် ချွတ်ဆေးများ သုံးစွဲထားခြင်းမရှိကြောင်းနှင့် ကျန်ရှိသော ငပိ၊ ငပိထောင်း၊ မျှစ်၊ အရောင်တင်မှုန့်နှင့် ငရုပ်သီးမှုန့်တို့အား အစားအသောက်နှင့် ဆေးဝါးကွပ်ကဲရေးဦးစီးဌာနပိုင် ဓါတ်ခွဲခန်းသို့ ယူဆောင်စစ်ဆေးပြီး စားသုံးရန်မသင့်သော ဆိုးဆေးများပါဝင်ကြောင်း စစ်ဆေးတွေ့ရှိပါက ထုတ်လုပ်သူလုပ်ငန်းရှင်များအား ဥပဒေအရ အရေးယူဆောင်ရွက်သွားမည်ဖြစ်ကြောင်း သိရှိရပါသည်။
DOCA(မကွေး)