ကမ္ဘောဒီးယားနိုင်ငံဖွံ့ဖြိုးတိုးတက်ရေးကောင်စီ (CDC) သည် အမေရိကန်ဒေါ်လာ ၃၁၈ သန်းတန်ကြေးရှိသော ရင်းနှီးမြှုပ်နှံမှုစီမံကိန်း ၁၃ ခုကို ပြန်လည်ဆန်းစစ်ရန် one-stop service အစည်းအဝေးကျင်းပခဲ့ကြောင်း သိရပါသည်။ မေလ ၁၂ ရက်နေ့က ဖနွမ်းပင်မြို့တွင် CDC ၏ ကမ္ဘောဒီးယားရင်းနှီးမြှုပ်နှံမှုဘုတ်အဖွဲ့ (CIB) ၏ အတွင်းရေးမှူးချုပ်ဖြစ်သူ Chea Vuthy ကကြီးမှူးကျင်းပခဲ့သည့် ထိုအစည်းအဝေးကို သက်ဆိုင်ရာဝန်ကြီးဌာနများ၊ အဖွဲ့အစည်းများနှင့် ပြည်နယ်အုပ်ချုပ်ရေးအဖွဲ့များမှ တာဝန်ရှိသူများ တက်ရောက်ခဲ့ကြောင်း သိရပါသည်။ စီမံကိန်း ထဲမှ တစ်ခုမှာ Kampot ပြည်နယ်ရှိ သတ္တုရိုင်းစီးပွားရေးတိုးချဲ့မည့်အဆိုပြုချက်ဖြစ်ကြောင်း သိရ ပါသည်။ အခြားစီမံကိန်းများမှာ ကမ္ဘောဒီးယား၏ Kandal၊ Kampong Speu၊ Takeo၊ Kampot နှင့် Mondulkiri ပြည်နယ်များတွင် လုပ်ငန်းဆောင်ရွက်မည့် စီမံကိန်းသစ် ၁၂ ခုဖြစ်ကြောင်း သိရ ပါသည်။ ထိုရင်းနှီးမြှုပ်နှံမှုစီမံကိန်းများအောက်ရှိ အဓိကထုတ်ကုန်များတွင် မီးဖိုခန်းနှင့် ရေချိုးခန်းသုံးပစ္စည်းများ၊ သန့်ရှင်းရေးပစ္စည်းများနှင့် ပလတ်စတစ်နှင့် သတ္တုအီလတ်ထရောနစ် ပစ္စည်းများ ပါဝင်ကြောင်း သိရပါသည်။ ၁၅၀ မက်ဂါဝပ်ဂ် လေစွမ်းအင်စက်ရုံသည်လည်း ထိုဆန်းစစ်သည့်စီမံကိန်းများ၏ တစ်စိတ်တစ်ပိုင်းဖြစ်ကြောင်း သိရပါသည်။ ထိုစီမံကိန်းများ လည်ပတ်ပါက အလုပ်အကိုင် ၇၃၀၀ ဖန်တီးပေးနိုင်ရန် မျှော်မှန်းရကြောင်း သိရပါသည်။
DOCA (ရန်ကုန်)